მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
კასეტური ბომბები, დიალოგი პუტინსა და ფაშინიანს შორის და თურქეთის საგარეო საქმეთა მინისტრი აზერბაიჯანში - რა ხდება ყარაბაღში ომის მე-10 დღეს
11:29 / 06-10-2020
მთიან ყარაბაღში შეიარაღებული დაპირისპირების განახლებიდან მეათე დღეს საომარი მოქმედებები კვლავ მიმდინარეობს.
არაღიარებული ყარაბაღის ე.წ. ომბუდსმენის, არტაკ ბეგლარიანის ინფორმაციით, ომს 19 სამოქალაქო პირი ემსხვერპლა, რომელთა შორისაც, ერთი მცირეწლოვანია, 7 ქალი, ხოლო 11 კაცი. ბეგლარიანი ამბობს, რომ ისინი სარაკეტო თავდასხმებსა და საარტილერიო ბრძოლების შედეგად დაიღუპნენ.
მისივე ინფორმაციით, დაჭრილია 80 პირი, მათგან 60-ის მდგომარეობა მძიმეა.
აზერბაიჯანის პრეზიდენტი ილჰამ ალიევი კი ჯებრაილის რაიონში სამი სოფლისა და რამდენიმე სტრატეგიული სიმაღლის აღების შესახებ იუწყება.
"აზერბაიჯანის არმიამ გაათავისუფლა ჯებრაილის რაიონის სოფლები - შიხალი აგალი, სარიჯალი და მეზრე და სხვადასხვა მიმართულებით რამდენიმე სტრატეგიული სიმაღლე. ჩვენი შესანიშნავი არმიის წარმატებული ოპერაცია გრძელდება. ყარაბაღი აზერბაიჯანია!", - წერს ალიევი "ტვიტერზე“.
- სატელეფონო საუბარი პუტინსა და ფაშინიანს შორის
პარალელურად, სატელეფონო საუბარი შედგა რუსეთის პრეზიდენტ ვლადიმერ პუტინსა და სომხეთის პრემიერ-მინისტრ ნიკოლ ფაშინიანს შორის. ინფორმაციას ამის შესახებ კრემლის პრესსამსახური ავრცელებს.
"მხარეებმა მთიანი ყარაბაღის კონფლიქტის ზონაში შეიარაღებული დაპირისპირების ესკალაციის საკითხი განიხილეს, რომელმაც მასშტაბური ხასიათი მიიღო და ორივე მხარის სერიოზული დანაკარგი გამოიწვია, მათ შორის მშვიდობიან მოსახლეობაში,“- აცხადებენ კრემლში და აღნიშნავენ, რომ, ვლადიმერ პუტინმა სამხედრო ოპერაციების დაუყოვნებლივ შეწყვეტის აუცილებლობას გაუსვა ხაზი. კრემლის ინფორმაციით, სატელეფონო საუბარი სომხური მხარის ინიციატივით გაიმართა.
- აზერბაიჯანი თურქეთის საგარეო საქმეთა მინისტრის მოლოდინში
ამასთან, დღეს ცნობილი გახდა, რომ თურქეთის საგარეო საქმეთა მინისტრი, მევლუთ ჩავუშოღლუ აზერბაიჯანში მიემგზავრება. ინფორმაციას თურქეთის საგარეო საქმეთა სამინისტრო ავრცელებს. როგორც აზერბაიჯანულ მედიაში წერენ, ის მთავრობის წევრებს შეხვდება და მხარეები მთიან ყარაბღში შექმნილ ვითარებაზე ისაუბრებენ.
