მნიშვნელოვანი ინფორმაცია
22
მაისიდღის ზოგადი ასტროლოგიური პროგნოზი
ხუთშაბათი, მთვარის ოცდამეხუთე დღე დაიწყება 03:21-ზე, მთვარე ვერძს ესტუმრება 20:21-ზე – ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რა საიდუმლო მიმოწერა შედგა მედვედევსა და სააკაშვილს შორის 2008 წელს - დეტალი, რომელიც სარკოზის მემუარებიდან გახმაურდა
09:27 / 08-08-2020
რუსეთ-საქართველოს 2008 წლის აგვისტოს ომიდან 12 წელი გავიდა. შეიარაღებული კონფლიქტის შეჩერებაში, თითქმის მთელი ევროპის ხელმძღვანელები იყვნენ ჩართულნი. როგორც მოგვიანებით სახელმწიფოს პირველი პირები აცხადებდნენ, სწორედ ამ ერთობამ და საერთაშორისო თანამეგობრობის აქტიურმა მობილიზებამ იხსნა საქართველო რუსეთის სრული ოკუპაციისგან..
ყველაზე დიდი როლი კონფლიქტის მოგვარებაში საფრანგეთის ყოფილმა პრეზიდენტმა შეასრულა. აქამდე საზოგადოებამ მხოლოდ ოფიციალური მხარე იცოდა. 12 წლის შემდეგ, ნიკოლა სარკოზი 500 გვერდიან წიგნში "ქარიშხლების დრო" კულუარულ ინფორმაციებს ასაჯაროებს.
"ეს იყო ჩემი პირველი ქარიშხალი ევროკავშირის პრეზიდენტის რანგში" - ასე აფასებს სარკოზი აგვისტოს ომის ქრონიკებს. წიგნის ეს ფრაგმენტი იმჟამად საფარნაგეთში საქართველოს ელჩმა მამუკა კუდავამ თარგმნა.
AMBEBI.GE-სთან ექსპერტები და ანალიტიკოსები კონკრეტულ მონაკვეთებს აფასებენ.
ყველაზე საინტერესო საფრანგეთის პრეზიდენტის მიერ შედგენილი ექვსპუნქტიანი გეგმის ნაწილია, სადაც სარკოზი პუტინს მოუწოდებდა, რუსული ჯარების საქართველოს ტერიტორიის 80%-დან გაყვანის შემდეგ, სამხრეთ ოსეთისა და აფხაზეთის ტერიტორიების მომავალი სტატუსი საერთაშორისო მოლაპარაკებების დონეზე განხილულიყო.
"პუტინი დასთანხმდა, როცა ვუთხარი, რომ ჩემი იდეა იყო მომავალში გამართულიყო მოლაპარაკებები ჟენევაში ქართველებსა და რუსებს შორის, რათა შეთანხმებულიყვნენ ორი პატარა რეგიონის საბოლოო სტატუსის შესახებ". მოგვიანებით მიხეილ სააკაშვილმა ეს პუნქტი ამოიღო.
გენერალ ამირან სალუქვაძის თქმით, თუ რას ემსახურებოდა ამ პუნქტის ამოღება, დღემდე ბუნდოვანია.
"ვიდრე თავად სააკაშვილი აღიარებდა და სარკოზი მოჰყვებოდა ამ პუნქტის ამოღების შესახებ, დადიოდა ჭორები. მეც ასე მოყოლით ვიცოდი, რომ როდესაც მედვედევისთვის უთქვამს სარკოზის, რომ სააკაშვილმა ეს პუნქტი ამოიღოო, გაკვირვებულ მედვედევს უკითხავს - თვითონ ამოიღოო? გაუკვირდა რუსეთს", - აცხადებს სალუქვაძე.
როგორც აღმოჩნდა, ომის დაწყებამდე, ივნისის თვეში მიხეილ სააკაშვილსა და რუსეთის მაშინდელ პრეზიდენტს, დიმიტრი მედვედევს შორის არსებობდა მიმოწერა, რომელიც გასაჯაროებული არ არის.
"მიხეილ სააკაშვილმა მედვედევს 2008 წლის ივნისში წერილი მისწერა, თვითონ აღიარებს. ამას მოჰყვა მედვედევის პასუხი სააკაშვილისადმი, რომელსაც არ ასაჯაროებენ. მედვედევი სააკაშვილს თბილისში ჩასვლას სთავაზობს, ვიზიტის განხორციელებას, რაც არ მომხდარა. შესაძლოა ეს დეესკალაციის კარგი საშუალება ყოფილიყო.
სააკაშვილი თავის წერილში ბაზების დაკანონებას გარკვეული ვადით, აფხაზეთის გავლენების ზონებად დაყოფას, ლტოლვილების დაბრუნებას და ბევრ რამეს სთავაზობს. თუმცა მედვედევის წერილის შინაარსი დღემდე უცნობია" - აცხადებს ამირან სალუქვაძე.
"სააკაშვილს თანამოქალაქეების ეროვნულ გრძნობებზე მოქმედება სურდა, სამაგიეროდ კი მხოლოდ რუსული დათვის გაღვიძება მოახერხა. მისი ბუნაგში დაბრუნება სასიამოვნო საქმე არ იქნებოდა" - წერს საფრანგეთის ყოფილი პრეზიდენტი მემუარებში.
