"რუსეთმა უნდა მოხსნას შეზღუდვა ფრენებზე" - რას აცხადებს კელი დეგნანი ლავროვის განცხადებაზე

აშშ-ის ელჩი საქართველოში კელი დეგნანი მიიჩნევს, რომ რუსეთმა საქართველოსთან ფრენებზე დაწესებული შეზღუდვა უნდა მოხსნას. აღნიშნულის შესახებ ელჩმა ჟურნალისტებთან, რუსეთის საგარეო საქმეთა მინისტრის სერგეი ლავროვის განცხადების კომენტირებისას აღნიშნა.

"ნორმალიზების გზა არის, რომ რუსეთმა უნდა მოხსნას შეზღუდვა ფრენებზე, ეს იქნება მთავარი ნაბიჯი, რაც ურთიერთობების ნორმალიზებას შეუწყობს ხელს", - განაცხადა დეგნანმა.

ცნობისათვის, ფრენებთან დაკავშირებით განცხადება სერგეი ლავროვმა გაზეთ "ტრუდთან" ინტერვიუში გააკეთა. მან იმედი გამოთქვა, რომ საქართველოსთან ავიამიმოსვლის ადგენა უახლოესი მომავლის საქმეა.

• იხილეთ ასევე: "რუსეთი ყოველთვის უფრთხილდებოდა მეგობრულ კავშირებს ახლობელ ქართველ ხალხთან" - რას ამბობს ლავროვი საქართველოსთან სავიზო რეჟიმის გაუქმებასა და ავიამიმოსვლის აღდგენაზე