- მსოფლიოს ქვეყნების ლიდერები ყარაბაღის კონფლიქტის შესახებ
პარალელურად, მსოფლიოს სხვადასხვა ქვეყნის ლიდერები აქტიურად მოუწოდებენ აზერბაიჯანულ და სომხურ მხარეს ცეცხლის შეწყვეტისკენ. აღნიშნულ თემაზე აშშ-ის სახელმწიფო მდივანმა მაიკ პომპეომ, საფრანგეთის საგარეო საქმეთა მინისტრმა ჟან ივ ლე დრიანმა და რუსეთის საგარეო საქმეთა მინისტრმა სერგეი ლავროვმა, რომლებიც ეუთო-ს მინსკის ჯგუფის თანათავმჯდომარე ქვეყნებს წარმოადგენენ, ერთობლივი განცხადება გაავრცელეს.
"მინისტრები მკაცრად გმობენ ძალადობის უპრეცედენტო და საშიშ ესკალაციას მთიანი ყარაბაღის ზონაში და მის გარეთ. ბოლოდროინდელი თავდასხმები, რომლის სამიზნე, სავარაუდოდ, სამოქალაქო ცენტრები იყო - როგორც კონტაქტის ხაზის გასწვრივ, ასევე აზერბაიჯანისა და სომხეთის ტერიტორიებზე მთიანი ყარაბაღის კონფლიქტის ზონის გარეთ - და ასეთი თავდასხმების არაპროპორციული ხასიათი მიუღებელ საფრთხეს უქმნის რეგიონის სტაბილურობას,“- აღნიშნულია განცხადებაში.
მინისტრები მთიანი ყარაბაღის კონფლიქტის მონაწილეებს ცეცხლის შეწყვეტისა და მოლაპარაკებების განახლებისკენ მოუწოდებენ.
"მინისტრები კიდევ ერთხელ მოუწოდებენ კონფლიქტის მხარეებს, დაუყოვნებლივ და უპირობოდ შეწყვიტონ ცეცხლი და განაახლონ მოლაპარაკების პროცესი არსებული ძირითადი პრინციპებისა და ორივე მხარის მიერ ცნობილი შესაბამისი საერთაშორისო დოკუმენტების საფუძველზე,“ - აღნიშნულია განცხადებაში.
- აკრძალული იარაღი
"ამნესტი ინტერნეიშენალის“ ინფორმაციით, მთიანი ყარაბაღის დე-ფაქტო ხელისუფლებამ გამოაქვეყნა ქალაქ სტეფანაკერტში კასეტური ბომბების გამოყენების ამსახველი მასალა.
"ამნესტი ინტერნეიშენალის“კრიზისული რეაგირების ექსპერტებმა კადრების ლოკაცია შეამოწმეს და აღმოაჩინეს ისრაელის წარმოების M095 DPICM კასეტური საბრძოლო მასალა, რომელიც, როგორც ჩანს, აზერბაიჯანული ძალების მიერ იქნა ნასროლი,“ - ნათქვამია ორგანიზაციის მიერ გავრცელებულ განცხადებაში.
"ამნესტი ინტერნეიშენალი“ განმარტავს, რომ კასეტური ბომბების გამოყენება საერთაშორისო კანონმდებლობით აკრძალულია და მათი გამოყენება მშვიდობიანი მოსახლეობის წინააღმდეგ განსაკუთრებით სახიფათოა. ორგანიზაციაში აცხადებენ, რომ მშვიდობიანი მოსახლეობა დაცული უნდა იყოს და მათ წინააღმდეგ მიზანმიმართული, ან წინდაუხედავი თავდასხმა არ უნდა განხორციელდეს.
შეგახსენებთ, მთიან ყარაბაღში საბრძოლო მოქმედებები 27 სექტემბრის შემდეგ არ წყდება.
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რატომ,საქართველოში ხომ შერჩათ რუსებს ამ კასეტური ბომბების გამოყენება. აქაც შერჩებათ!
ძაან იცით თქვენ იქ რა ხდება. ჩვენსავით კი არ აყრანტალებენ საიდუმლოებებს. რასაც ამბობენ და საჯაროდ აჩვენებენ 100% მიზანმიმართული დეზინფორმაციაა, რაც მიზნად ისახავს მოწინააღმდეგის მხარის შავ პიარს, საკუთარი ხალხის გამხნევებას და სიმართლის დამალვას.