"ასე მგონია, ახლაც გვეხუმრება და სადაცაა გამოჩნდება" - 61 წლის მამაკაცი, რომელსაც ხელვაჩაურში, მდინარეში ეძებენ, აჭარის უმაღლესი საბჭოს თანამშრომელია
ხელვაჩაურში მდინარე მეჯინისწყალში გაუჩინარებული 61 წლის მალხაზ ჯაფარიძეს მაშველები ორი დღეა უშედეგოდ ეძებენ. სამძებრო სამუშაოები, როგორც მდინარეში ასევე ზღვაშიც მიმდინარეობს.
როგორც ცნობილია, სტიქიის ღამეს მალხაზი და მისი თანმხლები პირი ხელვაჩაურში სოფელ სატეხიაში მსუბუქი ავტომობილით გადაადგილდებოდნენ და უეცრად მდინარიდან მოვარდნილმა წყალმა მანქანა გაიტაცა. მალხაზის გვერდით მჯდომმა პირმა გადასვლა მოასწრო, თუმცა თავად მდინარეში გაუჩინარდა.
მაშველებმა მსუბუქი ავტომობილი იპოვეს, თუმცა მალხაზი შიგნით არ დახვდათ. მალხაზ ჯაფარიძე აჭარის ავტონომიური რესპუბლიკის უმაღლესი საბჭოს თანამშრომელია, იგი მძღოლის პოზიციაზე მუშაობს.
მომხადრ ფაქტთან დაკავშირებით, მეგობრები და თანამშრომლები სოციალური ქსელით გამოეხმაურნენ:
"მუდამ ღიმილიანი… უწყინარი... ზედმეტად ყურადღებიანი, უბრალო, უღალატო, განსხვავებული... ბევრისთვის გაუგებარი იუმორის მქონე... ასე მგონია, ახლაც გვეხუმრება თავისებურად... სადაცაა გამოჩნდება და გვეტყვის: რას მეძებდით, არ შეიძლებოდა ერთი დღით მეც დამესვენა?! დაღლილი ვიყავი და გამოვიძინეო... ნეტა მართლა ასე იქნებოდეს... უკანასკნელად გთხოვ მახო მოდი, კიდევ ერთხელ გაგვაოცე შენებურად", - წერენ მალხაზ ჯაფარიძის მეგობრები სოციალურ ქსელში.
"მისი წარმატება არაერთ მედალსა და სიგელს ითვლის" - ძალოსნობის ფედერაცია სტიქიის შედეგად გარდაცვლილი მოზარდის გამო მწუხარებას გამოთქვამს
განათლების სამინისტროს განმარტება VII-XII კლასებში სასწავლო პროცესის საკლასო ოთახში განახლებასთან დაკავშირებით
