"ჩვენს ორივე ფილიალში დადასტურდა ვირუსით ინფიცირების შემთხვევები", - საკონდიტრო "დონა" განცხადებას ავრცელებს
ბათუმში მდებარე საკონდიტრო საკონდიტრო "დონა", სადაც კორონავირუსით ინფიცირების შემთხვევები გამოვლინდა, "ფეისბუქის" გვერდზე განცხადებას ავრცელებს.
"ძვირფასო მომხმარებლებო, კოვიდ-ინფექციის გამოჩენის პირველი დღეებიდან ზედმიწევნით ვასრულებდით ყველა იმ რჩევას და რეკომენდაციას, რაც ეხებოდა ვირუსის გავრცელების პრევენციას. თუმცა, ამის მიუხედავად, ჩვენს ორივე ფილიალში დადასტურდა ვირუსით ინფიცირების შემთხვევები.
ყველა დაინფიცირებული გადის მკურნალობას შესაბამის სამედიცინო დაწესებულებაში, ხოლო მათთან კონტაქტში მყოფი პირები გადაყვანილია კარანტინში.
ჯანდაცვის სამინისტროს მიერ გავრცელებული ინფორმაციით, მოქალაქეებს ტესტის გაკეთება შეუძლიათ როგორც ბულვარის ტერიტორიაზე განთავსებულ კარვებში, ასევე სპეციალიზირებულ სამედიცინო დაწესებულებაში.გისურვებთ ჯანმრთელობას", - ნათქვამია საკონდიტრო "დონას განცხადებაში.
ცნობისთვის საქართველოში დღეს კორონავირუსით ინფიცირების 38 ახალი შემტხვევა გამოვლინდა. ინფექციური საავადმყოფოს სამედიცინო დირექტორის, მარინა ეზუგბაიას განცხადებით, ახალი შემთხვევებიდან 22 ბათუმის საკონდიტრო "დონას" კლასტერიდანაა,
ფოთში, ნატო-ს წარმომადგენლებთან საქართველოს, ამერიკისა და თურქეთის მხარეების შეხვედრის მონაწილეს კორონავირუსი დაუდგინდა
"რეკომენდაციების დარღვევის შემთხვევაში, დაიხურება სკოლა და ყველა სანიტარული ნორმა გადაიხედება", - ეკატერინე ტიკარაძე
