რომელ რეგიონებში დაფიქსირდა ინფიცირების ყველაზე მაღალი მაჩვენებელი და რა დეტალები ხდება ცნობილი გარდაცვლილ პაციენტებზე?

ინფექციური საავადმყოფოს ბოქსირებული განყოფილების ხელმძღვანელის მარინა ენდელაძის განცხადებით, კორონავირუსით ინფიცირების 958 შემთხვევიდან 226 აჭარაში დაფიქსირდა, 397 კი თბილისში.

მარინა ენდელაძის თქმით, თბილისში ინფიცირების შემთხვევებმა მოიმატა.

"აჭარაში- 226 ახალი შემთხვევაა, თბილისში- 397 , იმერეთში- 232, სამეგრელო ზემო სვანეთში- 27, შიდა ქართლში- 14, ქვემო ქართლში- 20, მცხეთა-მთიანეთში- 15, კახეთში-13 , სამცხე-ჯავახეთში არის- 8, გურიაში-6 ახალი შემთხვევა გვაქვს“,-განაცხადა ენდელაძემ.

რაც შეეხება გარდაცვლილებს, ენდელაძის თქმით, 4 გარდაცვლილიდან 2 თბილისში მკურნალობდა, 2 კი ბათუმში.

მარინა ენდელაძის თქმით, თბილისში კორონავირუსით ინფიცირებული კრიტიკულად მძიმე 70-ზე მეტი პაციენტია.

"გარდაცვლილია 4 პაციენტი, 2- თბილისში, 2 კი ბათუმშია. სხვა მონაცამები არ ვიცი“,-განაცხადა მარინა ენდელაძემ.

შეგახსენებთ, საქართველოში ბოლო 24 საათში კორონავირუსისგან 214 ადამიანი გამოჯანმრთელდა. რაც შეეხება ინფიცირებულებს, ქვეყანაში კორონავირუსის 958 ახალი შემთხვევა გამოვლინდა და ინფიცირების შემთხვევათა რაოდენობა 16285-ს შეადგენს.