აჭარაში კორონავირუსით ინფიცირებულთა შორის სარიტუალო დარბაზ "აჭარას" თანამშრომელია.
AMBEBI.GE-ს ინფორმაციით, ინფიცირებული პირი სამსახურში ბოლოს 3 სექტემბერს იმყოფებოდა, როდესაც 300 ადამიანის დასწრებით ქორწილი გაიმართა.
აჭარის ჯანდაცვის სამინისტროს ინფორმაციით, ფაქტს ეპიდემიოლოგები სწავლობენ და სარიტუალო დარბაზის თანამშრომელთა ტესტირება იგეგმება.
"ინფიცირებული პირი კლინიკაშია მოთავსებული. სარიტუალო დარბაზს გაეცა რეკომენდაციები და სპეციალისტები ფაქტს სწავლობენ.
ჩვენ ვგეგმავთ ყველა თანამშრომლის ტესტირება, კორონავირუსის პრევრნციის მიზნით",- აცხადებენ უწყებაში
