გოგი თოფაძის შვილიშვილის დაჭრის საქმეზე დაკავებული, გავრცელებული ინფორმაციით, ზურაბ ჟვანიას ვაჟია

ბიზნესმენ გოგი თოფაძის შვილიშვილის, ლევან თოფაძის დაჭრის ფაქტზე, შინაგან საქმეთა სამინისტრომ ერთი პირი დააკავა. აღნიშნულთან დაკავშირებით უწყება განცხადებას ავრცელებს.

შინაგან საქმეთა სამინისტროს თბილისის პოლიციის დეპარტამენტის ვაკე-საბურთალოს მთავარი სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, 1996 წელს დაბადებული ბ.ჟ. ჯანმრთელობის განზრახ მძიმე დაზიანების ბრალდებით, თბილისში დააკავეს.

დანაშაული 3-დან 6 წლამდე ვადით თავისუფლების აღკვეთას ითვალისწინებს. გამოძიებით დადგინდა, რომ ბრალდებულმა მიმდინარე წლის 2 აგვისტოს, ურთიერთშელაპარაკების ნიადაგზე, 1998 წელს დაბადებულ ლ.თ.-ს, მისსავე საკუთარ საცხოვრებელ სახლში, ცივი იარაღით სხეულზე რამდენიმე ჭრილობა მიაყენა.

დაჭრილი მამაკაცი საავადმყოფოში გადაიყვანეს, სადაც ოპერაცია ჩაუტარდა. სამართალდამცველებმა ბ.ჟ. მომხდარიდან რამდენიმე საათში, ცხელ კვალზე დააკავეს. გამოძიება საქართველოს სისხლის სამართლის კოდექსის 117-ე მუხლის 1-ლი ნაწილით მიმდინარეობს, რაც ჯანმრთელობის განზრახ მძიმე დაზიანებას გულისხმობს.

მედიაში გავრცელებული ინფორმაციით, ლევან თოფაძე გარდაცვლილი ექსპრემიერის, ზურა ჟვანიას შვილმა, ბუსა ჟვანიამ დაჭრა

ხოლო შსს-ს განცხადებაში ბ.ჟ-ს ინიციალებით მოხსენიებული ბრალდებული სწორედ ბუსა ჟვანიაა.