მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ამირხანაშვილი არ საუბრობდა ჩანთაზე, მდინარეზე და ხევზე, სადაც გამომძიებელი ჩავიდა, ის საგამოძიებო ექსპერიმენტის ფარგლებს გასცდა" - ადვოკატი
22:10 / 03-09-2020
გიორგი შაქარაშვილის საქმეში ბრალდებული არასრულწოვნების ადვოკატების განცხადებით, გამომძიებელი, რომელმაც გურამ ამირხანაშვილთან ერთად საგამოძიებო ექსპერიმენტი ჩაატარა, ქსპერიმენტის ფარგლებს გასცდა და ხევში საკუთარი ინიციატივით ჩავიდა.
არასრულწლოვანი ლ.შ.-ს ადვოკატის, ზაქრო გვიშიანის ინფორმაციით, გურამ ამირხანაშვილი საკუთარ ჩვენებაში ჩანთაზე არ საუბრობდა, არ საუბრობდა მდინარეზე და არ საუბრობდა იმ ხევზე, სადაც გამომძიებელი ჩავიდა.
"გამომძიებელი, რომელმაც ჩაატარა საგამოძიებო ექსპერიმენტი გასცდა საგამოძიებო ექსპერიმენტს, თავისი ინიციატივით გადავიდა ხევში და მივიდა ხიდის ბურჯთან, სადაც იპოვა ჩანთა. მოწმეს, რომლის ჩვენების საფუძველზეც ჩატარდა საგამოძიებო ექსპერიმენტი, არ მიუთითებია ადგილი, რომლიდანაც ამოღებული იყო ჩანთა. საბოლოო ჯამში, ეს არ უნდა იყოს გათვალისწინებული, რადგანაც თავისი ინიციატივით გადაწყვიტა და გასცდა იმ ჩვენებას, რომლის შემოწმებაც ხდებოდა ადგილზე.
ასევე, საგამოძიებო ექსპერიმენტის დროს გამომძიებელმა არ გადაამოწმა, რამდენად შესაძლებელი იყო შენობიდან ხიდზე პიროვნებების დანახვა. განმარტა, რომ ჩავიდა, თუმცა რატომ ჩავიდა, ვერ განმარტა, ის გასცდა საგამოძიებო ექსპერიმენტის ფარგლებს და ჩაატარა ამოღება, იმ ფონზე, როდესაც მოწმეს ეს არ მიუთითებია. ამირხანაშვილი ჩანთაზე არ საუბრობდა, მდინარეზე არ საუბრობდა და არ საუბრობდა იმ ხევზე, სადაც ჩავიდა გამომძიებელი შესაბამისად, გასცდა საგამოძიებო ექსპერიმენტის ფარგლებს”, - აღნიშნა ზაქრო გვიშიანმა.
გიორგი შაქარაშვილის საქმის პროკურორის ნანა გუგუტიშვილის თქმით, ადვოკატების განცხადება სინამდვილეს არ შეესაბამება და მოსამართლემ დაადგინა, რომ აღნიშნული მტკიცებულებაში საპროცესო კანონმდებლობის დარღვევა არ ყოფილა.
"ეს არის ადვოკატების ინტერპრეტაცია, რომელიც არ შეესაბამება სინამდვილეს. აღნიშნულმა სისხლის სამართლის საქმემ გაიარა წინასასამართლო სხდომის ეტაპი, რა დროსაც არ ყოფილა შუამდგომლობა მტკიცებულების დაუშვებლად ცნობის შესახებ. მოსამართლემ დაადგინა, რომ მტკიცებულება არ ყოფილა საპროცესო კანონმდებლობათა დარღვევით”, - აღნიშნა ნანა გუგუტიშვილმა.
ცნობისთვის, მცხეთის რაიონულ სასამართლოში გიორგი შაქარაშვილის საქმეზე ბრალდებული არასრულწლოვნების სასამართლო პროცესი დასრულდა.
დღევანდელ პროცესზე ბრალდების მხარის მიერ წარმოდგენილი 4 მოწმე - აგარაკზე მყოფი ვანო თეგაძე და 3 გამომძიებელი, მათ შორის 19 ივნისს, შაქარაშვილის საქმის ოქროს მოწმის, გურამ ამირხანაშვილთან ერთად ჩატარებულ საგამოძიებო ექსპერიმენტში მონაწილე გამომძიებელი დაიკითხა.
აღნიშნული საქმის პროკურორის, ნანა გუგუტიშვილის ინფორმაციით, ერთ-ერთმა მოწმემ რომელმაც სასამართლოს ჩვენება მისცა დაადასტურა ის ფაქტობრივი გარემოებები, რაც გამოძიების მიერ იყო დადგენილი და ისაუბრა ძალადობაში მონაწილე ბრალდებულების, ასევე არასრულწლოვნების შეკრებაზე, როდესაც ისინი განიხილავდნენ მომხდარი დანაშაულებრივი ქმედების დეტალებს და მათ შორის, გიორგი შაქარაშვილის მკვლელობასთან დაკავშირებულ დეტალებსაც.
"დღევანდელ პროცესზე დაიკითხა ოთხი მოწმე, აღნიშნულმა პირებმა მიაწოდეს სასამართლოს ის ინფორმაცია, რაც მათთვის ცნობილი იყო მომხდარი დანაშაულებრივი ქმედების შესახებ.
ასევე, დაიკითხნენ გამომძიებლები, რომლებმაც ისაუბრეს მათ მიერ ჩატარებულ საგამოძიებო და საპროცესო მოქმედებებთან დაკავშირებით.
მოწმემ, რომელმაც დღეს სასამართლოს მისცა ჩვენება დაადასტურა, ის ფაქტობრივი გარემოებები, რაც გამოძიების მიერ იყო დადგენილი. მოწმე საუბრობდა ძალადობაში მონაწილე ბრალდებულების, მათ შორის არასრულწოვნების შეკრებაზე, როდესაც ისინი განიხილავდნენ მომხდარი დანაშაულებრივი ქმედების დეტალებს და მათ შორის გიორგი შაქარაშვილის მკვლელობასთან დაკავშირებით არსებულ დეტალებს, მის გაუჩინარებას და უშუალოდ ძალადობის დეტალებს. მოწმის განმარტებით, აღნიშნული პირები იმ შეკრებაზე საუბრისას ადასტურებდნენ, მათ მიერ ძალადობრივი ქმედების განხორციელებას”, - აღნიშნა ნანა გუგუტიშვილმა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
არსად არ წერთ რატომ გახდა ეს ბავშვი ასეთი სისასტიკის მსხვერპლი... რატომ მისდევდნენ, რატომ ამოიჩემეს ???????? დაწერეთ მიზეზი.... თუ ეს უბრალო მიზეზი იყო, ისინი ციხიდან არ უნდა გამოუშვათ!!!!!!!!!!!!