ცნობილი ქართველი ალპინისტის 90 წლის მეუღლე პრემიერთან - რა ფოტოს აქვეყნებს გიორგი გახარია სვანეთიდან

საქართველოს პრემიერ-მინისტრი გიორგი გახარია, "ქართული ოცნების" ლიდერებთან ერთად სვანეთში იმყოფება. მათ ადგილობრივებს მესტიაში, „ქართული ოცნების“ მაჟორიტარი კანდიდატი გოჩა ენუქიძე წარუდგინეს.

პრემიერმა ცნობილი ქართველი ალპინისტის, მიხეილ ხერგიანის სახლ-მუზეუმი დაათვალიერა, რომელსაც დაბა მესტიის, ლაღამის უბნისა და უშგულის თემის სვანური კოშკების რეაბილიტაციის პროექტის ფარგლებში რეაბილიტაცია ჩაუტარდება.

გიორგი გახარია შეხვდა ადგილობრივებსაც, მათ შორის ხერგიანის მეუღლეს, 90 წლის კატო ბარლიანს.

ცნობისთივის, საერთაშორისო კლასის სპორტის ოსტატი 1969 წელს, 37 წლის ასაკში, იტალიის მწვერვალ სუ-ალტოზე დაიღუპა. ხერგიანის მიერ მთაში სამაშველო მუშაობის შედეგად გადარჩენილია მრავალი ადამიანი. მისი სახელის უკვდავსაყოფად 1983 წელს მესტიაში გაიხსნა ხერგიანის მემორიალური მუზეუმი.