"სახლში 3 ბავშვი დედასთან ერთად ცხოვრობდა, დაეწვათ ყველაფერი" - გლდანში ხანძრის შედეგად დაზარალებულ ოჯახს საზოგადოების დახმარება ესაჭიროება

საბედნიეროდ მაშველებმა სამივე ბავშვის გადარჩენა მოახერხეს და ამჟამად თავს კარგად გრძნობენ... მაგრამ დაიწვა ყველაფერი,

გლდანში, ხანძრის შედეგად საცოვრებელი სახლი მთლიანად დაიწვა. შემთხვევა გუშინ მოხდა. ხანძარი გლდანის მასივში, ერთ-ერთი მრავალსაფრთულიანი საცხოვრებელი კორპუსის მე-5 სართულზე არსებულ ბინაში გაჩნდა, სადაც მცირეწლოვანი ბავშვებიც იმყოფებოდნენ.

112-ში განხორციელებული ზარის შემდეგ, ადგილზე დაუყოვნებლივ მოხდა 30-მდე მეხანძრე-მაშველისა და სახანძრო - სამაშველო ტექნიკის მობილიზება. მეხანძრე-მაშველებმა ცეცხლმოკიდებული ბინიდან 3 მცირეწლოვანი უვნებლად რამდენიმე წუთში გამოიყვანეს, რომლებსაც ექიმებმა შესაბამისი სამედიცინო შემოწმება ჩაუტარეს.

როგორც გაირკვა ბინაში მაღალდაძეების ოჯახი ქირით ცხოვრობდა. როგორც ოჯახის ახლობელმა AMBEBI.GE-ს განუცხადა, ამ ეტაპზე ოჯახი საცხოვრებლის გარეშეა დარჩენილი და ისინი მეგობრის სახლში იმყოფებიან.

"თითქმის მთელმა საქართველომ გაიგო გლდანში მომხდარი ხანძრის შესახებ, ბინა რომელიც იყო ნაქირავები ფერფლად იქცა, სახლში 3 მცირეწლოვანი ბავშვი დედასთან ერთად ცხოვრობდა, საბედნიეროდ მაშველებმა სამივე ბავშვის გადარჩენა მოახერხეს და ამჟამად თავს კარგად გრძნობენ... მაგრამ დაიწვა ყველაფერი, ოჯახს ახლა ცხოვრებაში რაც გააჩნია არის მხოლოდ ის,რაც ზედ ეცვათ,მოცემულ მომენტში ოთახში.

იქნებ ვინმეს შეგიძლიათ დახმარება, მათთვის ყველაფერი მნიშვნელოვანია ტანსაცმელი, ფეხსაცმელი, პირველადი მოხმარების ნივთები, საკვები, თანხა... გოგონა არის 15 წლის, ბიჭები 4 და 11 წლის. ოჯახი ამჟამად იმყოფება გლდანის მესამე მიკროში, კორპუსი 75, სართული 9, საკონტაქტო ნომერი 599488619" - წერია სოციალურ ქსელში ოჯახის მეგობრის მიერ გავრცელებულ ინფორმაციაში.

ანგარიშის ნომერი - თიბისი ბანკი, GE48TB7750945061100013

მიმღები - თამარ მაღალდაძე