სამხრეთ კორეაში 33-სართულიან საცხოვრებელ შენობაში ხანძარი გაჩნდა - 80-ზე მეტი ადამიანი საავადმყოფოშია გადაყვანილი

სამხრეთ კორეის ქალაქ ულსანში 33-სართულიან საცხოვრებელ შენობაში ხანძარი გაჩნდა, 80-ზე მეტი ადამიანი საავადმყოფოშია გადაყვანილი, - ამის შესახებ ინფორმაციას BBC-ი ავრცელებს.

გამოცემის ცნობით, შენობიდან ევაკუირებულია ასობით ადამიანი.

ხანძარი მე-8 და მე-12 სართულებს შორის გაჩნდა და სწრაფად მოედო მთელ შენობას. ძლიერი ქარის გამო ცეცხლი ადვილად გავრცელდა და მის ჩასაქრობად მეხანძრეებს დაახლოებით 13 საათი დასჭირდათ.

ხანძრის გამომწვევი მიზეზი ჯერჯერობით უცნობია.