გიორგი შაქარაშვილის საქმეზე დაკავებული არასრულწლოვნის ბებია პროკურატურასთან შეუძლოდ გახდა - იგი კლინიკაში გადაიყვანეს

გიორგი შაქარაშვილის განზრახ მკვლელობის საქმეზე ბრალდებული არასრულწლოვნის ზ.ხ-ს ბებია ლიანა ხომასურიძე, პროკურატურის შენობასთან შეუძლოდ გახდა.

პროკურატურასთან სასწრაფო დახმარების ეკიპაჟი გამოიძახეს, ექიმებმა ლიანა ხომასურიძეს პირველადი დახმარება აღმოუჩინეს, რის შემდეგაც კლინიკაში გადაიყვანეს.

ლიანა ხომასურიძის ახლობლების განმარტებით, მას ორი დღეა საკვები არ მიუღია.

ლიანა ხომასურიძე ბრალდებული არასრულწლოვნის ზ.ხ-ს მამის თამაზ ხომასურიძის პროტესტს დღეს შეუერთდა. მისი თქმით, არასრულწლოვანი შვილთაშვილი ითხოვს, რომ სიცრუის დეტექტორი გაიაროს, ასევე დეტექტორი გაიარონ მოწმეებმა გური ამირხანაშვილმა, იაკობ ბრეგვაძემ და "ტოიოტა ქამრის" მარკის ავტომობილის მგზავრებმა. ლიანა ხომასურიძე მიიჩნევს, რომ მისი შვილთაშვილი გიორგი შაქარაშვილის განზრახ მკვლელობაში არ მონაწილეობდა და ის უდანაშაულოა. „დამტკიცდეს სიმართლე თუ დამნაშავეა დაისაჯოს გინდ ჩემი იყოს,“- განაცხადა ლიანა ხომასურიძემ.