24
მარტიდღის ზოგადი ასტროლოგიური პროგნოზი
თბილისის საქალაქო სასამართლოში ბუსა ჟვანიას სასამართლო პროცესი დაიწყო, რომელზეც მისთვის აღკვეთის ღონისძიების განსაზღვრაზე მსჯელობენ. მოგეხსენებათ, მას სამართალდამცავები ლევან თოფაძის განზრახ მკვლელობის მცდელობას ედავებიან. სასამართლო სხდომას ესწრებიან: ბრალდებულის დედა ნინო ქადაგიძე-ჟვანია, დები და ბიძა გოგლა ჟვანია. ბუსა ჟვანიამ უპასუხა მოსამართლის კითხვებს, თქვა, რომ ეროვნულ ბანკში მუშაობს და ასევე განაცხადა, რომ მისი უფლებები არ დარღვეულა. ბუსა ჟვანიას ადვოკატები ირმა ჭკადუა და თეონა გვაზავა იცავენ. დაცვის მხარემ სხდომის დახურვა იმ მოტივით მოითხოვა, რომ სხდომაზე შესაძლოა პერსონალური ინფორმაციები გახმაურდესო, თუმცა მოსამართლემ ეს მოთხოვნა არ დააკმაყოფილა. პროკურატურა ბრალდებულისთვის პატიმრობის შეფარდებას ითხოვს. 
სხდომის დაწყებამდე კომენტარი გააკეთა ბუსა ჟვანიას დედამ.
"მთავარი ჩემთვის რაც იყო, ბავშვი გადარჩა და ჯანმრთელად არის. მადლობა ღმერთს. ღმერთს ვევედრები, რომ მალე ფეხზე დადგეს. მეორე არის ის, რომ ოჯახს მინდა ბოდიში მოვუხადო და ვუთხრა, რომ ჩემთვის ეს ისეთივე ტკივილია, როგორიც მათთვის. ვისურვებდი რომ, მე დამმართნოდა ეს. მესამე - მინდა ვთქვა, რომ პასუხისმგებლობას არ გავურბივართ. ჯერ მიმდინარეობს გამოძიება. ახლა გამოვიხედეთ თვალებში, რადგან ემოციურად მძიმედ ვიყავით და ახლა ხდება ჩვენებების წაკითხვა. იმედი მაქვს, რომ გამოძიება ობიექტურად წარიმართება. ბრალი რომ დაუმძიმეს, ეს ძალიან მძიმე იყო ჩემთვის. სასჯელს იმსახურებს, მაგრამ არა მგონია ასეთს" - აღნიშნა ჟვანიამ.
შეგახსენებთ, ბუსა ჟვანია სასამართლოში ხეჩინაშვილის კლინიკიდან მიიყვანეს.
ასეთი მუხლი ეკუთვნის და რატომ გაგიკვირდათ ქალბატონო. ოთხი ჭრილობა და თანაც სასიცოცხლო ორგანოების დაზიანება. მე ის უფრო გამიკვირდა მკვლელობის მცდელობის მუხლი ,რომ არ მიუსადაგეს გუშინ.
ღირსეული ქალი, სხვა პირიქით თოფაძეს დასდებდა ბრალს, მითუმეტეს ფაქტებისა...