მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"გაგვიმყარდა ვარაუდი, რომ თამარს ვიღაც აშინებდა, ემუქრებოდა" - კიდევ რა წერია ბაჩალიაშვილის ბლოკნოტში და რატომ არ ამოიღო ის გამოძიებამ აქამდე?
10:42 / 13-08-2020
გარდაცვლილი პროგრამისტის, თამარ ბაჩალიაშვილის საქმის თაობაზე "ფეისბუქის" პირად გვერდზე ჟურნალისტმა გიორგი კაპანაძემ მისი ჩანაწერი გაასაჯაროვა.
"პირადად მე, უძლური ვარ მის წინაშე", - ეს არის, სავარაუდოდ, თამარ ბაჩალიაშვილის ერთ-ერთი ბოლო ფრაზა, რომელიც მან ფურცელზე დაწერა. აქვე წერია წერია ციფრი - "15"... ამ პოსტის გამო გიორგი კაპანაძე შსს-ში გამოკითხვაზე დაიბარეს.
ჟურნალისტის აზრით, თამარმა ეს ჩანაწერი სავარაუდოდ, გარდაცვალებამდე მცირე ხნის წინ გააკეთა.
Ambebi.ge ჟურნალისტ გიორგი კაპანაძეს ესაუბრა.
- დაკითხვაზე როცა ვიყავი, მითხრეს, რომ ექსპერტიზას ჩაატარებდნენ, მაგრამ როდის, ეს არ დაუკონკრეტებიათ. მე ვნახე ორიგინალი, გადავუღე ფოტო და გამოვაქვეყნე. ჩემი აზრით, ეს არ უნდა იყოს დიდი ხნის გაკეთებული ჩანაწერი. დამრჩა ისეთი შთაბეჭდილება, რომ ეს წერილი უნდა ყოფილიყო გარდაცვალებამდე არც თუ დიდი ხნის წინ დაწერილი.
- რა ვერსია გაქვთ თქვენ და რა ვერსია აქვს გამოძიებას?
- ეს იმდენად მნიშვნელოვანი დოკუმენტია და მტკიცებულება, რომ თუ ექსპერტიზა უტყუარად დაადასტურებს, რომ ეს არის მართლაც თამარ ბაჩალიაშვილის მიერ დაწერილი, მაშინ გამოძიებამ უნდა იფიქროს კვალიფიკაციის შეცვლაზე. ანუ ფაქტობრივად, ამ ჩანაწერის შინაარსიდან გამომდინარე, ჩვენ უფრო გაგვიმყარდა ვარაუდი, რომ შეიძლება თამარ ბაჩალიაშვილს ვიღაც აშინებდა, ემუქრებოდა. პასუხია გასაცემი კითხვაზე - ვის მიმართ იყო უძლური და რა არ შეეძლო?
- ვინმემ იცის, რაზე მიანიშნებს ციფრი - 15?
- ამ ციფრთან დაკავშირებით ბევრი ვერსია მოვისმინე. ცხადია, ყველა ვერსიას აქვს არსებობის უფლება, ვიდრე არ დადასტურდება რატომ - 15. ყველაფერი გამოძიების ხელშია და მან უნდა უპასუხოს ამ კითხვაზე, მაგრამ დამრჩა შთაბეჭდილება, რომ ამან დოკუმენტურად კიდევ ერთხელ გაამყარა ის მოსაზრება, რომ თამარი მოკლეს და შემდეგ დადგეს თვითმკვლელობის ინსცენირება.
- მაინც რა ვერსიები მოისმინეთ?
- რომ მაგ. ასო პ არის 15-ე ასო, ან ეს რომელიმე ქუჩის ნომერს უნდა ნიშნავდეს. სპეკულაციები რომ არ გამომივიდეს, თავს შევიკავებ. ვერსიები არ ვიცი და ეს თუ რამე კონკრეტულს ნიშნავს, ამაზე გამოძიებამ უნდა იმუშაოს.
- რა კითხვები ჰქონდა თქვენთან გამოძიებას?
- სულ ორი კითხვა ჰქონდა: საიდან მოვიპოვე ეს დოკუმენტი, რაზეც ვუპასუხე, რომ ჩემი ჟურნალისტური საქმიანობიდან გამომდინარე, არ დავასახელებდი იმ პიროვნებას, ვინც ეს მაჩვენა და მეორე - რა ურთიერთობა მქონდა ბაჩალიაშვილის მშობლებთან. ვუპასუხე, რომ ვარ ჟურნალისტი და მათთან პროფესიიდან გამომდინარე მქონდა ურთიერთობა.
- სავარაუდოდ, აღნიშნული ჩანაწერი თამარის ბლოკნოტიდანაა...
- ეს ჩანაწერი მშობლებისთვის ცნობილია. თამარის ბლოკნოტი გამოძიებას ამოღებული არ ჰქონდა. მოვიკითხე და ერთი კვირის წინაც კი არ ჰქონდათ წაღებული. მასში ჩაწერილი იყო როგორც ადამიანების პირადი, ასევე ტელეფონის ნომრები, სახელი და გვარები. რატომღაც გამოძიებამ მაშინ არ ჩათვალა საჭიროდ მისი ამოღება და გაშიფრვა. ახლა ამოიღეს თუ არა, არ ვიცი, თუმცა იმის გათვალისწინებით, რომ ამ ჩანაწერის შესახებ გამოძიებამ დღეს შეიტყო, არ არის გამორიცხული, რომ კიდევ ბევრი სიახლე გაიგოს. ვფიქრობ, ეს ბლოკნოტი მნიშვნელოვანი საგანია გამოძიებისთვის.
- მშობლები ადასტურებენ, რომ ეს ჩანაწერი მათი შვილისაა? ალბათ ცნობენ თამარის კალიგრაფიას...
- ჩემი ინფორმაციით, ადასტურებენ. ამას ცხადია, ექსპერტიზა სჭირდება, მაგრამ ეს ნაპოვნი არ არის მანქანაში ან ქუჩაში, ნაპოვნია იქ, სადაც თამარ ბაჩალიაშვილის ნივთები ინახებოდა. როგორც ვვარაუდობ, ეს ძალიან მნიშვნელოვანი ინფორმაციაა და კარგია, რომ მოვახერხეთ მისი მოპოვება და გასაჯაროვება. სამწუხარო ისაა, რომ ჩვენ, ჟურნალისტები მოვიპოვებთ ხოლმე მტკიცებულებებს და მერე იწყებენ ამაზე გამოძიებას.
ნანა ფიცხელაური
მკითხველის კომენტარები /
69 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
წითელი და ლურჯი კალმით შესრულებული წარწერა ერთი ადამიანის არაა და ეს აშკარად ჩანს, შეუიარაღებელი თვალითაც ...
ანუუუ მშობლები ჟურნალისტებთან თანამშრომლობენ და არა გამოძიებასთან, სახლი რომ გაეჩხრიკათ, წიოკს გამართავდნენ..მიმყარდება ეჭვი, რომ მშობლებმა ყველაფერი იციან და იცოდნენ, როგორ ეშინოდა შვილს და არაფერი იღონეს..