მნიშვნელოვანი ინფორმაცია
22
ივნისიდღის ზოგადი ასტროლოგიური პროგნოზი
ორშაბათი, მთვარის ოცდამეშვიდე დღე დაიწყება 02:18-ზე, მთვარე ტყუპში გადავა 06:57-ზე –
რეკომენდებულია საიდუმლო ცოდნის მიღება. რთული სიტუაციიდან გამოსავლის პოვნა. იყავით ყურადღებიანი ყველა ფინანსურ საკითხზე. გადაიხადეთ ვალები. შუადღის შემდეგ გააფორმეთ კონტრაქტები და დაიწყეთ ახალი საქმე. მოაგვარეთ პრობლემები პარტნიორებთან, კოლეგებთან და უფროსებთან. გამოიჩინეთ ტოლერანტობა, გაგება, დიპლომატია. დრო დაუთმეთ სწავლას. არ დალიოთ ალკოჰოლი. მოერიდეთ ხორცის კერძებს. კარგი დღეა რომანტიკული პაემნისთვის. ასევე ხელსაყრელი პერიოდია ჩხუბისა და კონფლიქტის შემდეგ შერიგებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ნავალნი კვლავ კომაშია, რუსული მედია ამტკიცებს, რომ ის ავად დიაბეტის გამო გახდა - რუს ოპოზიციონერს გერმანია და საფრანგეთი თავშესაფარს სთავაზობენ
11:17 / 21-08-2020
რუსული ოპოზიციის ლიდერი, ალექსეი ნავალნი, რომელიც, სავარაუდოდ, მოწამლეს, კვლავ კომაშია., თუმცა ექიმების თქმით, მისი ჯანმრთელობის მდგომარეობა დასტაბილურდა და პოზიტიური დინამიკა შეინიშნება.
ნავალნის ქალაქ ომსკის კლინიკაში მკურნალობენ. სწორედ აქ დაეშვა მისი თვითმფრინავი ავარიულად, მას შემდეგ რაც ოპოზიციის ლიდერმა თავი შეუძლოდ იგრძნო.
პოლიტიკოსის პრესსპიკერი აცხადებს, რომ მისი ტრანსპორტირება სურთ, თუმცა ექიმები ამის ნებას არ რთავენ.
"ექიმები ამ დრომდე აცხადებდნენ, რომ ტრანსპორტირების უფლებას მოგვცემდნენ, რის გამოც ჩვენ ორგანიზება უმოკლეს დროში შევძელით. ახლა კი, ბოლო მომენტში, ექიმები ამის ნებას არ გვრთავენ. ეს გადაწყვეტილება, რა თქმა უნდა, არა მათი, არამედ კრემლის მიერაა მიღებული“, - წერს კირა იარმიში "ტვიტერის“ ოფიციალურ გვერდზე.
- რას წერენ რუსულ მედიაში?
ოპოზიციაში და ნავალნის გარემოცვაში მიიჩნევენ, რომ ის მიზანმიმართულად მოწამლეს, თუმცა ზოგიერთი რუსი სამედიცინო ექსპერტი მოსაზრებას არ იზიარებს და ამბობს, რომ შესაძლოა, ნავალნის დიაბეტი აქვს და მისი ამგვარი მდგომარეობა სწორედ დიაბეტითაა გამოწვეული. რუსული მედიის ინფორმაციით, ამის შესახებ სამედიცინო ექსპერტებმა Известия-სთან ისაუბრეს. გამოცემის ინფორმაციით, ლაბორატორიულმა გამოკვლევებმა აჩვენა, რომ ნავალნის სისხლში შაქრის და შარდში აცეტონის დონე მაღალი იყო. გარდა ამისა, ელექტროკარდიოგრამამ მიოკარდიუმში მეტაბოლური ცვლილებები გამოავლინა.
