28
მარტიდღის ზოგადი ასტროლოგიური პროგნოზი
თელავში, მეფე ერეკლე მეორის სახელობის საჯარო სკოლის პედაგოგს კორონავირუსი დაუდასტურდა. ბიოლოგიური ნიმუშის პასუხი ცოტახნის წინ გახდა ცნობილი. Covid - 19 დაუდასტურდა ამავე სკოლის მოსწავლის მშობლებსაც.
ინფორმაციას ადასტურებენ სასწავლო დაწესებულების ადმინისტრაციაში.
მათი ინფორმაციით, ინფიცირებულ მასწავლებელთან კონტაქტში მყოფი ყველა პირი თვითიზოლაციაშია, ხოლო თანამშრომლების მასობრივი ტესტირება ხვალიდან დაიწყება.
კორონავირუსი დადასტურდა თელავის კიდევ ერთ სკოლაში. ვირუსზე დადებითი პასუხი მე-9 საჯარო სკოლის ორი მოსწავლის ტესტმა აჩვენა.
როგორ გაგრძელდება სწავლა ორივე სკოლაში, სავარაუდოდ, ხვალ გახდება ცნობილი.
ბოლო ინფორმაციით, კახეთში covid-19-ის 150-ზე მეტი ლაბორატორიულად დადასტურებული შემთხვევაა დაფიქსირებული.
ამასთან, ფოთში, 19 ოქტომბრიდან, პირველი, მეოთხე და მეხუთე საჯარო სკოლები დისტანციური სწავლის რეჟიმზე გადავა, ამის შესახებ ფოთის საგანმანათლებლო რესურს ცენტრის უფროსმა გოჩა ქორქიამ განაცხადა.
მისი თქმით, მე-12 საჯარო სკოლაში ონლაინ გაკვეთილები მხოლოდ ერთ დაწყებითი კლასს ჩაუტარდება.
„სამინისტროს მივაწვდით ინფორმაციას, პირველი, მეოთხე და მეხუთე საჯარო სკოლების დისტანციურ სწავლაზე გადასვლის თაობაზე. მე-12 საჯარო სკოლაში კი მხოლოდ ერთი კლასი გადავა დისტანციურ რეჟიმზე, რადგან კორონავირუსი დაწყებითი კლასის მასწავლებელს დაუდასტურდა“, - განაცხადა გოჩა ქორქიამ.
