მნიშვნელოვანი ინფორმაცია
30
ივნისიდღის ზოგადი ასტროლოგიური პროგნოზი
ორშაბათი, მთვარის მეექვსე დღე დაიწყება 10:53-ზე, მთვარე ქალწულშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. ნუ დალევთ ლუდს, ბევრ წყალს, რძეს. მოაგვარეთ მატერიალური და ფულადი საკითხები. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. არ არის რეკომენდებული ფულის გასესხება ან ვალის აღება. არ გადაიღალოთ, არ დარჩეთ სამსახურში გვიანობამდე. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
აფგან მუხთარლის გერმანიიდან თბილისში გამომგზავრების შესაძლებლობა არ მიეცა - რა განმარტება გაკეთდა "ჯორჯიან ეარვეისსა" და მმართველ გუნდში?
17:38 / 10-10-2020
აზერბაიჯანელ ჟურნალისტს აფგან მუხთარლის გერმანიიდან თბილისში გამგზავრების შესაძლებლობას არ აძლევენ. ამის შესახებ ინფორმაციას ორგანიზაცია "უფლებები საქართველო" ავრცელებს.
მათივე ინფორმაციით, მუხთარლის საქართველოში ჩამოსვლის საშუალებას ავიაკომპანია „საქართველოს ავიახაზები" და საქართველოს საკონსულოს წარმომადგენლები არ აძლევენ.
"გერმანიაში მყოფი აზერბაიჯანელი ჟურნალისტი, აფგან მუხთარლი, რომელიც დღეს თბილისში გეგმავდა ჩამოსვლას, იტყობინება, რომ ავიაკომპანია „საქართველოს ავიახაზების" და საქართველოს საკონსულოს წარმომადგენელები არ აძლევენ მას შესაძლებლობას, გაემგზავროს საქართველოში. „თბილისის ადამიანის უფლებათა სახლი“ და მისი წევრი ორგანიზაცია „უფლებები საქართველო“, რომლებიც მუხთარლის უფლებებს იცავენ, ამ წუთებში ცდილობენ ვითარების ადგილზე გარკვევას. მოვუწოდებთ პასუხისმგებელ უწყებებს, მოხსნან ყველა ხელოვნური ბარიერი და აზერბაიჯანელ ჟურნალისტს საქართველოში თავისუფლად ჩამოსვლის შესაძლებლობა მისცენ”, - ნათქვამია გავრცელებულ ინფორმაციაში.
ავიაკომპანია "ჯორჯიან ეარვეისმა" განმარტა, რატომ ეთქვა უარი აფგან მუხთარლის გერმანიიდან საქართველოში ტრანსპორტირებაზე.
როგორც ავიაკომპანიის მიერ გავრცელებულ განცხადებაშია ნათქვამი, საქართველოში მოქმედებს სპეციალური რეგულაცია, რომელიც ადგენს იმ ქვეყანათა ნუსხას, რომელთა მოქალაქეები და მუდმივი ცხოვრების უფლების მქონე პირები დაუბრკოლებლად შემოდიან საქართველოში. განცხადებაში აღნიშნულია, რომ აზერბაიჯანი არ შედის ამ ე.წ. „მწვანე ზონის ქვეყნების” ჩამონათვალში, შესაბამისად, ავიაკომპანია "აირზენა" ვერ გაუწევდა მომსახურებას აზერბაიჯანის მოქალაქეს.
აღნიშნულთან დაკავშირებით კომენტარი გაკეთდა მმართველ გუნდშიც.
უმრავლესობის ერთ-ერთი ლიდერის გიორგი კახიანის განმარტებით, აზერბაიჯანელი ჟურნალისტის აფგან მუხთარლის საქართველოს ტერიტორიაზე შემოშვებასთან დაკავშირებით, სახელმწიფო იღებს ისეთ გადაწყვეტილებებს, რომლებიც პანდემიური მდგომარეობით არის ნაკარნახევი. კახიანის განმარტებით, თუ ეს პიროვნება ქვეყნის მიერ დადგენილ ყველა რეგულაციას აკმაყოფილებს, ის შეიძლება იყოს შემოშვებული საქართველოში.
"ბუნებრივია, სახელმწიფო იღებს იმ ზომებს, რომელიც გარკვეულწილად პანდემიური მდგომარეობიდან არის გამომდინარე და აქედან გამომდინარე ხდება, თუ რაღაც გარკვეული შეზღუდვა არის მოქალაქეების საქართველოს ტერიტორიაზე შემოსვლასთან დაკავშირებით. იმის მიხედვით, როგორც ამას შესაბამისი რეგულაციები მოითხოვენ, ეს პიროვნება შესაძლოა იყოს შემოშვებული საქართველოს ტერიტორიაზე. ამ საკითხთან დაკავშირებით გადაწყვეტილებები იქნება მიღებული იმ რეგულაციების ფარგლებში, რომელიც არსებობს პანდემიიდან გამომდინარე" - განაცხადა კახიანმა.
ცნობისთვის, აზერბაიჯანელი ჟურნალისტი აფგან მუხთარლი გერმანიიდან საქართველოში გამომგზავრებას დღეს აპირებდა, თუმცა ამის უფლება არ მიეცა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გამარჯვება პირველივე წუთებზე - ილია თოფურიამ ოლივიერა ნოკაუტში ჩააგდო და ჩემპიონი გახდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
