23
მარტიდღის ზოგადი ასტროლოგიური პროგნოზი
15 აგვისტოს, გამთენიისას, "დედაენის ბაღში" მდებარე "ბაუჰაუს ბარის" ორი თანამშრომელი - გიორგი შალამბერიძე და ბაია ბერუაშვილი გაუჩინარდა. მათი დაკარგვის შესახებ ინფორმაცია ფართო საზოგადოებისთვის სწორედ ბარის ოფიციალური "ფეისბუქგვერდიდან" გახდა ცნობილი.
17 აგვისტოს კი დაკარგული ახალგაზრდების ცხედრები მტკვარში იპოვეს. ბურუსით არის მოცული თუ რა შეემთხვა ქალ-ვაჟს, რომლებიც, არსებული ინფორმაციით, ბარიდან დილის 5 საათზე გავიდნენ. შემედეგ კი მათი კვალი იუსტიციის სახლთან დაიკარგა. რაც ყველაზე უცნაურია, ბარიდან გასვლამდე, ახლაგაზრდებმა საკუთარი ნივთები - ხელჩანთები და მობილური ტელეფონები ბარში დატოვეს.
დავინტერესდით როდის დაფუძნდა და ვის მიერ ბარი, რომლის თანამშრომლებიც მტკვარში გარდაცვლილები ნახეს.
იუსტიციის სამინისტროს სსიპ საჯარო რეესტრის ეროვნული სააგენტოს მონაცემებით, შპს "ბაუჰაუსი" 2016 წლის 27 იანვარს არის დარეგისტრირებული. იურიდიულ მისამართად მითითებულია: დაბა თიანეთი, მირზა გელოვანის ქუჩა, 5.
მესაკუთრეები კი 50-50% -იანი წილით არიან: ესმა ბერიკიშვილი და ნინო მეტრეველი.
ინტერნეტში იძებნება ინფორმაცია, თუ როგორ ემზადებოდა ბარი კორონავირუსული პანდემიით გამოწვეული კარანტინის შემდეგ მუშაობის განახლებისთვის. bm.ge-სთან ამ თემაზე კომენტარს დამფუძნებელი ესმა ბერიკიშვილი აკეთებს. ჩვენ ვცადეთ გაგვერკვია, ბაია ბერუაშვილი და გიორგი შალამბერიძე ამ ბარში რა ხნის განმავლობაში მუშაობდნენ ან რა მოხდა იმ ღამეს -ახალგაზრდების დაწესებულებიდან წასვლამდე, თუმცა ბარის თანამშრომლები მედიასთან კომენტარის გაკეთებაზე უარს ამბობენ.
საოცრებააააა ასეტი შემტხვევები ჰაერზე არ ხდება კარგად შემუშავებული გეგმაააა ასე ვფიქრობ. ადამიანებია ხალხოოოო. ცხოველები ხომ არაააა ასე რომ ქრებიან???
სამწუხაროდ ყველამ კარგად ვიცით, რას ემსახურება ღამის ბარები, თანამშრომლებმაც კარგად იციან რისთვის გავიდნენ , როცა ჩანთას ტოვებ, ფაქტია, სახლში არ მიდიხარ! მიმართულებაც იცოდნენ - ვერცხლის ქუჩა..