მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ზოგჯერ 50 კაცი მყავს სტუმრად, აქ მეტი კომფორტია... არ ვფიქრობთ თბილისში დაბრუნებას" - როგორ გამოიყურება გვანცა დარასელიას მდიდრული სახლი მცხეთაში
19:27 / 28-08-2020
ტელეწმაყვანმა გვანცა დარასელიამ თითქმის სამი წელია თბილისი დატოვა და ოჯახთან ერთად საცხოვრებლად მცხეთაში გადავიდა. ეს გახლავთ სამთავროს მონასტერთან ახლოს მდებარე კომპლექსი, სადაც კერძო, ლამაზი სახლები ერთმანეთის მიჯრითაა აშენებული. დაცული ეზო, აუზი და არაჩვეულებრივი ხედი ჯვრისა და სვეტიცხოვლის ტაძრებისკენ - კიდევ უფრო მეტ ხიბლს სძენს აქ ცხოვრებას.
გვანცამ ერთხელ უკვე უმასპინძლა „შინ“-ს თბილისურ ბინაში. მოგვიანებით მისმა სახლმა „შინ“-ის ღონისძიებაზე ნომინაციაში „შინის რჩეული სახლი“ გაიმარჯვა და ჯილდო გადაეცა, რომელიც ტელეწამყვანის ახალ სახლსაც ამშვენებს.
მცხეთის სახლის ფოტოებსა და ინტერვიუს ცნობილ ტელეწამყვანთან 'შინი" ავრცელებს:
- მოხდა ისე, რომ ჩემს მეუღლეს მიეცა შესაძლებლობა, ამ კომპლექსის მშნებელობაში ჩართულიყო. კერძო სახლი ვახოს ყოველთვის უნდოდა, ამ ფაქტის შემდეგ კი არც დაფიქრებულა, ისე დაიწყო მშენებლობა. სიახლეებს მე ცოტა რთულად ვეგუები, მით უმეტეს, როცა ყოველდღიურ რეჟიმში მიწევს სამსახურში სიარული, ბავშვის ტარება, ამიტომ ჩემთვის უფრო რთული იყო ამ გადაწყვეტილების მიღება, ვიდრე მისთვის, მაგრამ გადმოსვლის დღიდან ძალიან შევეჩვიეთ და უფრო მეტი კომფორტიც გვაქვს, არანაირად არ ვფიქრობთ თბილისში დაბრუნებას.
სხვათა შორის, რომ დავქორწინდით, მაშინაც ვეძებდით კერძო სახლს, რამდენიმე ვნახეთ კიდეც, მაგრამ ყველაზე უარი ვთქვი, რადგან ძალიან იზოლირებულად ყოფნა არ მიყვარს. ეს კომპლექსი იმიტომ მომწონს, რომ მარტო არ ხარ, ბევრმა ჩვენმა მეგობარმა შეიძინა აქ სახლი, თითქმის სულ ახლობლები ვცხოვრობთ, თან ყველას დაახლოებით ერთი ასაკის შვილები გვყავს და არ ვიწყენთ, ერთ სივცრეშია ჩვენი სახლები მოთავსებული, მაგრამ ამავდროულად, იზოლირებულებიც ვართ. სულ ჟრიამულია, ხან ერთთან ვიკრიბებით, ხან - მეორესთან, ასე რომ, ერთ დიდ ოჯახად ვცხოვრობთ. ეზო დაცულია, გვყავს დაცვა, რომელიც ჩვენს უსაფრთხოებაზე ზრუნავს.
რაც შეეხება სარემონტო სამუშაოებს, ამ საკითხში მე არ ჩავრეულვარ, მთლიანად ჩემი მეუღლის გაკეთებულია. მე უკვე მაშინ ჩავერთე, როცა შპალერის ფერები იყო შესარჩევი. ძალიან რთული აღმოჩნდა გადაწყვეტილების მიღება. ამ გადმოსახედიდან, ვფიქრობ, უმჯობესი იქნებოდა, მთელი სახლისთვის ერთი ფერის შპალერი გვეყიდა, რადგან მგონია, ყველა ოთახში სხვადასხვა შპალერი უკვე ცოტა მოძველებულია.
ამას ჯობს ერთ ფერში შეიღებოს და შემდეგ დეკორით და ავეჯით გაკეთდეს აქცენტი. საბოლოო ჯამში, ძალიან მიყვარს ეს სახლი, იმიტომ, რომ ჩვენს კომფორტზეა მორგებული. ჩემი ქმარი კი მეუბნება, ახალ სახლს რომ ავაშენებ, იქ სულ ჩემი გემოვნებით გავაკეთებო, მაგრამ მაინც ისე გამოდის ხოლმე, რომ ერთობლივად ვიღებთ გადაწყვეტილებებს. ზოგადად, მე სისადავეს ვანიჭებ უპირატესობას, მაგრამ მეორე უარყოფითი მაქვს ის, რომ თამამ გადაწყვეტილებებს ვერ ვიღებ. მირჩევნია, სილამაზესა და პრაქტიკულობაზე გავაკეთო აქცენტი.
