მნიშვნელოვანი ინფორმაცია
9
ივნისიდღის ზოგადი ასტროლოგიური პროგნოზი
ორშაბათი, მთვარის მეთოთხმეტე დღე დაიწყება 21:02-ზე, მთვარე მშვილდოსანში იქნება 18:53-დან, უკურსო მთვარის პერიოდი იქნება 16:06-დან 18:55-მდე – მიიღეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. თუ შესაძლებელია, გადადეთ ყველაფერი, დაისვენეთ და ისიამოვნეთ ცხოვრებით. ფიზიკური აქტივობა სასარგებლოა. გაუფრთხილდით მხედველობას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"უძინართა მზის" დათოს უცნობი ოჯახი - მსახიობის ცხოვრება დღეს, სამი ცოლის ისტორია და შვილი, რომელიც მამას საოცრად ჰგავს
12:29 / 10-10-2020
მას ერთი ფილმის მსახიობს ეძახიან, რადგან 1992 წელს გამოსულ ფილმში "უძინართა მზე", ექიმის
ბენდელიანის შვილის დაუვიწყარი სახე შექმნა. დათო კაზიშვილის გმირს ფილმშიც დათო ჰქვია... რეჟისორი თემურ ბაბლუანი ფილმს შვიდი წლის მანძილზე იღებდა და ექიმი მამის ხსოვნას მიუძღვნა.
ფილმის მთავარი გმირებიდან გუჯა ბურდული მას შემდეგ არაერთ ფილმში გადაიღეს, თუმცა გულშემატკივრებისთვის ისევ ის საოპერაციოდ გამზადებული ექიმია, რომელიც შვილთან ერთად ფილმში "რიმდარიდოს" ღიღინებს. დათო კაზიშვილი კი მაყურებლებისთვის ისევ დათო ბენდელიანად დარჩა.
მისი ცხოვრება უდიდესი წარმატების შემდეგ უცნაურად წარიმართა. დათომ მსახიობობა აღარ ინდომა, თუმცა ჩვენი ინფორმაციით, თემურ ბაბლუანს რამდენიმე წლის წინაც ჰქონდა მცდელობა დათო მის კიდევ ერთ ფილმში გადაეღო.
დათო კაზიშვილი 2019 წლის 15 ოქტომბერს 50 წლის გახდა. სოციალურ ქსელში ხშირად ვრცელდება ფოტოები, სადაც წვერმოშვებული მსახიობი რთულად იცნობა. არ კონტაქტობს მედიასთან, არ უყვარს ჟურნალისტებთან საუბარი. მისი ინტერვიუზე დათანხმება რთულია და შეიძლება ტელეფონი კვირებიც კი გამორთული ჰქონდეს. არაერთხელ გავრცელდა ჭორი მისი გარდაცვალების შესახებ. ითქვა ისიც, რომ ბერად აღიკვეცა, თუმცა ეს ჭორი მთლად რეალობას მოკლებული არ ყოფილა.
ხუთი წლის წინ ჟურნალ "გზის" ჟურნალისტმა სვეტიცხოვლის ტაძარში აღმოაჩინა, სწორედ მაშინ აპირებდა ბერად შედგომას.
"თავდაპირველად, გელათში ჩავედი, იქიდან ლეჩხუმში გადავედი. ახლა კი თითქმის ერთი თვეა, სვეტიცხოველში ვარ. დაახლოებით წელიწადია, რაც მონასტერში ვცხოვრობ. მორჩილი ვარ. აქ ყველას ჩვენი ფუნქცია გვაქვს, მე მესანთლე ვარ ანუ სანთლებს ვქნი.- ეს ნაბიჯი რომ არ გადამედგა, ხალხის ჭორი სინამდვილედ იქცეოდა და ალბათ, მართლა მოვკვდებოდი. რა ვქნა, გამიჭირდა ოჯახის დანგრევასთან შეგუება. მონასტერმა სიკვდილს გადამარჩინა.ახლა ის პროცესია, როცა უნდა გაირკვეს, საცხოვრებლად აქ დავრჩები თუ ძველ ყოფას დავუბრუნდები. საერო ცხოვრება დიდი ცდუნებაა, ათასი რაღაც მენატრება" - გამოუტყდა მაშინ ჟურნალისტს კაზიშვილი.
ბერობის გზიდან ერისკაცობაში დაბრუნდა და რამდენიმე წლის წინ მესამედ დაოჯახდა. ჩვენი ინფორმაციით, დათო კაზიშვილი მეუღლესთან ერთად ცხოვრობს და 2019 წლის მარტში მესამე შვილი შეეძინა.
ყოფილ მოკრივეს კრივის ფედერაციამ სოციალურ ქსელში ოფიციალურ გვერდზე მიულოცა. პირველი ქორწინებიდან 20 წლის გოგონა ნიკი ჰყავს. ილონა - ასე ერქვა მეუღლეს, რომელიც წლების წინ ამერიკაში წავიდა და შვილიც წაიყვანა. ნიკი მაშინ 3 წლის იყო. ქალის ეს ნაბიჯი მსახიობმა მაშინ შურისძიებას დაუკავშირა. მისი აზრით ასე დასაჯა ილონამ დათო, რადგან მათი ურთიერთობა საბოლოოდ არ შედგა. ნიკი მას შემდეგ 2015 წელს ნახა, შვილმა სვეტიცხოვლის ტაძარში მიაკითხა და უკვე გაზრდილი იყო.
