რა კომენტარს აკეთებს აშშ-ის ელჩი თამარ ბაჩალიაშვილის საქმეში FBI-ის ჩართვის საკითხზე
საქართველოში ამერიკის შეერთებული შტატების ელჩის, კელი დეგნანის განცხადებით, FBI-ს კომპეტენცია არ არის გარდაცვლილი პროგრამისტის, თამარ ბაჩალიაშვილის საქმეში ჩაერთოს.
როგორც დეგნანმა ჟურნალისტებს დასმული კითხვის საპასუხიოდ განუცხადა, FBI-ს იურისდიქცია მხოლოდ ამერიკის შეერთებულ შტატებში ვრცელდება, სხვა ქვეყნებში კი მხოლოდ იმ შემთხვევაში, თუ ამერიკის მოქალაქეს ეხება ან საკითხში ამერიკული ინტრესია.
„კიდევ ერთხელ მივუსამძიმრებ ოჯახს. ძალიან ვწუხვარ, ეს უდიდესი ტრაგედიაა, განსაკუთრებით მშობლებისთვის, რომლებიც შვილს კარგავენ. ვხვდები, თუ რაოდენ დიდ ტკივილს განიცდის ოჯახი შვილის დაკარგვასთან დაკავშირებით. ჩვენ მკაფიოდ ვთქვით, რომ FBI ეს არის სამართალდამცავი ორგანიზაცია ამერიკის შეერთებულ შტატებში და მათი იურისდიქცია ვრცელდება ამერიკის შეერთებულ შტატებზე. რაც შეეხება სხვა ქვეყნებში მათ მონაწილეობას, ეს ხდება მაშინ, როდესაც ამერიკის მოქალაქე არის საკითხში ან ამერიკული ინტრესი არის საკითხში წარმოდგენილი. სხვა მხრივ, მათი იურისდიქცია ამერიკის შეერთებული შტატების გარეთ არის ძალიან შეზღუდული და მათი კომპეტენცია არ არის ჩაერთონ“, - განაცხადა კელი დეგნანმა.
რუსთავის საკრებულოს წევრის დაჭრის ფაქტზე ერთი პირი დააკავეს - "დაკავებულია მისი მეზობელი"
შსს-მ სოფელ რიონში ძმების მკვლელობის ფაქტზე ერთი პირი დააკავა - "თავის ნათესავ ძმებს სანადირო თოფიდან გასროლით ჭრილობები მიაყენა და მიიმალა"
