"ახლა კარგად მომისმინეთ... ჯანდაცვის სფეროში არასახარბიელო მდგომარეობაა..." - რას წერს კორონავირუსით ინფიცირებული ნოდიკო ტატიშვილი

მომღერალი ნოდიკო ტატიშვილი, რომელიც რამდენიმე დღის წინ კორონავირუსით დაინფიცირდა, "ფეისბუქის" პირად გვერდზე საკუთარი ჯანმრთელობის მდგომარეობის შესახებ წერს და გულშემატკივრებს მიმართავს:

"დიდი მადლობა თითოეულ თქვენგანს ყურადღებისთვის! თქვენი გულწრფელი კეთილი სურილები ძალას მმატებს! ბედნიერები იყავით და ჯანმრთელები მთელი ცხოვრება! ახლა კარგად მომისმინეთ, მაქსიმალურად გაუფრთხილდით თავს! დაიცავით ყველა რეკომენდაცია ვირუსის პრევენციისთვის! წინააღმდეგ შემთხვევაში, ერთი სტრესი ხომ ისაა, რომ ვინმეს შეიძლება დაუდასტურდეს covid19 და მეორე სტრესი კიდევ ის, რომ ჯანდაცვის სფეროში არასახარბიელო მდგომარეობაა! დეტალურად ცოტა უკეთ რომ ვიქნები, მერე მოვყვები ამ ყველაფერს საკუთარი გამოცდილებიდან ვსაუბრობ! ამიტომ გაუფრთხილდით თავს, დარჩით სახლში, თუ აუცილებელი არაა გარეთ გასვლა და გაითვალისწინეთ ყველა რეკომენდაცია!

P.S მგონი ვახერხებ ხოლმე პასუხის გაცემას პირადში, თუმცა თუ ვერ გიპასუხეთ, არ გეწყინოთ!", - წერს მომღერალი.

ასევე ნახეთ: "ძალიან გავბრაზდი...მინისტრი ამბობს ყველაფერს ვაკონტროლებო..ვერ აკონტროლებს, ალბათ" - რა პრობლემებს წააწყდა ინფიცირებული ნოდიკო ტატიშვილი და როგორ მკურნალობენ მას