მემუარების ამ ნაწილს "ერთიანი ნაციონალური მოძრაობის" წევრი რომან გოცირიძე აფასებს:
"არასწორია ლაპარაკი იმაზე, რომ თითქოს ვიღაცამ გააღვიძა რუსული დათვი, რუსულ დათვს არასოდეს ეძინა, ის მუდამ მღვიძარე მდგომარეობაშია საუკუნეების განმავლობაში. ყველა ომი, რაც იყო საბჭოთა კავშირში, იყო ამ დათვის აგრესიული ქმედებები", - აცხადებს გოცირიძე, თუმცა მიხეილ სააკაშვილის "სარკოზისეულ" დახასიათებას ეთანხმება.
"სარკოზი მიხეილ სააკაშვილს აქებს, როგორც უნიკალური ნიჭისა და განათლების მქონე ადამიანს, პოლიგლოტს. რუსეთი არის აგრესორი და მან განახორციელა ჩვენი ქვეყნის ოკუპაცია!
ზოგადად მემუარები თავისებური ჟანრია. შევარდნაძემ დაწერა მემუარები და თუ წაიკითხავთ, შთაბეჭდილება შეგექმნებათ, რომ საბჭოთა კავშირი მან დაშალა და სამყარო მის ირგვლივ ტრიალებდა. მემუარებში საკუთარი როლის გაძლიერება ხდება, ეს ჟანრის კანონია", - განაცხადა რომან გოცირიძემ AMBEBI.GE-სთან საუბარში.
ვლადიმირ პუტინს არც ნიკოლა სარკოზი ენდობოდა. კონფლიქტური სახელწიფოების "შუამავალი" მოგვიანებით სასიამოვნოდ გაკვირვებული დარჩა, რადგან პუტინმა სიტყვა შეასრულა.
"და ბოლოს, და პარადოქსულად, ჩემი ნდობის ურთიერთობა რუს მმართველებთან თვალშისაცემად კომფორტული, მეტიც - გაძლიერებული გამოვიდა. პუტინმა სიტყვა შეასრულა. ჩვენ შეგვეძლო და ვალდებულიც ვიყავით ამიერიდან ნდობა გვქონოდა მათი" - წერია მემუარებში.
"სტრატეგიული კვლევების კავკასიური ცენტრის" ხელმძღვანელი, ექსპერტი მამუკა არეშიძე პუტინსა და სააკაშვილს შორის არსებულ მტრულ დამოკიდებულებას აანალიზებს.
"როგორც პუტინი ამბობდა შემდგომში, მან 2005 წლიდან რამდენჯერმე ვითომ მოილაპარაკა მიხეილ სააკაშვილთან, თუმცა სააკაშვილმა ყველა ეს შეთანხმება დაარღვია. ჩვენ გვახსოვს, 2005 წლის შეხვედრა სანკტ-პეტერბურგში, ცნობილი გამოთქმა სააკაშვილისა - ჩავხედე პუტინს თვალებში და იქ დავინახე... მოკლედ რა დაინახა კაცმა არ იცის, მაგრამ აქო და ადიდა პუტინი. ამის შემდეგ ჩავიდა საფრანგეთში და რადიკალურად განსხვავებული განცხადება გააკეთა, ანტირუსული. პუტინს სააკაშვილი ზედმეტად აღიზიანებდა, ამბობდა კიდეც, რომ სააკაშვილის ნდობა არ შეიძლებოდა" - იხსენებს მამუკა არეშიძე.
ავტორი: თეონა რამაზაშვილი
მკითხველის კომენტარები /
44 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რას ჰყვება მამა, რომელმაც შვილს უიშვიათესი დიაგნოზი ChatGPT-ის დახმარებით დაუსვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჭადრაკი გითამაშიათ სხვების თანდასწრებით, ადამიანები თავის სვლას (მათი აზრით საუკეთესოს), რომ გკარნახობენ. სააკაშვილმა გორდონთან ინტერვიუში თქვა, რომ პუტინს შეხვედრია 30 ზე მეტჯერ. როგორ ფიქრობთ ეს ბატონები სააკაშვილზე უკეთ ერკვევიან რუსეთის და მისი პრეზიდენტის იმპერიულ ამბიციებში? და საერთოდაც ხომ არ თამაშობენ რუსულ თამაშს, რომ ბრალი რუსეთიდან გადმოიტანონ საქართველოზე?საინტერესოა, სარკოზი თუ ახსენებს, სანამ ბუშმა არ დაუცაცხანა გაანძრიე ერთი ადგილიო, თბილისში და მოსკოვ ში ჩასვლა არც უცდია.
მედვედევის თბილისში ჩამოსვლა ნამდვილად აგვაცილებდა ყველა იმ უბედურებას რაც 2008 წლის აგვისტოში მოხდა! დარწმუნებული ვარ მიხეილ სააკაშვილიც დიდი ენთუზიაზმით აიტაცებდა ამ იდეას, მაგრამ ნუ დაგავიწყდებათ, რომ მაშინ უკვესაქართველოს თავს მომჯდარი ჰყავდა ოკეანეს გაღმელიბაყბაყ -დევი. ამას გარდაა კიდევ ათასი ეუთო და ნატოს მესვეური დასრიალებდა თბილისში. იმ დევის ელჩი ვინ იყო გახსოვთ ალბათ?! აბათ არ მისცეს თანხმობა კურატორებმა აშშ-დან თორემ მიშა ნამდვილად მოაწყობდა პომპეზურ შეხვედრას!