მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ბეირუთში აფეთქების კვალი რუს ბიზნესმენზე გავიდა - "ყოველდღე ვწერდი პუტინს, დახმარებას ვთხოვდი, მაგრამ არაფრად ჩაგვთვალეს"
22:27 / 05-08-2020
ლიბანში მომხდარი ძლიერი აფეთქების კვალი რუს ბიზნესმენზე გავიდა. ადგილობრივი მედიის ცნობით, ბეირუთში ორი აფეთქება მოხდა, ერთი პორტში და ერთიც ე.წ. პიროტექნიკის საწყობში.
აფეთქების შედეგად, დაიღუპა 100-ზე მეტი და დაშავდა დაახლოებით 4 000 ადამიანი. 300 000 ადამიანზე მეტი კი, უსახლკაროდ დარჩა. მატერიალური ზარალი 5 მლრდ აშშ დოლარს აღწევს. განადგურებულია აღმოსავლეთ ხმელთაშუაზღვისპირეთის უდიდესი საზღვაო პორტი, ბეირუთის სასტუმროების 90%.
ამასთან, ეს აფეთქება სავარაუდოდ, გაამწვავებს შიდა რელიგიურ დაპირისპირებას სუნიტებს, შიიტებს, ქრისტიანებსა და სხვა რელიგიური მრწამსის მქონე მოქალაქეებს შორის. დიდი ალბათობით, ამ აფეთქების შემდეგ ლიბანში გამწვავდება ეკონომიკური ვითარება, კორუფცია, რომელიც ბოლო წლებში ყველა სფეროში მძვინვარებს და შესაძლოა, ქვეყანა სამოქალაქო დაპირისპირების წინაშე დადგეს. ეს მაშინ, როდესაც ლიბანის შიდა საქმეებში ჩარევის სურვილს არაერთი ქვეყანა გამოთქვამს.
"არ არის გამორიცხული, ლიბანმა ცოტა ხანში სირიისა ან ლიბიის ბედი გაიზიაროს", - წერს ადგილობრივი მედია, რომლის ცნობითაც, 2 750 ტონა ამონიუმის ნიტრატი ბეირუთის პორტის ტერიტორიაზე, სავარაუდოდ, 2014 წელს რუსი ბიზნესმენის იგორ გრეჩუშკინისათვის ჩამორთმეული სატვირთო გემიდან ჩამოიტვირთა. რუსი ბიზნესმენის კუთვნილ სატვირთო გემს კონფისკაცია გაუკეთეს. შედეგად ამოღებული ასაფეთქებელი ნივთიერება 12 საწყობში ინახებოდა და კანონის თანახმად, მისი უტილიზაცია წესების დაცვით უნდა მომხდარიყო. ადგილობრივი პრემიერ-მინისტრი უსაფრთხოების წესების ყოველგვარ დაუცველობაზე საუბრობს.
"საუბარია გემზე, სახელწოდებით, MV RHOSUS-ზე, რომელიც ხაბაროვსკელ ბიზნესმენს, იგორ გრეჩუშკინს ეკუთვნოდა. ბიზნესმენი ამჟამად კვიპროსზე ცხოვრობს", - წერს meduza.io, რომლის ცნობითაც, მოლდოვის დროშის ქვეშ მცურავ გემს ამონიუმის ნიტრატი საქართველოდან, ბათუმის პორტიდან მოზამბიკში მიჰქონდა, თუმცა, დარღვევების, ოფიციალური ვერსიით კი, ტექნიკური პრობლემების გამო, ლიბანის პორტში გააჩერეს.
რუსი ბიზნესმენის შესახებ ბევრი არაფერია ცნობილი. sibreal.or-თან საუბრისას, გემის ყოფილი კაპიტანი, ბორის პროკოშევი აცხადებს, რომ გემზე ძირითადად რუსები და უკრაინელები იყვნენ დასაქმებული.
"მაშინ, როდესაც მე მისი კაპიტნობა შემომთავაზეს, მისი პატრონები კვიპროსელები იყვნენ, შემდეგ გაურიგდა მათ გრეჩუშკინი და გემის საქმე გადაიბარა. მას შემდეგ, რაც ჩვენ ლიბანის საზღვაო აკვატორიაში გავიჭედეთ, ყოველდღე ვწერდი პუტინს და დახმარებას ვთხოვდი, მაგრამ ყურადღება არავინ მომაქცია. რუსეთის საკონსულოში აგდებით მიპასუხეს, - რა გინდა, პუტინმა სპეცრაზმი გამოგიგზავნოს და აქაურობა ბრძოლით დატოვოთ, უჩივლე მათ და სამართალი თავად იპოვეო. მძევლად ვყავდით ლიბანს და როგორ მეჩივლა? ვაპირებდი გრეჩუშკინისთვისაც მეჩივლა, მაგრამ რუსეთში მითხრეს, უკვე კვიპროსის მოქალაქეა და მასზე ადგილობრივი კანონი არ ვრცელდებაო", - ამბობს ყოფილი კაპიტანი.
ადგილობრივი ტელეკომპანია LBCI-ს ცნობით, აფეთქება შედუღებითმა სამუშაოებმა გამოიწვია, რა დროსაც ასაფეთქებელ ნივთიერებას ნაპერწკალი დაეცა და რამდენიმე წამში, 12 კმ-ს რადიუსში მთელი პორტის ტერიტორიაზე აფეთქდა.
