ალექსეი ნავალნის ჯანმრთელობის მდგომარეობა შედარებით სტაბილურია  -  რას ამბობენ ექიმები

სააგენტო "ტასის“ ცნობით, რუსული ოპოზიციის ლიდერის, ალექსეი ნავალნის ჯანმრთელობის მდგომარეობა სტაბილურია. მედიას ნავალნის ჯანმრთელობაზე ექიმი, ანატოლი კალიჩენკო ესაუბრა.

ნავალნის ომსკის კლინიკაშუი მკურნალობენ და ჯერჯერობით მისი მოსკოვში გადაყვანა არ იგეგმება.

"ჩატარდა რამდენიმე ტელეკონსულტაცია ფედერალურ ცენტრებთან. ყველა მათგანი მიიჩნევს, რომ სამკურნალო-დიაგნოსტიკური ღონისძიებები სწორად ჩატარდა. ის, რომ ჩვენ შევძელით მისი სტაბილიზაცია, არის კარგი, ფრთხილი პროგნოზული ნიშანი“, – ამბობს საავადმყოფოს წარმომადგენელი.

ცნობისთვის, რუსი ოპოზიციონერი ალექსეი ნავალნი, სავარაუდოდ, მოწამლეს, ნავალნის პრესსპიკერის განმარტებით, პოლიტიკოსი რეანიმაციაში უგონო მდგომარეობაში იმყოფებოდა.

ნავალნის პრესმდივანმა კირა იარმიშმა „ტვიტერზე“ დაწერა, რომ ფრენის დროს პოლიტიკოსი შეუძლოდ გახდა და თვითმფრინავი რუსეთის ქალაქ ომსკში საგანგებოდ დაეშვა.

ნახეთ ვიდეო: "ახლაც კი ტკივილისგან ყვირის" - ვიდეო, სადაც ალექსეი ნავალნი ტკივილისგან გონებას კარგავს