თენგიზ ცერცვაძე თანამდებობაზე რჩება - ინფექციური საავადმყოფოს პრესსამსახურის განცხადება

თბილისის ინფექციური საავადმყოფოს დირექტორი თენგიზ ცერცვაძე თანამდებობას არ ტოვებს. ამის შესახებ განცხადება საავადმყოფოს საზოგადოებასთან ურთიერთობის სამსახურის უფროსმა გოგა ბერიძემ გააკეთა.

"ინფექციური საავადმყოფოს გენერალური დირექტორი რჩება თავის თანამდებობაზე, აგრძელებს დაკისრებულ მოვალეობას და ცხელების ცენტრების მართვას. გარდა ამისა, მას დაგეგმილი აქვს ვიზიტი აჭარის რეგიონში, სადაც ყველაზე მეტი კოვიდინფიცრებულია, რათა გაუწიოს კოლეგებს აჭარაში კონსულტაცია და მართვა"- აღნიშნა ბერიძემ.

ცნობისთვის, თენგიზ ცერცვაძის გადადგომასთან დაკავშირებით განცხადება დღეს მედიაში გავრცელდა.