ქუთაისში, რესტორან "პალადიუმის" მიმდებარედ 20 წლის ბიჭი დაჭრეს
ქუთაისში რესტორან "პალადიუმის" მიმდებარედ ახალგაზრდა მამაკაცი დაჭრეს. მას სხეულზე, სხვადასხვა არეში რამდენიმე ჭრილობა აღენიშნება. არსებული ინფორმაციით, ახალგაზრდას დაზიანებები ბლაგვი საგნით აქვს მიყენებული. შემთხვევა გუშინ მოხდა.
დაჭრილი ოცი წლის ბიჭის მდგომარეობა სტაბილურად მძიმეა. მას რეფერალურ ჰოსპიტალში ორი ოპერაცია ჩაუტარდა.
კლინიკის ექიმის ირაკლი გოგინავას ინფორმაციით, პაციენტს მრავლობითი ჭრილობა აქვს და რეანიმაციულ განყოფილებაში რჩება.
"გუშინ გვიან ღამით ახალგაზრდა მამაკაცი შემოიყვანეს ტრავმული შოკით, შინაგანი სისხლდენით. მრავლობითი ჭრილობით გულმკერდის არეში. ჩაუტარდა ორი ოპერაცია, მდგომარეობა სტაბილურად მძიმეა, იმყოფება რეანიმაციულ განყოფილებაში", - განაცხადა ირაკლი გოგინავამ.
შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობის მცდელობას გულისხმობს.
მიმდინარეობს აქტიური საგამოძიებო მოქმედებები.
"პროკურატურაში მობილური ტელეფონი ჩამომართვეს, ვერაფერს იპოვიან" - თამარ ბაჩალიაშვილის ოჯახის ადვოკატი
"სუს-ის თანამშრომელი აღწერს, როგორ გადასცემდა თამარ ბაჩალიაშვილს, გარკვეული წლების წინ, "ფლეშკებს" და როგორ აძლევდა მითითებებს" - ადვოკატი
