მნიშვნელოვანი ინფორმაცია
21
მაისიდღის ზოგადი ასტროლოგიური პროგნოზი
ოთხშაბათი, მთვარის ოცდამეოთხე დღე დაიწყება 03:14, მთვარე თევზებშია - კარგია ახალი, მნიშვნელოვანი საქმეების დაწყება. ფინანსური საკითხების მოგვარება. ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. არ გირჩევთ ოპერაციის ჩატარებას ღვიძლზე, ფეხებზე. კარგია ტერფების მასაჟი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"COVID-19-ის მკურნალობაში დექსამეტაზონის გამოჩენამ გარდატეხა მოახდინა" - რა სიახლეებია კორონავირუსის გამოვლენისა და მიმდინარეობის თვალსაზრისით?
11:22 / 09-09-2020
კორნავირუსის შემთხვევები საქართველოში ყოველდღიურად იზრდება. 8 აგვისტოს ქვეყანაში ინფიცირების შემთხვევების რეკორდული მაჩვენებელი - დღე-ღამეში 45 შემთხვევა დაფიქსირდა. უკვე დღეს - 9 სექტემბერს 44 შემთხვევა გამოვლინდა, მათგან 25 აჭარაში.
როგორ შეიძლება განვითარდეს მოვლენები საქართველოში COVID-19 გავრცელების თვალსაზრისით და რა სიახლეები დაგროვდა ბოლო პერიოდში ვირუსის გამოვლენისა და მიმდინარეობის თავისებურებების მიმართულებით? - ამ საკითხებზე AMBEBI.GE იმუნოლოგ ბიძინა კულუმბეგოვს ესაუბრა.
- როგორ აფასებთ საქართველოში კორონავირუსის გავრცელების ბოლოდროინდელ დინამიკას? რამენად რთულია ეპიდვითარება ქვეყანაში?
- ინფიცირების შემთხვევების ამგვარი ზრდა მოსალოდნელი იყო. ამაში არალოგიკური არაფერია. საგანგებო მდგომარეობის გამოცხადების საჭიროებას ჯერჯერობით ვერ ვხედავ. რეგულაციების მოხსნის შემდეგ, ჩვენ რეალურად გადავედით შვედურ მოდელზე. მაგრამ თუ ადამიანები არ გამოიჩენენ წინდახედულებას და პასუხისმგებლობას, შეიძლება ბევრად უფრო გაუარესდეს მდგომარეობა. თუ დავიცავთ შესაბამის წესებს, მაშინ შემცირდება როგორც კორონავირუსის გავრცელება, ისე ამ დაავადებით გარდაცვლილთა რაოდენობა. ინფექცია შეიძლება არ არის ისეთი მკვლელი, როგორიც თავიდან ეგონა ყველას, მაგრამ ფაქტია, რომ ის მეტად აზიანებს ადამიანის ჯანმრთელობას, ვიდრე გრიპის ვირუსი. ჩვენ არ უნდა შევეწიროთ მსხვერპლად იმ ადამიანების კატეგორიას, რომლებიც მიიჩნევენ, რომ კორონავირუსი არ არსებობს, ან ისეთებს, რომლებიც პირბადეს აქსესუარივით ხმარობენ და ისე იკეთებენ, რომ ცხვირი უჩანთ. არ უნდა შეეწიროს ჩვენი ქვეყნის ისედაც გაჭირვებული ეკონომიკა ამას. არავის ინტერესებში არ შედის ეს, დარწმუნებული ვარ.
- რა არის პირველი რიგის ამოცანა ვირუსთან ეფექტურად საბრძოლველად?
- ყველასათვის ხელმისაწვდომი ტესტირება და პირბადის ტარება. საზოგადოებისგან ჩვენ ვითხოვთ მხოლოდ ნიღბის ტარებას. სამედიცინო პერსონალი მოვუწოდებთ მხოლოდ ამ ერთ რამეს ადამიანებს - ატარონ ნიღაბი! თუ ასე მოიქცევიან, ეს იქნება იმის გარანტია, რომ ვირუსის გავრცელება შემცირდება. ყველა უნდა აცნობიერებდეს იმას, რომ თუ არ დავიცავთ წესებს, იქნება ისეთი გავრცელება, რასაც ჩვენი ქვეყანა ვერ აუვა. თუ ჩვენ დღეში მივიღებთ 100 -ზე მეტ შემთხვევას, თუ სამნიშნა რიცხვზე ავა კორონავირუსის დღიური გავრცელება, ეს იქნება კოლაფსი და ჩაკეტვაც არ გვიშველის. ჩვენ დრო უნდა მოვიგოთ, ახლოს არის პრევენციის საშუალებები, ვაქცინაციას ვგულისხმობ.
