BTU-ში კიბერუსაფრთხოების ჰაკათონი დასრულდა - 3 გამარჯვებულის ვინაობა ცნობილია
15 ოქტომბერს ბიზნესისა და ტექნოლოგიების უნივერსიტეტმა კომპანია Tegeta Motors-თან თანამშრომლობით რიგით მეხუთე სტუდენტური ჰაკათონი კიბერუსაფრთხოების მიმართულებით ჩაატარა. გამოვლინდნენ პირველ, მეორე და მესამე ადგილზე გასული სტუდენტები:
● I ადგილი - ალექს ქისტაური, საინფორმაციო ტექნოლოგიების III კურსის სტუდენტი
● II ადგილი - ნიკა ღონღაძე, საინფორმაციო ტექნოლოგიების II კურსის სტუდენტი
● III ადგილი - მარიამ სპანდერაშვილი, საინფორმაციო ტექნოლოგიების III კურსის სტუდენტი
ჰაკათონის ყველა მონაწილეს გადაეცა სერთიფიკატი ჰაკათონში მონაწილეობისთვის. სტუდენტებმა ასევე მიიღეს ტრენინგების და გადამზადების პროგრამების ვაუჩერები. ჰაკათონის რამდენიმე მონაწილე კი Tegeta Motors-ში დასაქმდება.
ჰაკათონი შედგებოდა პრაქტიკული დავალებებისგან, რომელშიც წარმოდგენილი იყო დავალებები შემდეგი საკითხების შესახებ:
● მავნე კოდის შემცველი ფაილის ანალიზი
● ქსელის ტრაფიკის ანალიზი
● პენტესტი
● ღია წყაროების ანალიზი
„ინიციატივა 5.0-ის“ ფარგლებში ბიზნესისა და ტექნოლოგიების უნივერსიტეტი აგრძელებს პროექტების განხორციელებას კიბერუსაფრთხოების მიმართულებით. BTU Cyber Lab ცნობიერების ასამაღლებლად მომდევნო ერთი წლის განმავლობაში განახორციელებს სხვადასხვა ტიპის აქტივობას: პროექტებს, კონკურსებს, ჰაკათონებს, ფორუმებს კიბერჰიგიენისა და კიბერეთიკის შესახებ, კვლევებს კიბერუსაფრთხოების უზრუნველსაყოფად სხვადასხვა ეკონომიკური სექტორების დიგიტალიზაციის პროცესში და სხვა. დაგეგმილი პროექტები საერთაშორისო პარტნიორების, სახელმწიფო სტრუქტურებისა და კერძო კომპანიების ჩართულობით განხორციელდება.