საქართველოში კორონავირუსის 7 ახალი შემთხვევიდან 2 აჭარაში გამოვლინდა

საქართველოში კორონავირუსის 7 ახალი შემთხვევიდან 2 აჭარაში გამოვლინდა.

აჭარის ჯანდაცვის სამინისტროს ინფორმაციით, ერთი საკარანტინო სივრცეში იყო, ხოლო მეორე ე.წ. ქობულეთის კლასტერს უკავშირდება.

მათივე ცნობით, ბათუმის რესპუბლიკურ საავადმყოფოში კორონავირუსისგან ორი ადამიანი გამოჯანმრთელდა, რომლებმაც კლინიკა უკვე დატოვეს.

ბათუმის რესპუბლიკურ საავადმყოფოში კორონავირუსით ინფიცირებული 28 პაციენტი მკურნალობს.

„ბათუმის რესპუბლიკურ საავადმყოფოში მოთავსებული 28 ინფიცირებულიდან, 10 პაციენტს პნევმონია აქვს, თუმცა დადებითი დინამიკაა. ზოგადად, კლინიკაში მოთავსებული პაციენტების მდგომარეობა სტაბილურია, გართულების გარეშე მიმდინარეობს",- აცხადებს ექიმი გია კიკაბიძე.