"მესმოდა განწირული ადამიანების ტირილი, ოჯახის წევრის გარდაცვალება რომ გააგებინეს... გაიკეთეთ პირბადე!" - ინფიცირებული ქალბატონის მიმართვა
ბათუმის ბულვარის ქონების მართვისა და მონიტორინგის სამსახურის უფროსი თამარ თავართქილაძე, რომელიც კორონავირუსით არის ინფიცირებული ემოციურ პოსტს აქვეყნებს.
ის ბათუმის კლინიკაში გადის მკურნალობას და გუშინ მომხდარ მძიმე ფაქტს იხსენებს, როდესაც COVID-19-ით კიდევ ერთი პირი გარდაიცვალა.
"მძიმე დღე იყო, ფიზიკურადაც და ემოციურადაც... ახლა უკეთ ვარ მადლობა ამდენი სითბოსთვის და გამხნევებისთვის ბნელია ჩემთვის ის ადამიანი, ვინც ამ საშინელი ვირუსის არსებობას ცინიზმით და რაღაც ქილიკით უდგება !!!
დღეს ჩემი ყურებით მესმოდა განწირული ადამიანების ტირილი, არა ბღავილი - ოჯახის წევრის გარდაცვალების ამბავი რომ გააგებინეს, მერე რაა რომ ასაკიანის, ისიც ვიღაცის მამაა, ბაბუაა, უსაყვარლესი ადამიანია და აღარაა, ვირუსი მოერია, ვერ დაამარცხა! ვტიროდი მთელი გულით, არ ვიცი ვის გავუფრთხილდეთ ერთმანეთს! გაიკეთეთ პირბადე!
დაიცავით ელემენტარული წესები! ექიმებს გავუფრთხილდეთ, ადამიანები არიან, რობოტები არა! მეც გამიჩნდა დღეს ერთი პერიოდი პრეტენზიები, მაგრამ ყველასთან ყოველ წუთს ვერ მივლენ, ჩემნაირი ბევრზე ბევრია , სამწუხაროდ! და კიდევ უფრო მძიმე !ჩვენი ჯანდაცვა კი არა აშშ-ს ჯანდაცვა ვერ უძლებს ზედმეტ პაციენტს, რთულ პაციენტს !ყველა მიყვარხართ და ყველა კარგად ვიქნებით ამ ჯანდაბა კორონას რომ დავასამარებთ !!! პ.ს. დაგღლით ჩემი სიახლეებით სანამ აქ ვარ" - წერს თამარ თავართქილაძე.
თეონა ცხომელიძემ კორონავირუსი დაამარცხა - რას წერს ჟურნალისტი COVID-19-ის ტესტის უარყოფითი პასუხის შემდეგ
"უარყოფითიო, ხალხნო, უარყოფითი! მორჩა" - ვიკა ბუკიამ და ლევან გოგიჩაიშვილმა კორონავირუსი დაამარცხეს
