ოკუპირებულ აფხაზეთში კორონავირუსის 29 ახალი შემთხვევა გამოვლინდა

ოკუპირებულ აფხაზეთში კორონავირუსის 29 ახალი შემთხვევა დაფიქსირდა - ინფორმაციას ადგილობრივი მედია ე.წ. ოპერატიული შტაბის მონაცემებზე დაყრდნობით ავრცელებს.

მათივე მონაცემებით, გასული დღე-ღამის განმავლობაში კორონავირუსზე ტესტი 194 ადამიანს ჩაუტარდა.

1-ელი სექტემბრის მდგომარეობით, ოკუპირებულ აფხაზეთში კორონავირუსი სულ 359 ადამიანს გამოუვლინდა, მათგან 125 პაციენტი განიკურნა, 4 კი - გარდაიცვალა.