- ბოლო დროს, რა გახდა ახალი ცნობილი ვირუსის გავრცელების, მისი მიმდინარეობის თავისებურებების შესახებ?
- რომ გითხრათ, ბოლო პერიოდში რაიმე კარდინალური სიახლეები და აღმოჩენებია, მოგატყუებთ. ერთადერთი მართლაც გარღვევა და აღმოჩენა ისაა, რომ მკურნალობაში დექსამეტაზონის გამოჩენამ გამოიწვია გარდატეხა. პირველი ხუთი თვე მედიცინა ამბობდა, რომ სტეროიდი და ჰორმონი არ უნდა გამოგვეყენებინა, ფიქრობდნენ, - უფრო მეტად დაიხოცებიან ადამიანები, რადგან ვირუსი უფრო დიდი ხანი დარჩება მათ ორგანიზმში და დაუზიანებს ქსოვილებსო, მაგრამ გაირკვა, რომ მძიმე სიტუაციებში იმუნური სისტემა ზოგჯერ არასწორად პასუხობს ვირუსს. ამიტომაც გამოვლინდა 35 %-იანი შედეგი დექსამეტაზონის მკურნალობის დროს, ანუ რეანიმაციაში მყოფი ადამიანების ერთი მესამედის სიცოცხლე გადაარჩინა ამ მედიკამენტმა. ესაა სერიოზული გარღვევა, რაც ბოლო დროს მოხდა. ყურადღებაგასამახვილებელი თავისებურებაა ამ ვირუსის ჰაერში გავრცელების დაყოვნების დრო. ეს არ არის ჩვეულებრივი გრიპის ვირუსი, რომ დააცემინებ და გაქრება ჰაერიდან მიკრობები. როდესაც კორონავირუსიანი ადამიანი აცემინებს, ვირუსის ნაწილაკები ჰაერში რჩება რამდენიმე საათი და როდესაც შენ ჩაივლი შენთვის მშვიდად, შეიძლება დაინფიცირდე თუ იქ გარკვეული დროით ადრე კორონავირუსიანმა ადამიანმა ჩაიარა და დააცემინა. ამიტომაცაა, რომ 25 მილიონია ინფიცირებული და ეს შეიძლება რამდეჯერმე გამრავლდეს კიდევ და ამიტომაა საჭირო პირბადის ტარება.
აღმოჩნდა, რომ საქართველოში რამდენიმე ათას დამიანს აქვს გადატანილი ვირუსი, მათგან, ბოლო მონაცემებით, მხოლოდ 1773 - ია დიაგნოსტირებული. გამოდის, რომ აბოსლუტურ უმრავლესობას უსიმპტომოდ გადაუტანია ვირუსი. ამიტომ მინიმალური სიმტომების მქონე პაციენტს უნდა ჰქონდეს ტესტის უსასყიდლოდ ჩატარების შესაძლებლობა. ამას ვითხოვთ ჩვენ. შემოდგომისთვის ასე უნდა მოემზადოს ქვეყანა.
მკითხველის კომენტარები /
14 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რას ჰყვება მამა, რომელმაც შვილს უიშვიათესი დიაგნოზი ChatGPT-ის დახმარებით დაუსვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ველოდები ,,ჭკვიანურ" კომენტარებს, რომ კორონა არ არსებობს, ექიმების წყევლა-კრულვას. აგერ, გურიაში 300 კაციანი ქორწილის გადახდა გადაწყვიტეს და მიიღეს, რაც მიიღეს. რადგან გაფრთხილება და წესების დაცვა არ გვინდა, ისევ მივიღებთ ზომების გამკაცრებას და მერე ისევ ეს ურწმუნოები, რომლებსაც წესების დაცვა არ მიაჩნიათ საჭიროდ, დაიწყებენ წუწუნს, რომ უშემოსავლოდ დარჩნენ.
ცოტა უნდა გაამკაცრეთ კანონი, ხალხი არ იცავს წესებს, ეს მეტყველებს მათ შეგნებაზე, მაგრამ ვინც იცავს არსებულ რეგულაციებს მან რა დააშავა? ის ზარალდება. პირბადეები სახის მორთულობად გადაიქცა, ნიკაპზე უკეთათ, ცხვირი გადმოგდებული აქვთ, მოუწოდებ და გაგლანძღავენ, რა ვქნათ? ავტობუსის მძღოლებმა მიუთითონ მგზავრებს პირბადის შესახებ, მოკლედ რაღაც მოიფიქრეთ, საგარეუბნო ტრანსპორტისთვის,სადაც მონიტორინგის წარმომადგენლები არ არიან.