მნიშვნელოვანი ინფორმაცია
25
ივნისიდღის ზოგადი ასტროლოგიური პროგნოზი
ხუთშაბათი, მთვარის მეორე დღე დაიწყება 04:52-ზე, მთვარე კირჩხიბშია – რეკომენდებულია ბიზნესის დაწყება. მუშაობა ინდივიდუალურადაც და გუნდურადაც. მოძებნეთ სპონსორები თქვენი პროექტებისთვის. შეგიძლიათ დაიწყოთ ახალი საგნების სწავლა, ჩაირიცხოთ კურსებზე. კარგია მოგზაურობა, მივლინებები. პირი და კბილები აქტიურია. კარგია ვარჯიშის დაწყება. რაც უფრო მარტივი და მსუბუქი იქნება დღეს საკვები, მით უკეთესია. არ არის მიზანშეწონილი ალკოჰოლისა და ხორცის მოხმარება. ერთ-ერთი საუკეთესო დღეა ქორწინებისთვის. დღეს შექმნილი ოჯახი ძლიერი და მეგობრული იქნება. კარგია პაემნის მოწყობა და საყვარელი ადამიანისთვის საჩუქრის მირთმევა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ზურაბ ნოღაიდელის ჩვენებას ვერ განვიხილავთ იმგვარად, რომ ის მიხეილ სააკაშვილს დანაშაულში ხელს ადებს" - ნატალია ილიჩოვას ადვოკატი
19:07 / 15-10-2020
დავით გარეჯის საქმეზე დაკავებული ნატალია ილიჩოვას ადვოკატი ნესტან ლონდარიძე აცხადებს, რომ ყოფილი პრემიერ-მინისტრის, ზურაბ ნოღაიდელის მიერ პროკურატურისთვის მიცემული ჩვენება არ შეიძლება, განხილულ იქნას, თითქოს ნოღაიდელი საქართველოს მესამე პრეზიდენტს, მიხეილ სააკაშვილს გარეჯის საქმეზე "ხელს ადებს“.
ნესტან ლონდარიძემ "ინტერპრესნიუსთან“ საუბრისას ზურაბ ნოღაიდელის ჩვენების შინაარსზე ისაუბრა და აღნიშნა, რომ ჩვენებაში ყოფილ პრემიერს "ხელი უშუალოდ არ დაუდია იმ მხრივ, რომ დავით გარეჯის საქმეში სააკაშვილმა გადაწყვეტილება ერთპიროვნულად მიიღო“.
ამასთან, ადვოკატი განმარტავს, რომ "ზურაბ ნოღაიდელის ჩვენება არ შეიძლება განვიხილოთ ნატალია ილიჩოვასა და ივერი მელაშვილის წინააღმდეგ მიცემულ ჩვენებად, რადგან ეს ორი ადამიანი იქ ნახსენები არ არის“.
"ნოღაიდელი იხსენებს უშიშროების საბჭოს სხდომას, სადაც განიხილებოდა დელიმიტაცია - დემარკაციის კომისიის საქმიანობა. იქ მისული იყო ერთ-ერთი წევრი, რომლის სახელსა და გვარს ვერ ასახელებს. ასევე, ვერ ასახელებს კონკრეტულ თარიღს, (სავარაუდოდ, ეს იქნება 2005 წელი) და ამბობს, რომ სავარაუდოდ, ეს იქნებოდა კომისიის თავმჯდომარე, რომელმაც ინფორმაცია მოგვაწოდა იმის თაობაზე, რომ ჩიჩხიტურის კოშკისა და უდაბნოს ნაწილი აზერბაიჯანის მხარეს ექცეოდაო. ამიტომ, უშიშროების საბჭოს სხდომაზე შეთანხმდნენ, რომ მომხდარიყო ამ ნაწილების რეაბილიტაცია, იმისათვის, რომ არ დაკარგულიყო.
ასევე განხილული იყო საკითხი იმის თაობაზე, რომ სამი გამშვები პუნქტიდან ორი ყოფილიყო ტვირთისთვის, ერთი კი ადამიანებისთვის, იმ მიზნით, რომ კონტრაბანდული საქონლის შემოდინებისთვის ხელი შეეშალათ. ეს განხილვები იყო, საბჭოს ამ სხდომაზე. აქვე განიხილეს ის წერილი, რომლიც მედიით უკვე გავრცელდა და ვიცით, რომ ეს არის რეაბილიტაციასთან დაკავშირებით აზერბაიჯანისადმი მიმართვის წერილი.
განმარტავს, რომ ეს წერილი ვერ იქნება გამოყენებული საზღვრების დადგენის კუთხით და ეს იყო უბრალოდ ამ ნაწილების რეაბილიტაციისკენ მიმართული. აქვე არის ერთი მცირე მონაკვეთი, სადაც ახსენებს მიხეილ სააკაშვილს, რომ ამ უშიშროების საბჭოს სხდომაზე ერთპიროვნულ გადაწყვეტილებას იღებდა მიხეილ სააკაშვილი. ასე, უშუალოდ არ მომხდარა ხელის დადება, რომ დავით გარეჯის საქმეში სააკაშვილმა ერთპიროვნულად მიიღო გადაწყვეტილება. ანუ, ზოგადი ფრაზებით არის ნახსენები, რომ „ერთპიროვნულ გადაწყვეტილებას იღებდა პრეზიდენტი, ამ დროისათვის მიხეილ სააკაშვილი“. აქ, უკვე, კონკრეტულად, რაზე და ვის მიმართ იღებდა ერთპიროვნულ გადაწყვეტილებას სააკაშვილი ან გარეჯზე იღებდა, თუ არა, არ არის დაკონკრეტებული. ასე, რომ ამას ვერ განვიხილავთ იმგვარად, რომ ნოღაიდელი მიხეილ სააკაშვილს დანაშაულში ხელს ადებს“, - განაცხადა ნესტან ლონდარიძემ
შეგახსენებთ, რომ დავით გარეჯის საკითხთან დაკავშირებით მიმდინარე გამოძიების ფარგლებში, პროკურატურაში საქართველოს ყოფილი პრემიერ-მინისტრი ზურაბ ნოღაიდელი რამდენიმე დღის წინ გამოკითხეს. ამ დროისთვის უცნობია, რა კითხვები ჰქონდა გამოძიებას ზურაბ ნოღაიდელთან.
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რატომ გაგიჟდა მსოფლიო labubu-ს თოჯინებზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კაი ერთი! მე მგონი ძალიან გასაგებად თქვა, ვინც იღებდა გაწყვეტილებას.
ჯერ რობიკო სტურუას ჩათვლით ტვინი წაგვიღეთ საქართველოს პრეზიდენტზე სომეხი სომეხიო იძახდით სააკაშვილზე, ეხლა მითხარით ზუსტად იგივე ხალხი, რომ გაჰკივით მიწები აზერებს მიყიდაო, თუ სომეხია მიშა მიწები აზერებს როგორ მიყიდა??????? მიშას ფანი არასდროს არ ვყოფილვარ, მაგრამ ზუსტად ვხედავ ვინც ებრძვის ყველა ძველი კკბს აგენტები ხართ, ამიტომ ისევ გიჟი მიშა მირჩევნია სამშობლოს 13 ვერცხლზე გამყიდველებს.