მნიშვნელოვანი ინფორმაცია
9
მაისიდღის ზოგადი ასტროლოგიური პროგნოზი
შაბათი, მთვარის მეთოთხმეტე დღე დაიწყება 19:15-ზე, მთვარე მორიელში იქნება 23:58-დან
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ასობით ათასი დემონსტრანტი, გაძევებული ოპოზიციის ლიდერი და ლუკაშენკო, რომელიც თანამდებობიდან წასვლას არ აპირებს - ბელარუსში პროტესტი არ წყდება
14:55 / 17-08-2020
ბელარუსში საზოგადოების ვნებათაღელვა არ ცხრება. ადამიანების პროტესტი, რომელიც საპრეზიდენტო არჩევნებში ალექსანდრ ლუკაშენკოს გამარჯვებას უკავშირდება, კვლავ გრძელდება.
მიუხედავად იმისა, რომ პოლიციამ საპროტესტო აქციები დაშალა და ამ მიზნით მანათობელი ყუმბარები და რეზინის ტყვიები გამოიყენა, მიუხედავად იმისა, რომ ათობით ადამიანი დააკავა, აქციის ერთ-ერთი მონაწილე კი სამართალდამცველებთან შეტაკებების შედეგად გარდაიცვალა, ბელარუსის მოქალაქეები გასულ შაბათ-კვირას კვლავ ქუჩაში გამოვიდნენ და ფართომასშტაბიანი, მშვიდობიანი აქცია გამართეს.
მომიტინგეები ბელარუსის სხვადასხვა ქალაქებში შეიკრიბნენ.მედიის ინფორმაციით, ლუკაშენკოს საწინააღმდეგო აქციაში მინსკში სულ ცოტა, 200 000 ადამიანი მონაწილეობდა. მოქალაქეებმა მოაწყვეს მსვლელობა და ისინი მოქმედ პრეზიდენტს შეძახილებით წასვლისკენ მოუწოდებდნენ.
აღსანიშნავია, რომ პარალელურად აქცია გამართეს ლუკაშენკოს მხარდამჭერებმაც, რომლებსაც პრეზიდენტმა სიტყვით მიმართა. მისი განცხადებით, არჩევნები განმეორებით არ გაიმართება და საზოგადოებას არ უნდა ჰქონდეს მოლოდინი, რომ ის ზეწოლის ქვეშ რაიმეს გააკეთებს
"თქვენ აქ მოხვედით თქვენი ქვეყნის, თქვენი დამოუკიდებლობის, ცოლების, დებისა და შვილების დასაცავად. არჩევნები უკვე ჩატარდა და სხვა არჩევნები აღარ იქნება“, - მიმართა ლუკაშენკომ მხარდამჭერებს.
ლუკაშენკომ აღნიშნულზე ისაუბრა ტრაქტორის ქარხნის მუშებთან შეხვედრის დროსაც. "ჩვენ ჩავატარეთ არჩევნები, ვიდრე არ მომკლავთ, სხვა არჩევნები არ იქნება“, – განაცხადა ლუკაშენკომ.
ვიდეომიმართვა გაავრცელა საპრეზიდენტო არჩევნებში ლუკაშენკოს მთავარმა ოპონენტმა სვეტლანა ტიხანოვსკაიამ, სადაც ამბობს, რომ ის მზად არის იმოქმედოს, როგორც "ეროვნულმა ლიდერმა“.
"თქვენ მე მომეცით საკუთარი ხმები და ამას ძალიან ვაფასებ. ზუსტად ვიცი, რატომ გააკეთეთ თქვენ ეს: ჩვენ ყველას გვსურს ამ დაუსრულებელი წრიდან გამოსვლა, რომელშიც 26 წლის წინ აღმოვჩნდით. მზად ვარ, საკუთარ თავზე ავიღო პასუხისმგებლობა და ამ პერიოდში ვიმოქმდო როგორც ეროვნულმა ლიდერმა, რათა ქვეყანა დამშვიდდეს და ნორმალურ რიტმს დაუბრუნდეს, რათა ჩვენ გავათავისუფლოთ ყველა პოლიტპატიმარი, უმოკლეს დროში მოვამზადოთ საკანონმდებლო ბაზა და პირობები ახალი საპრეზიდენტო არჩევნების ორგანიზებისთვის“, - განაცხადა ოპოზიციის ლიდერმა.
.
შეგახსენებთ, რომ ტიხანოვსკაია ბელარუსში არ იმყოფება. მან ლიეტუვას შეაფარა თავი, გამგზავრებამდე კი გაავრცელა ვიდეო მიმართვა, სადაც აცხადებდა, რომ ქვეყანა საკუთარი შვილების უსაფრთხოების გამო დატოვა. კიდევ ერთ ვიდეო მიმართვაში კი ის ბელორისის მოქალაქეებს საპროტესტო აქციების გაგრძელებისკენ მოუწოდებდა.
აღსანიშნავია ისიც, რომ ალექსანდ ლუკაშენკოს განცხადებით, ქვეყნის საზღვრის დასავლეთ ნაწილთან ჩრდილოატლანტიკურმა ალიანსმა ტანკები და თვითმფრინავები განათავსა. ეს ინფორმაცია ნატოს ოფიციალურმა პირებმა უარყვეს, თუმცა განაცხადეს, რომ ბელარუსში მიმდინარე პროცესებს ყურადღებით აკვირდებიან.
