მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მიხეილ სააკაშვილის სახლში მისი პრეზიდენტობის დროინდელი მთავრობის მინისტრები შეიკრიბნენ" - რას ყვება უკრაინელი ჟურნალისტი
12:58 / 28-08-2020
რუსეთის პოპულარული რადიოსადგურის "ეხო მოსკვის " («Эхо Москвы») პროგრამაში «Персонально Ваш» 27 აგვისტოს ისაუბრეს გადაცემის წამყვანმა ინესა ზემლერმა და ცნობილმა უკრაინელმა ჟურნალისტმა დიმიტრი გორდონმა, რომელიც ეთერში კიევიდან ჩაერთო.
საუბრის დროს რამდენიმე მნიშვნელოვანი თემა იქნა განხილული, მათ შორის ბელარუსში შექმნილი სიტუაცია, რუსეთისა და უკრაინის პოზიცია ბელარუსის პრეზიდენტის მიმართ და ა.შ. გადაცემის წამყვანი შეეხო აგრეთვე უკრაინაში მყოფ საქართველოს ყოფილი პრეზიდენტის მიხეილ სააკაშვილის განცხადებასაც სამშობლოში დაბრუნების შესახებ და დიმიტრი გორდონს სთხოვა აზრი გამოეთქვა ამ საკითხზე.
გთავაზობთ ამონარიდს საუბრიდან:
- გავრცელდა ინფორმაცია, რომ მიხეილ სააკაშვილმა, რომელიც ამჟამად თქვენთან რეფორმების საბჭოს აღმასკომს ხელმძღვანელობს, განაცხადა, რომ უკრაინას ტოვებს და სამშობლოში მიემგზავრება. იცით რაიმე ამის შესახებ?
- დიახ, მე ამის შესახებ თვითონ მიხეილ სააკაშვილისგან ვიცი.
- რით აიხსნება ეს ყველაფერი? ფეისბუკის გვერდზე საკმაოდ ძუნწად არის განმარტებული...
- ეს იმით აიხსნება, რომ საქართველოში საპარლამენტო არჩევნები ახლოვდება. მე კარგად მესმის ეს სიტუაცია. მიხეილ სააკაშვილს და მის თანამზრახველებს ამ არჩევნების მოგების შანსი აქვთ. მე ვესწრებოდი იმ შეხვედრას, როცა მიხეილ სააკაშვილის სახლში დიდებული ადამიანები - მისი პრეზიდენტობის დროინდელი მთავრობის მინისტრები შეიკრიბნენ. ახლა გვარებს არ დავასახელებ, მათ ყველა იცნობს, ისინი თავიანთი ქვეყნის პატრიოტები არიან, რომლებმაც მნიშვნელოვანი რეფორმები გაატარეს - ისეთი რეფორმები, როგორიც არცერთ პოსტსაბჭოთა ქვეყანაში არ გატარებულა, ესტონეთს თუ არ ჩავთვლით.
- როგორც არ უნდა უყურებდე მიხეილ სააკაშვილს - სიმპათიით თუ ანტიპათიით, თვითონ მისი ფიგურის გამო, რომელიც - მაპატიეთ ამგვარი გამონათქვამის გამო, რადგან შეიძლება თქვენ ან რომელიმე მის მხარდამჭერს ეწყინოს - ქვეყნიდან ქვეყანაში დარბის, თანამდებობიდან თანამდებობაზე დახტის, იბადება კითხვა: რამდენად სერიოზულია პოლიტიკოსი, რომელსაც არ შეუძლია განსაზღვროს ის, თუ რომელ ქვეყანაში იყოს დაკავებული პოლიტიკით?