რუსული მედიის ინფორმაციით, ენდოკრინოლოგმა ალექსეი კალინჩევმა გამოთქვა მოსაზრება, რომ გამოკვლევის პასუხების მონაცემები შესაძლოა მიანიშნებდეს, რომ ნავალნის დიაბეტი აქვს.
- გამოხმაურება საერთაშორისო პოლიტიკურ არენაზე
მომხდარს გამოხმაურება მოჰყვა საერთაშორისო პოლიტიკურ არენაზეც. გერმანიის კანცლერი ანგელა მერკელი და საფრანგეთის პრეზიდენტი ემანუელ მაკრონი რუს ოპოზიციონერს თავშესაფარსა და სამედიცინო დახმარებას სთავაზობენ. ამის შესახებ მათ ერთობლივ პრესკონფერენციაზე განაცხადეს.
მზად ვართ, ნავალნისა და მის ახლობლებს ჯანდაცვასთან, თავშესაფარსა და დაცვასთან დაკავშირებული ყველანაირი დახმარება აღმოვუჩინოთ,- განაცხადა ემანუელ მაკრონმა.
იგივე შინაარსის განცხადება გააკეთა გერმანიის კანცლერმა ანგელა მერკელმაც:
ჩვენ მას ჯანმრთელობასთან დაკავშირებულ ყველანაირ დახმარებას გავუწევთ, მათ შორის, საჭიროების შემთხვევაში, გერმანიის საავადმყოფოებში ვუმკურნალებთ, - აღნიშნა მერკელმა.
მაკრონმა და მერკელმა ინციდენტის გამო ღრმა შეშფოთება გამოხატეს და გარემოებების სწრაფად დადგენის აუცილებლობას გაუსვეს ხაზი.
"განსაკუთრებით მნიშვნელოვანია, რომ გარემოებები ძალიან სწრაფად გაირკვეს. ჩვენ ამას დაჟინებით მოვითხოვთ, რადგან ის, რაც აქამდე მოვისმინეთ, ძალიან არასასიამოვნოა,“- აღნიშნა მერკელმა.
აშშ-ის პრეზიდენტის მრჩეველი უსაფრთხოების საკითხებში რობერტ ო'ბრაიანი აცხადებს, რომ ალექსეი ნავალნის შესაძლო მოწამვლის ფაქტი შემაშფოთებელია და ამან, შესაძლოა, აშშ-რუსეთის მომავალ ურთიერთობებზე იმოქმედოს.
"ის ძალიან მამაცი ადამიანია. ის ძალიან გაბედული პოლიტიკოსია, რომელიც რუსეთში პუტინს დაუპირისპირდა. უკიდურესად შეშფოთებულია, თუ ამის უკან რუსები დგანან. ეს რუსეთთან ჩვენი მომავალი ურთიერთობის ფაქტორი გახდება,“- აღნიშნა ტრამპის მრჩეველმა Fox News-სთან ინტერვიუში.
შეგახსენებთ, გუშინ ალექსეი ნავალნიმ, რომელიც ტომსკიდან მოსკოვში მიემგზავრებოდა, თვითმფრინავში თავი შეუძლოდ იგრძნო, რის გამოც თვითმფრინავი ქალაქ ომსკში ავარიულად დაეშვა, სადაც ის საავადმყოფოში გადაიყვანეს. ექიმების ინფორმაციით, პაციენტი მძიმე მდგომარეობაშია და კომაში იმყოფება. ნავალნის პრესსპიკერმა კი განაცხადა, რომ ის, სავარაუდოდ, მოწამლულია.
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს ის ნავალნია აფხაზეთის და სამაჩაბლოს საკითხში პუტინის აზრებს რომ იზიარებს, რტუსი ნაცისტების დემონსტრაციაში მონაწილეობას რომ იღებს.
ნავალნის გამოვუცხადებდი სოლიდარობას, მაგრამ 2008–ში გრიზუნები გვიწოდა, როგორც ჩვევიათ რუს ღორებს ბგერების წანაცვლებით... ასე რომ, შეარგოს პოლონიუმი, არ მედარდება.