"6 პაციენტიდან 3 აჭარაში გარდაიცვალა, 1 - საჩხერეში, 2 კი თბილისში" - რა დეტალებია ცნობილი კორონავირუსით გარდაცვლილ პაციენტებზე
ინფექციური საავადმყოფოს ბოქსირებული განყოფილების უფროსის, მარინა ენდელაძის განცხადებით, კორონავირუსით გარდაცვლილი 6 პაციენტიდან, 3 აჭარაში გარდაიცვალა, 1 - საჩხერეში, 2 კი თბილისში.
ამის შესახებ მან ჟურნალისტებს განუცხადა. მისივე თქმით, საქართველოში კორონავირუსით გარდაცვალების სულ 91 შემთხვევა ფიქსირდება.
ამასთან, საჩხერის სამედიცინო ცენტრში კორონავირუსით გარდაცვლილი პაციენტი 62 წლის მამაკაცია, რომელიც გალიდან იყო და კლინიკაში 11 სექტემბერს შეიყვანეს.
კლინიკის დირექტორის, მიხეილ ქამუშაძის ინფორმაციით, პაციენტს ქრონიკული დაავადებები ჰქონდა.
"პაციენტს ჰქონდა რამდენიმე ქრონიკული დაავადება, მათ შორის რევმატოიდული პოლიართრიტი. კლინიკაში შემოყვანის დღიდან იყო მართვით სუნთქვაზე. ჩატარებული მკურნალობის მიუხედავად, პაციენტის გადარჩენა ვერ მოხერხდა“, -განაცხადა ქამუშაძემ.
ცნობისთვის, საქართველოში კორონავირუსის 478 ახალი შემთხვევა გამოვლინდა და ინფიცირების შემთხვევათა რაოდენობა 12 272-მდე გაიზარდა. გარდა ამისა, საქართველოში, ბოლო 24 საათში კორონავირუსისგან კიდევ 211 პაციენტი გამოჯანმრთელდა. გამოჯანმრთელებულთა საერთო რაოდენობა ამ ეტაპზე 6538-ია.
"ხასიათის ადამიანია... მაგრამ მთავარი თვისება ის არის, რომ საოცრად თავმდაბალია" - ნინო სუხიშვილის ემოციური პოსტი ძმაზე
"რა ინფორმაციაც მაქვს, გადაცდომა, რომელიც შესაძლოა, კოვიდინფიცირებულის სიკვდილის მიზეზი გამხდარიყო, არ დაფიქსირებულა" - ცერცვაძე