- აი, შეხედეთ... მიხეილ სააკაშვილს ორი სამშობლო აქვს: საქართველო და უკრაინა. საქართველო ის ქვეყანაა, სადაც იგი დაიბადა, სადაც მან უმნიშვნელოვანესი რეფორმები განახორციელა. უკრაინა მისთვის ის ქვეყანაა, სადაც სწავლობდა, სადაც ცოდნას დაეუფლა და საკმაო ხანს ცხოვრობდა. მან უკრაინისთვის ბევრი რამ გააკეთა. უკრაინის პოლიტიკაში მის გამოჩენასაც კი თავისი მნიშვნელობა აქვს - ჩინოსნებს ტონუსი ეწევათ ხოლმე. მიხეილ სააკაშვილის ოფისმა, რომელიც პრეზიდენტ ვლადიმერ ზელენსკის გადაწყვეტილებით შეიქმნა, უკვე ბევრი რამ შეცვალა უკრაინის კანონმდებლობაში და კორუფციისაგან გაწმინდა. რასაც რეფორმების ოფისი აკეთებს მიხეილ სააკაშვილის ხელმძღვანელობით, ფანტასტიკურ სამუშაოს წარმოადგენს... იგი გამოჩენილი სახელმწიფო მოღვაწეა და ვფიქრობ, იგი ისევ გახდება საქართველოს პრეზიდენტი და თავის ქვეყანას წინ გაუძღვება...
- თუ მიხეილ სააკაშვილი ქართულ პოლიტიკაში დაბრუნებას ვერ შეძლებს, მიიღებს თუ არა მას უკრაინა უკან? მოხდება მისი "მესამედ მოსვლა“?
- რა თქმა უნდა. მას ხომ ორი სამშობლო აქვს... იგი ჩვენი კაცია, გვიყვარს, პატივს ვცემთ. მიხეილ სააკაშვილს უკრაინაში ძალიან მაღალი რეიტინგი აქვს. იგი სრულიად სხვა დონის, სხვა ხასიათის მქონე პოლიტიკოსია. იგი მოტორის როლს ასრულებს. იგი პირდაპირი ადამიანია - ამბობს და აკეთებს იმას, რასაც ფიქრობს. იგი ყინულმჭრელია, გესმით? ენერგიული, ძლიერი ადამიანი, მსოფლიო კლასის პოლიტიკოსი.
- არ გენანებათ ასეთი პოლიტიკოსის გაშვება მის პირველ სამშობლოში?
- გულწრფელად გეტყვით - კი, გვენანება, მაგრამ თუ იგი ისევ საქართველოს პრეზიდენტი გახდება, ამით უკრაინასაც დაეხმარება.
- და სხვებსაც?
- ვის გულისხმობთ"სხვებში"?
- პირველ რიგში - ქართველებს. თქვენ დარწმუნებული ხართ, რომ მას საქართველოში ელოდებიან?
- დიახ, დღეს საქართველოში მიხეილ სააკაშვილს ნამდვილად ელოდებიან. იმიტომ, რომ ქართველებმა მიხეილ სააკაშვილის გარეშე იცხოვრეს და შეუძლიათ შეადარონ - როგორი იყო მისი პრეზიდენტობის დროს და როგორია მის გარეშე.
- და კიდევ - მე ვფიქრობ, რომ საქმე ეხება უკრაინის საიმედო მოკავშირეს რუსეთის წინააღმდეგ, თუ მიხეილ სააკაშვილი საქართველოს მეთაური გახდება. ასეა?
- იცით, უკრაინას არ სურს მოკავშირე იყოს ვინმეს წინააღმდეგ. უკრაინას თავისი ტერიტორიების დაბრუნება სურს და უნდა, რომ მშვიდად იყოს. უკრაინას სურს, რომ მისი მიწა-წყლიდან რუსები წავიდნენ. უკრაინას უნდა, რომ ვლადიმიერ პუტინმა სიტყვა "უკრაინა" დაივიწყოს... აი, რა უნდა უკრაინას.
ავტორი: სიმონ კილაძე
მკითხველის კომენტარები /
23 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს კაცი ნორმალურია? სადმე პარალელრ რეალობაში ცხოვრობს? ღმერთმა შეარგოს მიშა და მისი "დიდებული" მინისტრები.. შეუძლიათ სამუდამოდ დაიტოვონ!
რას ჰქვია საქართველო არ მიიღებს? მიიღებს კი არა ჩაიხუტებს გლდანის მერვე მიკრორაიონი პლიუს 2 კმ. მისამართზე არსებული ხუთვარსკვლავიანი დაწესებულება.