ბეირუთის მერის, მერვან აბუდის ცნობით, აფეთქების მასშტაბი იმდენად ძლიერია, რომ საერთაშორისო სპეციალისტებმა ის რიხტერის შკალაზე ჰიროშიმას აფეთქების შედეგებს შეადარეს.
რამდენიმე ხნის წინ, ბეირუთის ინსპექციამ საწყობში დარღვევით შენახული ნივთიერება აღმოაჩინა და ორგანიზაცია, რომელიც იქ ელექტროშედუღებით სამუშაოებს ახორციელებდა, აფეთქების საშიშროების შესახებ გააფრთხილა და მოუწოდა სამუშაოები შეეწყვიტა, თუმცა ეს შენიშვნა, ყურად არავინ იღო.
"MV RHOSUS-ს რუსმა მეპატრონემ, გემიც და მასზე მეზღვაურებიც, ფაქტობრივად, უპატრონოდ დატოვა, თავად კი, კვიპროსზე გაიქცა. მაშინ როდესაც, ადგილობრივი იურისტების გადაწყვეტილებით, გემის დასაპატიმრებლად 4 ორდერი იყო გაცემული. ლიბანის ხელისუფლებამ მას ადგილობრივი ზღვის აკვატორიიდან გასვლა აუკრძალა, ეკიპაჟის დიდი ნაწილი გაუშვეს, თუმცა, ოთხმა მეზღვაურმა ბეირუთის დატოვება მხოლოდ ერთი წლის წინ შეძლო, რადგან მეპატრონემ კომპენსაცია კი არა, სამშობლოში დასაბრუნებელი ფულიც არ გადაუხადა, რადგან განაცხადა, რომ გაკოტრდა და ხარჯებს ვერ დაფარავდა. 20-ზე მეზღვაურის ბედი დღემდე უცნობია, რადგან ისინი აფეთქების შემდეგ არავის უნახავს", - წერს გამოცემა BBC.com, რომლის ცნობითაც, ბეირუთის სამედიცინო დაწესებულებები დაშავებულებით არის სავსე.
ადგილობრივი ჟურნალისტის, როუზ სუნივას თქმით, ისინი ღამე გავიდნენ ბეირუთის ქუჩებში და დასისხლიანებული ადამიანების, დანგრეული და დამწვარი შენობების, საშინელი კადრები დახვდათ.
"ქალაქში აბსოლუტური ქაოსი იყო. გარშემო დახოცილი ადამიანები ეყარა. შუშის ნამსხვრევების გამო ქუჩაში ვერ გაივლიდი. სასწრაფო დახმარების მანქანებს, ნანგრევებს შუა გავლა და გადაადგილება უჭირდათ. დანგრეული იყო საცხოვრებელი სახლები და ნანგრევები გარშემო იყო მიმოფანტული. მე ვნახე ბავშვი, რომელსაც ეტყობა, მშობლები დაეხოცა და ძლიერი აფეთქებისგან კონტუზია ჰქონდა. ვნახე სახლის კედლები, რომლის ნანგრევებშიც სავარაუდოდ, მისი მშობლები მოჰყვნენ. ის სასწრაფოს მანქანამ წაიყვანა. დღემდე ვეძებ მას, რომ გავიგო, როგორია მისი ჯანმრთელობის მდგომარეობა. 7 წლამდე გოგონა იქნებოდა, თითქმის ყველა საავადმყოფო შემოვიარე, მაგრამ ჯერჯერობით ვერ ვიპოვე. ახლა იქაურობა სამხედროებს აქვთ შემოკავებული", - ყვება ჟურნალისტი.
მისივე თქმით, აფეთქებამდე რამდენიმე საათით ადრე, ლიბანის ენერგეტიკის სამინისტროსთან, ანტისახელისუფლებო ძალებმა საპროტეტო აქცია გამართეს, რომელიც პოლიციასთან შეტაკებით დასრულდა. ლიბანში ანტისამთავრობო გამოსვლები სექტემბერში დაიწყო.
ამასთან, novayagazeta.ru-ს ცნობით, ლიბანში ყველამ იცის, რომ იმ პორტში "ჰეზბოლას" შეიარაღებული დაჯგუფების რაკეტები ინახებოდა.
"გამოცემასთან საუბარში, დაჯგუფების წევრი ადასტურებს, რომ სწორედ ის ადგილი აფეთქდა, სადაც დაჯგუფება შეიარაღებას ინახავდა. ლიბანელი შიიტებისთვის კი ეს სერიოზული არგუმენტია, რათა ისრაელს ახალი ძალებით შეუტიონ", - წერს გამოცემა.
მკითხველის კომენტარები /
14 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საქართველოდან რა გაიტანეეეს, ამონიუმის ნიტრატიიი?
სისულელეს ნუ წერთ - * 12 კილომეტრის რადიუსში * ყველაფერი განადგურდა ? ! ეს თბილის ხელა ტერიტორიაა და არა პორტის აკვატორია !!! 12 კმ რადიუსის ფართის პორტი , ჰამბურგს და ამსტერდამსაც კი არა აქვს , არამც თუ ლიბანს !