"ნატო-ს რეგიონში სამხედრო ძალების მობილიზება არ განუხორციელებია. ნატო-ს აღმოსავლეთ ფლანგზე მრავალეროვნული კომპონენტი არც ერთი ქვეყნის მიმართ საფრთხეს არ წარმოადგენს, თავდაცვითი და პროპორციულია და კონფლიქტის აღკვეთისა და მშვიდობის შენარჩუნებისთვის არის განკუთვნილი,”- განაცხადა ნატო-ს ოფიციალურმა წარმომადგენელმა ოანა ლუნგესკომ.
- საერთაშორისო გამოხმაურება
ბელარუსში მიმდინარე პროცესებს ეხმაურებიან მსოფლიოს სხვადასხვა ქვეყნების ლიდერები. გერმანიის ვიცე კანცლერმა ოლაფ შოლცმა ლუკაშენკოს "ცუდი დიქტატორი“ უწოდა. როგორც მან გამოცემა Bild-თან საუბრისას აღნიშნა, ბელორუსის ლიდერმა ყველანაირი ლეგიტიმაცია დაკარგა.
საფრანგეთის პრეზიდენტის, ემანუელ მაკრონის თქმით, ევროკავშირმა უნდა გააგრძელოს მობილიზება ასობით ათასი ბელორუსი დემონსტრანტის გვერდით, რომელთა პროტესტიც მშვიდობიანია და რომლებიც თავისუფლების, სუვერენიტეტისა და თავიანთი უფლებებისთვის პატივისცემას მოითხოვენ.
ამასთან, ბელარუსის საკითხზე ევროპული საბჭო მიმდინარე ოთხშაბათს სხდომას გამართავს. ამის შესახებ ევროსაბჭოს პრეზიდენტმა შარლ მიშელმა განაცხადა.
"ბელარუს ხალხს აქვს უფლება თავად გადაწყვიტოს საკუთარი მომავალი და თავისუფლად აირჩიოს ლიდერი. ძალადობა დემონსტრანტების წინააღმდეგ მიუღებელია და არ შეიძლება დავუშვათ“, – წერს შარლ მიშელი სოციალურ ქსელ "ტვიტერში“.
როგორც BBC წერს, თავად ლუკაშენკო რუსეთისგან ითხოვს დახმარებას, რადგანაც ქვეყანაში არეულობა კვლავ გრძელდება. შაბათს მან განაცხადა, რომ რუსეთის პრეზიდენტი, ვლადიმერ პუტინი დაჰპირდა, რომ საგარეო სამხედრო საფრთხის შემთხვევაში, მას დახმარებას გაუწევს.
ლუკაშენკომ და პუტინმა ტელეფონით გასული კვირის განმავლობაში ორჯერ ისაუბრეს.
ბელარუსში 9 აგვისტოს საპრეზიდენტო არჩევნების წინასწარი შედეგების გამოცხადების შემდეგ საპროტესტო აქციები მიმდინარეობს. ქვეყნის ცენტრალური საარცევნო კომისიის მიერ თანახმად, მოქმედ პრეზიდენტ ალექსანდრე ლუკაშენკოს ამომრჩეველთა 80,23 %-მა დაუჭირა მხარი, მისმა მთავარმა მეტოქემ, სვეტლანა ციხანოვსკაიამ კი - ამომრჩეველთა 9,9 %-ის მხარდაჭერა მოიპოვა.
მკითხველის კომენტარები /
72 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რუსეთუმები ხომ არ აგითამაშთათ ერთი ადგილი?!
საფრანგეთში მაკრონის წინააღმდეგ თვეების განმავლობაში იმართებოდა გამოსვლები, დარბევებიც იყო ხელისუფლების მხრიდან და რეზინის ტყვიებიც გამოიყენეს, მაგრამ არცერთი ქვეყნის ლიდერს არ მოუწოდებია მაკრონისთვის, გადამდგარიყო, იმიტომ, რომ აწყობთ მისი ყოფნა ხელისუფლებაში, აი ლუკაშენკო კი არ აწყობთ, რადგან მათგან მართული არ არის და მათ დაკრულზე არ ცეკვავს! ახლა მოიმიზეზებენ "დემოკრატიას" და დააქცევენ ამ ქვეყანასაც, როგორც ჩვენი ქვეყანა დააქციეს, ხალხი გააპარტახეს, უმუშევრები და მშივრები დატოვეს და ამას "თავისუფლება" დაარქვეს, მაგრამ როგორი "თავისუფლებიც" ვართ, ყოველ ნაბიჯზე ვხედავთ, "დასავლეთის" დაკრულ ჰანგებზე რომ დაკუნტრუშებს ჩვენი "დამოუკიდებელი" ხელისუფლება (ოპოზიციაზე აღარ ვსაუბრობ, რომელიც ხელისუფლებაში მოსვლის სანაცვლოდ დაუფიქრებლად გაყიდის მთელ ქვეყანას)!