თურქული მედია: ანტალიაში საქართველოში დაბადებული "კანონიერი ქურდი" მოკლეს - რა გახდა "მაფიის ბოსზე" თავდასხმის მიზეზი?

რუსული და თურქული საინფორმაციო სააგენტოების, მათ შორის, Прайм Крайм-ის ცნობით, საქართველოში დაბადებული, ეთნიკურად აზერბაიჯანელი "კრიმინალური ავტორიტეტი" ნადირ სალიფოვი, იგივე "გული" შეიარაღებული თავდასხმის შედეგად მოკლეს.

გავრცელებული ინფორმაციით, ცეცხლსასროლი იარაღით მიყენებული ჭრილობის შედეგად, 47 წლის "კანონიერი ქურდი" საავადმყოფოში გარდაიცვალა. თავდასხმა თურქეთში, ანტალიაში მოხდა. თურქული მედიის ინფორმაციით, "კრიმინალური სამყაროს" ნომერ პირველ "კანონიერ ქურდს" აზერბაიჯანელმა კრიმინალმა, მეტსახელად "ხანმა" ესროლა. ის სამართალდამცავებმა უკვე დააკავეს.

რუსულ საინფორმაციო სააგენტოებს მომხდარის შესახებ სამართალდამცავებმა აცნობეს, მათი განცხადებით, სალიფოვი საავადმყოფოში უმძიმეს მდგომარეობაში გადაიყვანეს.

"გულის" ანტალიაში იმ კაცმა ესროლა, რომელთან ერთადაც ანტალიის ერთ-ერთ რესტორანში ვახშმობდა. დაჭრილი საავადმყოფოში გადაიყვანეს, თუმცა მისი გადარჩენა ექიმებმა ვერ შეძლეს.

დაკავებულია "ხან აჰმედლინსკი", რომელიც "კრიმინალური სამყაროს" წევრია და სალიფოვის უახლოესი წრის წარმომადგენელი იყო", - ამბობს ერთ-ერთი სამართალდამცველი.

• განაგრძეთ კითხვა - ვინ იყო ნადირ სალიფოვი და რა კავშირი ჰქონდა საქართველოსთან