ავეჯის შერჩევა, შეხამება, მოწყობაც არაა მარტივი ამბავი. ამ მხრივ კომფორტულია, როცა გყავს დიზაინერი, იმიტომ კი არა, რომ შენ რამეს ვერ მოიფიქრებ, ან გემოვნებას უჩივი, უბრალოდ, როცა თავიდანვე გაქვს საერთო ხედვა, როგორი იქნება ესა თუ ის ოთახი, სად უნდა გაიყვანო კომუნიკაცია, როგორი ავეჯი დააწყო ა.შ., ეს გიადვილებს პროცესს და დარწმუნებული ვარ, ბევრად ნაკლებიც გეხარჯება. ვინაიდან ეს სახლი საკმაოდ დიდია, მისი რემონტიც საკმაო ფინანსებთანაა დაკავშირებული, მით უმეტეს, რომ ყველა ოთახს თავისი სველი წერტილი აქვს.
აქედან გამომდინარე, რაღაცაში მოგვიწია ფულის დაზოგვამ, რაღაცაში ვერ დავზოგავდით. მაგალითად, სანტექნიკა უნდა ყოფილიყო ხარისხიანი და ამიტომ ამაში არ დაგვიზოგავს, სამაგიეროდ, ავეჯის შესარჩევად ბევრი ვიარეთ, რომ შედარებით შეღავათიან ფასად გვეყიდა. მაგალითად, ეს კონსოლი დიდი ხნის განმავლობაში არ გვქონდა, იმიტომ, რომ ვერ ვიპოვე ისეთი, როგორიც მინდოდა. რატომღაც კონსოლები ძალიან ძვირი ღირდა და ამის ფასდაკლებას დიდი ხანი ველოდებოდი. მაგალითად, ეს მაგიდა, მისაღებში რომ დგას, შეკვეთით დავამზადებინეთ და მინდა გითხრათ, რომ 4-ჯერ იაფი დაგვიჯდა.
რაც შეეხება ფარდებს, ლილოში ვიყიდეთ, მაგრამ ახლა შეცვლა მინდა, შეიძლება უფრო ფერადზე შევაჩერო არჩევანი, რომ სიმკვეთრე შემოიტანოს. ავეჯის არჩევანს მეტ-ნაკლებად მე და ვახო ერთად ვაკეთებდით. რაც დავამზადებინე - კარადები, თაროები, ძირითადად ჩემი გემოვნებითაა გაკეთებული. ცუდი რაც დაგვემართა იყო ის, რომ რემონტის დროს თანხა დავზოგეთ შიდა კარებზე, უხარისხო გამოგვადგა. სახლში, სადაც 14 კარია, ძალიან დიდი ხარჯია მათი შეცვლა, მაგრამ იმდენად აუტანელი იყო, რომ ხელახლა შევუკვეთეთ და ახლა კმაყოფილი ვარ. ხანდახან ვფიქრობ, იქნებ ჯობდა, რომ შავი სახელური გამეკეთებინა-მეთქი, მაგრამ მაგასაც გამოვცვლი.
მიუხედავად იმისა, რომ ერთი შეხედვით სახლის მოწყობა დასრულებულია, მაინც დამრჩა რაღაცები გასაკეთებელი, მაგალითად, ძალიან მინდა მცენარეები შევმატო, მაგრამ რეალურად რაც მაქვს, იმათაც აღარ აქვთ შერჩენილი ფოთოლი, ხან ბურთი ხვდება, ხან ეჯახებიან. ასევე მაქვს ნახატები, რომლებსაც ჩარჩოები მინდა გავუკეთო და ჩამოვკიდო. კაბინეტში ლევან ხარანაულის მიერ შესრულებული პორტრეტი მაქვს, კარგად მახსოვს ის დღე, ლევანმა რომ დამხატა, დაახლოებით 5-6 წლის ვიქნებოდი...წაიკითხეთ სრულად და დაათვალიერეთ სახლის ფოტოები
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ვის რაში აინტერესებს ყველამ კარგად იცის შენმა ქმარმა საიდანაც იშოვა ფული.....ლამის აკვანში,რომ გაყევი....
ტატას ვეუბნები! რატომ გძულთ და გშურთ ერთმანეთის ქართველებს?