ხელვაჩაურის მუნიციპალიტეტში საცხოვრებელ სახლს მეხი დაეცა

ხელვაჩაურის მუნიციპალიტეტში საცხოვრებელ სახლს მეხი დაეცა. როგორც „ინტერპრესნიუსს" ხელვაჩაურის მერიის პრესსამსახურში განუცხადეს, შემთხვევის შედეგად არავინ დაშავებულა.

„ხელვაჩაურის მუნიციპალიტეტის თხილნარის ადმინისტრაციული ერთეულის სოფელ თხილნარის ყოფილ მეურნეობაში მცხოვრებ ირაკლი კახიძის საცხოვრებელ სახლს მეხი დაეცა, რომელმაც საყოფაცხოვრებო ნივთები დააზიანა. საბედნიეროდ, ოჯახის წევრები არ დაშავებულან“, - განაცხადეს უწყების პრესსამსახურში.

ასევე, ძლიერი წვიმის შედეგად მეწყრული პროცესი განვითარდა ხელვაჩაურის მუნიციპალიტეტში, ერთ-ერთ საცხოვრებელ სახლთან.