გარდაცვლილი 11 წლის ბიჭის ბებიის თქმით, მოზარდი 200-ლარიანი დახმარების განაცხადის შევსებას თხოვდა და თავის მოკვლის არაფერი ეტყობოდა

თერჯოლაში გარდაცვლილი ბავშვის დედა საქართველოში, სავარაუდოდ, ხვალ ჩამოვა. ამის თაობაზე ბავშვის ბებიამ, "რუსთავი 2" - თან ისაუბრა. როზა ბოგვერაძის ინფორმაციით, მისი შვილი ქვეყანაში ხვალ უნდა დაბრუნდეს, ბავშვს კი სამშაბათს დაკრძალავენ.

ბებია კვლავ აცხადებს, რომ თვითმკვლელობის არ სჯერა. მისი თქმით, ბავშვი დას 200-ლარიანი დახმარების განაცხადის შევსებას თხოვდა და თავის მოკვლის არაფერი ეტყობოდა.

მან, ასევე, განაცხადა, რომ ბავშვი ხეზე ჩამოკიდებული არავის უნახავს და მამამ ისე ჩამოხსნა, რომ დახმარება არავისთვის უთხოვია, რაც მომხდარში საეჭვო გარემოებაა.

ბებია პოლიციაში გამოკითხვაზე სამჯერ ყავდათ. ოჯახი ექსპერტიზის დასკვნას ელოდება.

• იხილეთ ასევე: "პოლიცია რომ მისულა, მამა-შვილი დაუნახავთ დივანზე, მთვრალი მამაჩემი გაუღვიძებიათ, ჩემი ძმა უკვე გარდაცვლილი იყო" - რას ჰყვება თერჯოლაში გარდაცვლილი 11 წლის ბიჭის და