მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"8 წლის წინ უცნაურ ვითარებაში გავიცანი..." - ცნობილი ფოტოგრაფის მეუღლე ოჯახურ ცხოვრებაზე, შვილსა და კარიერაზე
19:48 / 07-09-2020
„ჩვეულებრვი ადამიანი ვარ, სამსახურებრივი, საოჯახო და საზოგადოებრივი საქმეებით დატვირთული. 14 წლის განმავლობაში მონათესავე, მაგრამ მაინც განსხვავებულ სფეროებში მომიწია საქმინობამ, რითაც გამოცდილება საკმარისად დამიგროვდა,“ - გვეუბნება ნათია ნადირაშვილი, ტელეკომპანია „რუსთავი 2“-ის საზოგადოებასთან ურთიერთობის სამსახურის მენეჯერი. ჩვენი რესპონდენტი ამბობს, რომ ორი პროფესია აქვს - უნივერსიტეტში ერთდროულად სხვადასხვა ფაკულტზე სწავლობდა. იქიდან კი „ფორმულა კრეატივში“ მოხვდა. „მაშინ სერიალზე „ბიჭები და გოგოები“ მუშაობდნენ და ოპერატორის თანაშემწედ მივედი. მერე ოპერატორი, ხმის ოპერატორი, რეჟისორის ასისტენტი და ბოლოს დამგეგმავი პროდიუსერი გავხდი... მოგვიანებით „ფორმულა კრეატივმა“ პოპულარული პროექტები - „ჩემი ცოლის დაქალები“, „ხელოვნური სუნთქვა“ დაიწყო, რომლებშიც აქტიურად ჩავერთე.
- ქალი ოპერატორი იმ პერიოდში ალბათ იშვიათი იყო...
- კი, ცოტა უცნაური, უკვირდათ, მაგრამ არც პირველი ვიყავი და არც - ბოლო... სერიალს ვიღებდი და იმ სცენებს, სადაც კამერები სტატიკური იყო, ამიტომ, არ მიჭირდა, - გარეგადაღებაზე კამერით არ დავდიოდი. თან, ბიჭები ძალიან მეხმარებოდნენ. მერე დროთა განმავლობაში სხვა რაღაცებმაც გამიტაცა... ახლა ჩემთვის ყოველი დღე ისე იწყება, თითქოს სამსახურში პირველად მივდივარ, სულ ამ ემოციით ვარ, ვფიქრობ იმაზე, რომ დღემ ნაყოფიერად ჩაიაროს...
- მოდი, საუბარი თქვენი ოჯახის შესახებ გავაგრძელოთ - შენი მეუღლე ყველასთვის საყვარელი ადამიანი, ფოტოხელოვანი, ჟურნალისტი გოგა ჩანადირია... გყავთ არაჩვეულებრივი 4 წლის ანიტა, - როდის დაიწყო თქვენი ურთიერთობა?
- სანამ გოგას გავიცნობდი, ყოველთვის საინტერესო ადამიანად მიმაჩნდა, ვიცოდი მისი საქმიანობის შესახებ და შორიდან მომწონდა... 8 წლის წინ კი, უცნაურ ვითარებაში გავიცანი - ამერიკაში ვგეგმავდი წასვლას, აგვისტოს ბოლო იყო. შემოდგომაზე საბუთების რიგს ველოდებოდი და ერთ დღესაც, ჩაის სახლში შევიარე. აღმოჩნდა, რომ გოგაც იქ იყო და გამომესაუბრა. ამერიკის შესახებ საქმიანი საუბრით შემოვიფარგლეთ და კონტაქტები გავცვალეთ. შემდეგ რამდენჯერმე დამირეკა, ცოტა ხანში ავად გახდა, რაღაც პერიოდი საწოლს იყო მიჯაჭვული, იმ დროს ძალიან დავახლოვდით, სანახავად ვაკითხავდი...
- რით მიიქცია შენი ყურადღება?
- მაშინ რაც მასში მომწონდა, დღემდე ის მომწონს, - ქველმოქმედების, სიკეთის კეთების გასაოცარი უნარი. სრულიად უანგაროდ, დაუღალავად შეუძლია, ნებისმიერ ადამიანს დაეხმაროს. არ აქვს მნიშვნელობა, იცნობს, თუ - არა... მოკლედ, ეს არის ის, რაც ამ ადამიანში ყველაზე ძალიან მიყვარს.
- ძალიან აქტიურია, სულ მოძრაობაშია, მგონი, რთულიცაა მის მუდმივ აქტიურობას გაჰყვე... რას გვეტყვი?
