22
ივნისიდღის ზოგადი ასტროლოგიური პროგნოზი
საფრანგეთის ემიგრაციის, ინტეგრაციისა და ნაციონალური იდენტიფიკაციის მინისტრმა ერიკ ბესონმა მუსულმან იასმინ ტორჯმანზე დაქორწინების გადაწყვეტილება გააცხადა. ამ ამბავს განსაკუთრებულიპიკანტურობას ის სძენს, რომ თავის დროზე საზოგადოებრივ ადგილებში ჩადრის ტარების აკრძალვის ინიციატივით სწორედ ერიკ ბესონი გამოვიდა. საფრანგეთის პარლამენტმა ეს აკრძალვა ივლისში მიიღო.
52 წლის პოლიტიკოსისა და 23 წლის მუსულმანი ქალის მომავალი ქორწინება ფრანგული მასმედიის ერთ-ერთი მთავარი თემაა. სამი შვილის მამა ბესონი ცოლს, 49 წლის სილვია ბრუნელს შარშან გაშორდა და ცხოვრება თავის სატრფოს, პარიზის ხელოვნების სკოლის სტუდენტს დაუკავშირა.
მომავალ ქორწინებასთან დაკავშირებით ერიკ ბესონს სპეციალური განცხადების გაკეთება დასჭირდა იმის თაობაზე, რომ ისლამის მიღებას არ აპირებს, მიუხედავად იმისა, რომ ამ რელიგიას უდიდეს პატივს სცემს. უკვე ცნობილია, რომ ქორწინების ცერემონიალი 16 სექტემბერს, ვიწრო წრეში გაიმართება და მას მხოლოდ წყვილის უახლოესი ადამიანები დაესწრებიან, რომელთა შორის აუცილებლად იქნება საფრანგეთის პრეზიდენტი ნიკოლა სარკოზი.
მომზადებულია newsru.co.il-ის მიხედვით.
