"ვერაფერი გადაარჩინეს, აალების დროს სახლში იყვნენ ოჯახის წევრებიც" - ხონის რაიონში საცხოვრებელი სახლი დაიწვა

ხონის მუნიციპალიტეტში საცხოვრებელი სახლი დაიწვა. თვითმხილველების ინფორმაციით, ხანძრის გამომწვევი მიზეზი, სავარაუდოდ, გაუმართავი ელექტროენერო სისტემა იყო.

"სახლი იყო ნახევრად ხის. სულ დაიწვა. ვერაფერი გადაარჩინეს. აალების დროს სახლში იმყოფებოდნენ ოჯახის წევრები, საბედნიეროდ, მსხვერპლი არ არის. მოასწრეს გარეთ გამოსვლა" - განუცხადა ambebi.ge -ს თვითმხილველმა.

საგანგებო სიტუაციების სამსახურში აცხადებენ, რომ ადგილზე ცეცხლის ჩაქრობის სამუშაოებს 6 ეკიპაჟი აწარმოებს და ხანძარი უკვე ლოკალიზებულია.