მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ამაზე ააგებენ ამბავს, რომ ჩვენ ქართული მიწა გავყიდეთ" - სააკაშვილის თქმით, რაც დავითგარეჯთან დაკავშირებით ხდება, ხელისუფლების მიერ დაგეგმილი პროვოკაციაა
14:27 / 30-09-2020
მოგეხსენებათ, საქართველოს გენერალურმა პროკურატურამ უცხო ქვეყნისთვის საქართველოს ტერიტორიის ნაწილის გადაცემისკენ მიმართული მოქმედების განხორციელების ფაქტზე გამოძიება დაიწყო. უწყების ცნობით, გამოძიების დაწყებას საფუძვლად დაედო 2020 წლის 17 აგვისტოს, საქართველოს თავდაცვის სამინისტროდან მიღებული წერილობითი ინფორმაცია, რომელიც შეეხებოდა საქართველოს სახელმწიფო საზღვრების დელიმიტაციისა და დემარკაციის სამთავრობო კომისიის საქმიანობას. თავდაცვის სამინისტროდან მიღებული ინფორმაციით, კომისიის მიერ საქართველო აზერბაიჯანის სახელმწიფო საზღვრის გარკვეული მონაკვეთები არამართლზომიერად, ჩვენი ქვეყნის ტერიტორიული ინტერესების საზიანოდ შეთანხმდა.
ამ საკითხე გამოეხმაურა ექსპრეზიდენტი მიხეილ სააკაშვილი, რომლის თქმითაც, ის, რაც დავით გარეჯთან დაკავშირებით ხდება, ხელისუფლების მიერ დაგეგმილი პროვოკაციაა.
როგორც სააკაშვილი "ფეისბუქზე" გავრცელებულ ვიდეოში აცხადებს, ის ყველა შეხვედრაზე აყენებდა საკითხს, რომ საბოლოოდ მომხდარიყო საზღვრის დელიმიტაცია და დავით გარეჯი საქართველოს სუვერენულ ტერიტორიად დაკანონებულიყო.
"ის, რაც იკადრეს ჩვენი უმნიშვნელოვანესი ძეგლის, ჩვენი უწმინდესი ადგილის, გარეჯის მიმართ, ეს არის დიდი ხნის წინ დაგეგმილი პროვოკაცია. სხვათა შორის, ამის შესახებ ჟურნალისტები საუბრობენ უკვე რამდენიმე კვირაა. მინდა გითხრათ, რა აქვთ მათ ამ პროვოკაციის შემდეგი ეტაპები - ისინი აპირებენ, ჯერ ალაპარაკონ საგარეო საქმეთა მინისტრის ყოფილი მოადგილე მანჯგალაძე, რომელიც იტყვის, რომ მან რაღაც დავალებები მიიღო ჩემგან თუ სხვისგან ამ ტერიტორიების გასხვისებისთვის, შემდეგ ისინი აპირებენ გამოიყვანონ მოსკოვში მცხოვრები აზერბაიჯანული ეთნიკური წარმომავლობის ადამიანები, რომლებიც იტყვიან, რომ ამ მიწების გასხვისებისთვის ფული გადაიხადეს, 60 თუ 80 მილიონი, რაც დაიბადება ФСВ-ს პროპაგანდისტების და ივანიშვილის თავში. მერე ამაზე ააგებენ მთელ ამბავს, რომ ჩვენ ქართული მიწა გავყიდეთ.
სიმართლე არის სრულიად საწინააღმდეგო - ჩემი მმართველობის დროს ყველა შეხვედრაზე ვაყენებდით საკითხს იმის თაობაზე, რომ საბოლოოდ მომხდარიყო საზღვრის დელიმიტაცია და დავით გარეჯი ყოფილიყო ბოლომდე დაკანონებული, როგორც საქართველოს სუვერენული ტერიტორია. უფრო მეტიც, ჩვენ სერიოზული პროგრესი გვქონდა აზერბაიჯანთან მიმართულებით. მთავარი ფაქტი ფაქტად რჩება, რომ ჩვენს დროს ვერავინ გაბედავდა ქართველები არ შეეშვათ გარეჯში და ახლა ივანიშვილის დროს, ქართველ მომლოცველებს, საქართველოს მოქალაქეებს ჩაუკეტეს საქართველოს უმნიშვნელოვანეს ძეგლში შესვლა, ჩაუკეტეს საკუთარ სიწმინდებთან, საკუთარ ისტორიასთან, კულტურასთან შეხების საშუალება და ეს მოხდა ამათ დროს!
მათ დროს ჩვენი ურთიერთობები ყველა ჩვენს მეზობელთან ისტორიულ მინიმუმზე ჩამოვიდა და ეს ძალიან საშიში სიტუაციაა. ის, რომ ეს პროვოკაცია ხდება იმ დაძაბულობის და ომის ფონზე, რაც ახლა აზერბაიჯანსა და სომხეთს შორის მიმდინარეობს, სადაც რა თქმა უნდა, აქტიურად მონაწილეობს მოსკოვი, ესეც ხომ არ არის შემთხვევითი", - აცხადებს სააკაშვილი.
მისი თქმით, ეს პრობლემები 31 ოქტომბერს დაგეგმილ არჩევნებზე მშვიდობიანი გზით უნდა გადაწყდეს, რათა საქართველომ ეროვნული ინტერესებიდან გამომდინარე, მეზობელ ქვეყნებთან სწრაფად დაალაგოს ურთიერთობები.
"ჩვენი მმართველობის პირობებში, როგორც ყველამ იცით, ვერავინ გაბედავს საქართველოსთან უბატონოდ ლაპარაკს, ვერავინ გაბედავს ქართველების დამცირებას, ჩვენზე ზემოდან ქვემოთ ყურებას იმიტომ, რომ ჩვენ გვაქვს ღირსება და ძალიან გვიყვარს ჩვენი ქვეყანა. ჩვენთვის ჩვენი ქვეყანა არ არის პატარა სოფელი, ჩვენთვის ჩვენი ქვეყანა არ არის სხვა ქვეყნის სპეცსამსახურების საჯლიგინო, ჩვენთვის ჩვენი ქვეყანა არის ჩვენი სალოცავი და ჩვენი ყველაზე მთავარი ფასეულობა. ჩვენ, ჩვენს ქვეყანას დავიცავთ ყველა სახის პროვოკაციისაგან და ეს ჩვენ ერთად აუცილებლად გამოგვივა. საქართველოში ნამდვილად არ ბნელა, საქართველოში ნამდვილად გათენდება!", - აცხადებს სააკაშვილი ვიდეომიმართვაში.
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ქურდს ქუდი ეწვისო
მიჰა რომ გამყიდველი ხარ, მაგაში არავის ეჭვი აღარ ეპარება, შენს მომხრე ნაცხროვის უმეტესობასაც კი.