ტილდა სვინტონი დემნა გვასალიას სამოსში - პედრო ალმოდოვარმა ახალი ფილმისთვის ქართველი დიზაინერი აირჩია

ერთ კვირაში ვენეციის ფილმის საერთაშორისო ფესტივალზე ლეგენდარული კინორეჟისორის, პედრო ელმოდოვარის ახალი ფილმის La Voz Humana-ს პრემიერა გაიმართება. ფილმში მთავარ როლს ასევე ლეგენდარული მსახიობი, ტილდა სვინტონი ასრულებს.

პედროსა და ტილდას გაერთიანებას კინიკრიტიკოსები უკვე უწოდებენ "ოცნების დუეტს“ და ახალ ფილმსაც დიდ წარმატებას უწინასწარმეტყველებენ.

ფილმში გარდა რეჟისურის, სცენარის და მსახიობის საშემსრულებლო ოსტატობისა, უმნიშვნელოვანესია კოსტუმებიც, რომლებსაც მსახიობები ირგებენ. როგორც კინოსურათის თიზერიდან ირკვევა, მასში გამოყენებულია სამოსი "ბალენსიაგას“ 2020 წლის კოლექციიდან.

წითელი სამოსი, რომელიც ფილმში ტილდა სვინტონს აცვია, პარიზის შოუზე მოდელმა ნატალი ფესჩენკომ წარადგინა.

Vogue წერს, რომ ეს სამოსი იდეალურად ერწყმის გარემოს, სადაც ტილდა სვინტონი დგას. "ბალენსიაგას" კრეატიულ დირექტორს, დიზაინერ დემნა გვასალიას აღნიშნული სამოსი თავის კატალოგშიც აქვს შეტანილი.

ეს არ არის გვასალიას მიერ შექმნილი ერთადერთი სამოსი, რომელსაც ფილმში ნახავთ. როგორც "თიზერში" ვხედავთ, ტილდა სვინტონს კიდევ ერთი კაბა აცვია "ბალენსიაგას" ახალი კოლექციიდან.

<iframe width="560" height="315" src="https://www.youtube.com/embed/G4DOP4fDXto" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>