მეორედ დაოჯახების შემდეგ დათოს თეკლა შეეძინა. მონასტერში წასვლას და ბერად აღკვეცის გადაწყვეტილებას მაშინ მსახიობი სწორედ თეკლას დედასთან განშორებას უკავშირებდა, რადგან ამ ფაქტს ძალიან განიცდიდა. თეკლა გაიზარდა და მამას საოცრად ჰგავს. სოციალურ ქსელში ხშირად აქვეყნებს ფოტოებს და სვამს კითხვას, ჰგავს თუ არა მამას.
დათო კაზიშვილი დღემდე ძალიან პოპულარულია ყველა თაობის ქართველში, ვისაც კი უნახავს ფილმი "უძინართა მზე"... სოციალურ ქსელში თავად არ აქტიურობს, მაგრამ აქტიურობენ მისი თაყვანისმცემლები და ხშირად აქვეყნებენ საყვარელ მსახიობთან ერთად გადაღებულ ფოტოებს, ტექსტებით: "შეხედეთ, ეს უძინართა მზის დათოა", "იცანით დათო, უძინართა მზიდან..."
თავად კი ერთი როლის მსახიობი ჟურნალისტთან ინტერვიუში სვეტიცხოვლის მონასტრის ეზოში ამბობდა:
"ჩემს გაცდენილ-დაკარგულ წლებს ძალიან ვნანობ. დროს უდიერად მოვექეცი. პოპულარული გავხდი, ხალხის სიყვარული მოვიპოვე და მერე უფრო დიდი წარმატების მიღწევაც შემეძლო, მე კი საამისოდ არაფერი გავაკეთე. თითქოს პოპულარობამ ამპარტავანი გამხადა. წარმოიდგინე, 5 წელი როგორი საინტერესო ადამიანების გარემოცვაში მომიხდა ყოფნა, მე კი ყველაფერს დაუდევრად მოვექეცი.
ახლა მაქვს სურვილი, ჩემი ასეთი ცუდი საქციელისთვის "შური ვიძიო". მინდა, ჩემი ნიჭი და რეალური შესაძლებლობები კიდევ ერთხელ გამოვიყენო. იმედია, ამის შანსი მომეცემა... წარმოიდგინე, მაშინ მხოლოდ საქართველოდან კი არა, რუსეთიდანაც მქონდა კარგი შემოთავაზება და მე ამ ყველაფერზე უარი ვთქვი - ამის მიზეზი ამპარტავნებაც იყო, "ქუჩური ცხოვრებაც" და რა ვიცი, კიდევ რა... ახლა საერო ცხოვრებას იმიტომ მინდა დავუბრუნდე, რომ ისევ გადასაღებ მოედანზე მოვხვდე".
მკითხველის კომენტარები /
16 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ფილმი ძალიან საინტერესოა...აქ ნაჩვენებია ბევრი სირთულე...მაგრამ რაცარმომწონს წახალისებულია ძალადობა...ზოგს იმდენად მოკლე აზროვნებააქვს,არახსოვს ის თუ იმ ქართველმა" მილიციელებმა"რამდენი ადამიანის სიცოცხლე იხსნეს ავადსხსენებელ 9 აპრილს..ასევე არახსოვთ იმ ზნედაცემული ე.წ.უბნის მაყურებლების და მათი მიმდევრების მიერ ფულის გულისათვის უმოწყალოდ ნაწამები ადამიანები,რამდენი ადამიანი ემსხვერპლა მათ ღორების რომ გამოძალვით ეშოვათ ფული...თქვენ სხვის მონაყოლ აბდაუბდას ყვებით მაგრამ პირადი შეხება არგქონიათ..ყველა დროს ყავდა გმირებიც და ანტიგმირებიც...შევარდნაძის დროს რომ იყვნენ პოლიციელები და ხალხის ბოთლზე დასმა გართობას მიაჩნდათ დღეს ეგხალხი თანამდებობებზე არიან...როგორც მილიციელები აწერდნენ ფულს ისე უბნის მაყურებლები აწერდნენ..განსხვავება ისიყო რომ ეს უკანასკნელი სიცოცხლის ხელყოფას არერიდებოდნენ...ვინც ძალადობას ახალისებთ ჩვეულებრივი უწიგნური ტვინგამორეცხილი ფსიქოპათებიხართ...წაიკითხეთ,უყურეთ და ანალიზი სწორადუნდაგააკეთოთ.თვითონ ბაბლუანი აქვს გადაცემაში ნათქვამი..სვანებზე ანეგდოტები არმიყვარსო..ვინ მოყვება მერე ვნახოთ...ანუ ადამიანი თვითონ დაძაბულია...
საუკეთესო ფილმი და საუკეთესო შემსრულებლები იმდენად ბუნებრივია ისინი არც თამაშობენ რეჟისორმა ზუსტი არჩევანი გააკეთა როცა დათო აირჩია დათოს როლში დათო როლს კი არ დაემსგავსა როლი დაემსგავსა მას მერე რაც მოხდა ის ცხოვრების და ცოტაც დათოს ბრალია ახლა აქვს სურვილი დაუბრუნდეს კინოს წარმატებები მას