მნიშვნელოვანი ინფორმაცია
20
მაისიდღის ზოგადი ასტროლოგიური პროგნოზი
ოთხშაბათი, მთვარის ოცდამეოთხე დღე დაიწყება 03:14, მთვარე თევზებშია - კარგია ახალი, მნიშვნელოვანი საქმეების დაწყება. ფინანსური საკითხების მოგვარება. ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. არ გირჩევთ ოპერაციის ჩატარებას ღვიძლზე, ფეხებზე. კარგია ტერფების მასაჟი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რუსთავის ციხეში პატიმარმა პროტესტის ნიშნად საპარსი სამართებელი - ე.წ. "ბრიტვა" გადაყლაპა
15:11 / 14-08-2020
რუსთავის ციხეში პატიმარმა პროტესტის ნიშნად საპარსი სამართებელი - ე.წ. "ბრიტვა" გადაყლაპა. 20 წლის მსჯავრდებულმა ბოლო ერთ კვირაში თვითმკვლელობა მეორედ სცადა.
პატიმარ ბადრი წოწორიას ოჯახის წევრების მტკიცებით, რუსთავის N6 სასჯელაღსრულების დაწესებულების ზედამხედველებმა ის რამდენჯერმე სცემეს. მსჯავრდებულის მიერ სუიციდის მცდელობებს პატიმრის დედა, პენიტენციური დაწესებულების თანამშრომელების მხრიდან, მის შვილზე ფიზიკურ ძალადობას უკავშირებს.
მსჯავრდებულის ადვოკატი მომხდარის გამოძიებასა და მსჯავრებულის უსაფრთხოების მიზნით, მის სხვა საპატიმროში გადაყვანას მოითხოვს.
დეტალების გასარკვევად AMBEBI.GE პენიტენციურ სამსახურს დაუკავშირდა. უწყებაში გვითხრეს, რომ მსჯავრდებულის სხეულში "უცხო სხეულის" არსებობა სამედიცინო გამოკვლევებით დასტურდება, თუმცა ექიმის დასკვნის მიხედვით, ამ ეტაპზე მწვავე ქირურგიული პათოლოგია, რომელიც საჭიროებს ოპერაციულ ჩარევას, არ ვლინდება და პატიმრის ჯანმრთელობის მდგომარეობა სტაბილურია.
"2020 წლის 13 აგვისტოს მსჯავრდებულ ბ.წ.-ს N6 პენიტენციურ დაწესებულებაში ჩაუტარდა მუცლის ღრუს რენტგენოლოგიური გამოკვლევა, ვინაიდან იგი აცხადებდა, რომ სამოქალაქო სექტორის კლინიკაში ყოფნის პერიოდში (2020 წლის 8-დან 12 აგვისტომდე) გადაყლაპა ლითონის ნივთი. რენტგენოლოგიური გამოკვლევის შედეგად დადგინდა, რომ მსჯავრდებულს მუცლის ღრუში აქვს უცხო სხეული. ამიტომ ამავე დღეს, 13 აგვისტოს ბ.წ. სამოქალაქო სექტორის კლინიკაში გადაიყვანეს უფრო დეტალური გამოკვლევის და საჭიროების შემთხვევაში, შემდგომი მკურნალობის ჩატარების მიზნით. კლინიკაში მას ჩაუტარდა მუცლის ღრუს კტ გამოკვლევა და ქირურგის კონსულტაცია. დაისვა დიაგნოზი: უცხო სხეული საჭმლის მომნელებელ ტრაქტში, თუმცა ექიმის დასკვნის მიხედვით, ამ ეტაპზე მწვავე ქირურგიული პათოლოგია, რომელიც საჭიროებს ოპერაციულ ჩარევას არ ვლინდება, ვინაიდან უცხო სხეული იმყოფება მსხვილ ნაწლავში და სავარაუდოდ, მოხდება მისი ბუნებრივი გზით გამოდევნა. ამასთან, გაიცა განმეორებითი კონსულტაციის ჩატარების რეკომენდაცია 48-72 საათში. შესაბამისად, მსჯავრდებული გუშინვე დაბრუნდა სასჯელის მოხდის ადგილზე, N6 პენიტენციურ დაწესებულებაში. მისი ჯანმრთელობის მდგომარეობა სტაბილურია, იგი მედპერსონალის მუდმივი მეთვალყურეობის ქვეშ იმყოფება და საჭიროების შემთხვევაში, შესაბამისი სამედიცინო მომსახურება გაეწევა", - აცხადებენ პენიტენციურ სამსახურში.
რაც შეეხება მსჯავრდებულის ოჯახის წევრების ბრალდებას პატიმარზე განხორციელებული ფიზიკური ძალადობის შესახებ, უწყების მიერ AMBEBI.GE - სთვის გამოგზავნილ წერილში ნათქვამია, რომ აღნიშნული სიმართლეს არ შეესაბამება.
"რაც შეეხება მსჯავრდებულის ოჯახის და ადვოკატის მიერ გამოთქმულ ბრალდებას, თითქოს სამოქალაქო სექტორის კლინიკაში ყოფნის პერიოდში მას სპეციალური პენიტენციური სამსახურის ესკორტის ოფიცრებთან შელაპარაკება მოუვიდა და ესკორტის ოფიცერმა მას ფიზიკური შეურაცხყოფა მიაყენა, ეს არის სრული სიცრუე. მსგავს ფაქტს ადგილი არ ჰქონია", - გვითხრეს პენიტენციურ სამსახურში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
პირველებმა ბექა ონიანზე სასტიკი ანგარიშსწორების პირველი კადრები მოიპოვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