- ენერგიული და აქტიური მეც ვარ, ვცდილობ, ბევრ რამეში ვიყო ჩართული, მაგრამ მართალია, გოგას აქტივობებს ვერ დაეწევი. არ ვიცი, საიდან აქვს ასეთი უნარი. მასთან ერთად რომ ვიარო და ყველაფერში ჩავერთო, ჩემთვის წარმოუდგენელია, მაგრამ სადამდეც შესაძლებელია და სადამდეც გვაქს ორივეს ამის სურვილი, იქამდე ერთად ვაკეთებთ და მერე უკვე თვითონ აგრძელებს... არის რაღაცები, რაშიც ვერ ვუგებ და ამით რადიკალურად განვსხვავდებით, მაგალითად, რაც არ შემიძლია, ეს მასთან ერთად ფეხით სიარულია, ბევრს დადის, ნებისმიერ ახალ გარემოში მარტივად ადაპტირდება, მათ შორის, მძიმეშიც. ჩემთვის მოუხერხებელ პირობებში არსებობა ძალიან რთულია, მას, ხომ ვამბობ, შეუძლია, ნებისმიერ გარემოს, ადამიანს, რთულ პირობებს მოერგოს და ის ყოფა გაითავისოს... დანარჩენ, უფრო ღრმა და ემოციურ რაღაცებში ანუ მთავარში, ალბათ ჩვენი ინტერესები ემთხვევა...
- თვითონ რა რჩევებს გაძლევს?
- როდესაც რაიმეზე ვღელავ, ხშირად მეუბნება, რომ დავმშვიდდე, ასევე მირჩევს, არ ჩავერთო ადამიანებთან კამათში, რადგან ეს ჩემი ძლიერი მხარე არ არის, უფრო მშვიდად ვიყო და მეც ვცდილობ, გავითვალისწინო მისი რჩევები.
- AMBEBI.GE-ს საშუალებით რას ეტყოდი?
- ყოველთვის ყველაფერს პირადად ვეუბნები, მაგრამ რაკი მთხოვთ, ვიტყვი, - კარგია, კმაყოფილი ვარ, რომ მე ამირჩია და ამდენი წლის მანძილზე არ მოუნდა, ჩემ გარეშე ცხოვრების გაგრძელება...
- ძალიან ჭკვიანი და ლამაზი გოგონა გყავთ...
- დაბეჯითებით ვამტკიცებ, რომ ანიტა მე მგავს. ჩვენ გარშემო კი ყველა ამბობს, რომ ანიტა გოგას ჰგავს. მართლაც ისეთ მნიშვნელოვან დეტალებში აღმომიჩენია, რომ გოგას ჰგავს, გაოცებული ვარ. როგორ შეიძლება, ასე პატარა, ზრდასრულ და განსხვავებული სქესის ადამიანს ასე ჰგავდეს?! მაგრამ ვიმეორებ, საკუთარ თავსაც ძალიან ვამსგავსებ... ანიტა კარგი გოგოა, ოღონდ, მამას სიჯიუტითაც ჰგავს და ორივესთან დათმობის პოზიციაში ვარ...
- მუდმივად სხვებზე მზრუნველი გოგა ჩანადირი, შინ როგორი მეოჯახეა?
- ვამბობ, რომ საოჯახო საქმეები მთლიანად მე მაქვს ნატვირთი, მაგრამ გოგა ამას არ ეთანხმება. ცდილობს, თვითონაც ჩართული იყოს, ზოგი რამ გამოსდის, ზოგი - არა, თუმცა საბოლოოდ შეთანხმებულად ვმოქმედებთ... საერთოდ, საკმაოდ რთული ფენომენია ოჯახური თანაცხოვრება, რაც ამ 8 წლის განმავლობაში ჩემგან მოთმინებას, დათმობას, პატივისცემას მოითხოვს და მთელი ეს პერიოდი ამ პასუხისმგებლობას ვგრძნობ. ამ ურთიერთობას სჭირდება ასევე - მზრუნველობაც... საბოლოოდ, კარგია, გოგა რომ მყავს, კარგია, რომ ბევრ რამეში მეხმარება. თუკი ამ საქმეებსა და სირთულეებს თავს მოაბამ, სათანადო დროს, ენერგიას დაუთმობ, უკუგებაც არის... ასევე კარგია, რომ გვყავს ანიტა და ყველანი ერთად კარგად ვგრძნობთ თავს...
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რა კარგად საუბრობს,ჭკვიანი გოგოა. ღმერთმა კარგად გიმყოფოთ მთელი ოჯახი