მნიშვნელოვანი ინფორმაცია
15
ივლისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 23:45-ზე, მთვარე თევზებშია – კარგია: ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. შეგიძლიათ დაიწყოთ ახალი საქმეები. მოუფრთხილდით ღვიძლს. კარგია სისხლის გაწმენდა. რეკომენდებულია აბაზანები, ნებისმიერი გამწმენდი პროცედურა. ივარჯიშეთ, იყავით სუფთა ჰაერზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
დემონსტრანტები დაარბიეს, ორი მინისტრი გადადგა, არის მსხვერპლი - უახლესი ამბები ბეირუთიდან, სადაც დიდ აფეთქებას დიდი არეულობა მოჰყვა
11:32 / 10-08-2020
ლიბანის დედაქალაქ ბეირუთში საპროტესტო აქციები არ წყდება. დემონსტრატების დასაშლელად სამართალდამცავებმა ცრემლსადენი გაზი გამოიყენეს. ანტისამთავრობო აქციის მონაწილეებს პარლამენტის შენობისა და სხვა სამთავრობო შენობების აღება სურდათ. BBC-ის მიერ გავრცელებული ინფორმაციის თანახმად, შეტაკებების დროს ერთი პოლიციელი დაიღუპა, 170-ზე მეტი ადამიანი კი - დაშავდა.
აქციის მონაწილეებმა, რომლებიც "პარლამენტის მოედანსა" და "მარტირსის მოედანზე" შეიკრიბნენ და მთავრობის გადადგომას და რეფორმებს ითხოვდნენ, სამართალდამცავებს ქვები დაუშინეს და პარლამენტისკენ მიმავალ გზაზე პოლიციის კორდონის გარღვევა სცადეს.
საპროტესტო აქციების ფონზე ლიბანში ინფორმაციისა და გარემოს დაცვის მინისტრებმა თანამდებობები დატოვეს. მათი თქმით, ხელისუფლებამ ქვეყანაში რეფორმების განხორციელება ვერ შეძლო.
ლიბანში ანტისამთავრობო საპროტესტო აქციები გასული კვირის სამშაბათს მომხდარ ძლიერ აფეთქებას მოჰყვა, რომლის დროსაც დაიღუპა 158 და დაშავდა 6000-ზე მეტი ადამიანი.
გამოძიების მიხედვით დადგინდა, რომ პორტში, საწყობში შენახული 2,750 ტონა ამონიუმის ნიტრატი აფეთქდა. ნივთიერება სპეციალური დაცვის პირობების გარეშე, ექვსი წლის განმავლობაში ინახებოდა. გამოძიება გრძელდება.
- მსოფლიო ლიდერები - დახმარება ლიბანს
საფრანგეთის პრეზიდენტმა ემანუელ მარკონმა ლიბანის მხარდასაჭერად მსოფლიო ლიდერებთან ინტერნეტკონფერენცია გამართა. კონფერენციაზე გაეროს წევრები შეთანხმდნენ, რომ ლიბანის მხარდასაჭერად და დამანგრეველი აფეთქების შედეგების დაუყოვნებლივ აღმოსაფხვრელად, მსოფლიო ლიდერები 300 მილიონ დოლარს გამოყოფენ, რომელიც "ლიბანელ ხალხს მოხმარდება".
აშშ-ის პრეზიდენტმა, დონალდ ტრამპმა განაცხადა, რომ ამერიკა ლიბანს მნიშვნელოვან დახმარებას გაუწევს, თუმცა რა ოდენობის თანხაზეა ლაპარაკი, პრეზიდენტს არ დაუკონკრეტებია.
საერთაშორისო სავალუტო ფონდი აცხადებს, რომ მზად არის ლიბანის დამანგრეველი აფეთქების შემდეგ, ქვეყნის დასახმარებლად ძალისხმევა გააორმაგოს, თუმცა ფონდის განცხადებაში აღნიშნულია, რომ ქვეყანა თავის მხრივ რეფორმებისთვის მზად უნდა იყოს.
- შეიცვალოს მთავრობა
სააგენტო "როიტერთან" საპროტესტო დემონსტრანტები საუბრობენ.
"პოლიცია დამიზნებით მესროდა, მაგრამ ეს ვერ შემაჩერებს. იქამდე დავრჩებით ქუჩაში, ვიდრე მთავრობა თავიდან ბოლომდე არ შეიცვლება" - აცხადებს 55 წლის იონის ფლაიტი.
"ხალხს ქუჩაში უნდა ეძინოს მანამ, სანამ ჩვენი მოთხოვნები არ დაკმაყოფილდება" - განაცხადა ადვოკატმა მაია ჰაბლიმ.
მთავრობა დათმობას არ აპირებს და აცხადებს, რომ დამნაშავეებს პასუხს აგებინებს.
ავტორი: თეონა რამაზაშვილი
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მხოლოდ 5 თვეში, თბილისში მილიარდ 200 მილიონი დოლარის ბინები გაიყიდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ის რარაცა რო აეთქდდა, ისიც სპეციალურად იყო ალბათ!
მოკლედ ვიღაცამ გადაწყვიტა სამყარო შეაჩეროს!!! ყველაფერი ერთმანეთს გავს....სამოქალაქო ომი და არეულობა გარდაუვალია!