"14 პაციენტის მდგომარეობა კრიტიკულად მძიმეა" - როგორ ნაწილდება კორონავირუსის 196 ახალი შემთხვევა რეგიონების მიხედვით

თბილისის ინფექციური საავადმყოფოს სამედიცინო დირექტორის მარინა ეზუგბაიას განცხადებით, კორონავირუსით ინფიცირებული 14 პაციენტის მდგომარეობა კრიტიკულად მძიმეა, 80 პაციენტის კი მძიმე.

მარინა ეზუგბაიას თქმით, დანარჩენის მდგომარეობა საშუალო და მსუბუქი სიმძიმისაა.

„გამოჯანმრთელებულების ციფრი გაიზარდა მხოლოდ 13-ით და შეადგენს 1494-ს.

ამ მონაცემებით, გამოჯამრთელებულების რაოდენობა არის 43 პროცენტი. კოვიდ ცენტრებსა და სასტუმრო ჰოსპიტლებში მკურნალობენ და მეთვალყურეობენ 1981 პაციენტს, აქედან 836 არის კოვიდ ცენტრებში მოთავსებული და მკურნალობას გადის, მათ შორის 14 კრიტიკულად მძიმე ავადმყოფი და 80-მდე მძიმე პაციენტია, დანარჩენის მდგომარეობა საშუალო და მსუბუქი სიმძიმისაა“ , - განაცხადა ეზუგბაიამ.

ეზუგბაიას განცხადებით, კორონავირუსის 196 ახალი შემთხვევიდან 128 აჭარაში გამოვლინდა.

მისივე ინფორმაციით, ახალი შემთხვევიდან 30 თბილისში ფიქსირდება.

„გუშინდელი მონაცემებით, ქვეყანაში 3306 დადასტურებული შემთხვევა ფიქსირდება. დაგვემატა 196 ახალი შემთხვევა და დღევანდელი მონაცემებით, გახლავთ სულ 3502 დადასტურებული შემთხვევა.

196 ახალი დადასტრურებული შემთხვევა ასე ნაწილდება: 128 არის აჭარა, 30 - თბილისი, 19 - ქუთაისი, 6 - სამეგრელო ზემო-სვანეთი, 5 - ქვემო ქართლი, 1 - შიდა ქართლი, 4 - გურია, 2 - მცხეთა-მთიანეთი და 1 კახეთი“, - განაცხადა ეზუგბაიამ.