_2018-07-31_ZtkgMjBQSscSe.jpg)
მნიშვნელოვანი ინფორმაცია
4
ივლისიდღის ზოგადი ასტროლოგიური პროგნოზი
პარასკევი, მთვარის მეათე დღე დაიწყება 16:04-ზე, მთვარე მორიელში გადავა 13:33-ზე – გააუმჯობესეთ ოჯახური ურთიერთობები, აღადგინეთ ოჯახური ტრადიციები. კარგია სახლის აშენება ან გარემონტება. რეკომენდებულია საოჯახო ბიზნესის დაწყება. ოჯახთან დაკავშირებული ფინანსური საკითხების მოგვარება. მოლაპარაკებების წარმოება, კონტაქტების დამყარება. გააძლიერეთ კავშირები. ჩაერთეთ შემოქმედებით და ინტელექტუალურ საქმიანობაში. ფრთხილად იყავით ემოციებთან. ხელსაყრელი დღეა რთული პრობლემების გადასაჭრელად. კარგია ჭურჭლისა და სარეცხის გარეცხვა. მორწყეთ მცენარეები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ხაჩატურიანების სკანდალური საქმის ახალი დეტალები - რუსეთში 3 დას, მოძალადე მამის განზრახ მკვლელობისთვის, გაასამართლებენ
12:23 / 31-07-2020
2018 წელს მოსკოვში მომხდარმა მკვლელობამ მსოფლიო აალაპარაკა. საქმე შეეხება მიხაილ ხაჩატურიანს, რომელიც ქალიშვილებმა მოკლეს. ხაჩატურიანის ცხედარი მოსკოვში, საკუთარ აპარტამენტში, კიბეზე იპოვეს, მას გულმკერდისა და კისრის არეში დანით მიყენებული ათობით ჭრილობა ჰქონდა.
მას შემდეგ, როგორც სხვადასხვა გამოცემები წერენ, "ხანგრძლივი, რთული და ჩახლართული“ საგამოძიებო პროცესი მიმდინარეობს.
მოსკოვის პროკურატურაში აცხადებენ, რომ დებ ხაჩატურიანებზე მამა გამუდმებით ძალადობდა, როგორც ფიზიკურად, ასევე ფსიქოლოგიურად, ადგილი ჰქონდა სექსუალური ძალადობის შემთხვევებს და ამიტომაც, გოგონებს განუვითარდათ თავდაცვითი რეაქცია. პროკურატურა მოითხოვდა, რომ სასამართლოს ისინი არა განზრახ მკვლელობის ბრალდებით, არამედ თავდაცვის მიზნით მკვლელობისთვის გაესამართლებინა, თუმცა მოთხოვნა არ დაკმაყოფილდა და სამ ახალგაზრდა ქალს განზრახ მკვლელობის ბრალდებით გაასამართლებენ და ბრალის დამტკიცების შემთხვევაში, მათ 20 წლით თავისუფლების აღკვეთა ემუქრებათ.
არსებული ინფორმაციით, გარდაცვალებამდე რამდენიმე საათით ადრე მიხაილ ხაჩატურიანი სახლში ფსიქიატრიული კლინიკიდან დაბრუნდა, ქალიშვილებს წიწაკის სპრეი შეასხა და მათზე იძალადა. გოგონებიდან ერთ-ერთს, კრესტინას ასთმა აქვს და ყოველივეს გამო, გონება დაკარგა.
როგორც CNN წერს, დებმა ხაჩატურიანებმა, 19 წლის კრესტინამ, 18 წლის ანგელინამ და 17 წლის მარიამ, სწორედ იმ ღამეს გადაწყვიტეს მამის მოკვლა. გამოძიების ინფორმაციით, გოგონები მამას თავს დაესხნენ ჩაჩუქით, დანით და წიწაკის იმავე სპრეით, რომელიც მამაკაცმა შვილების წინააღმდეგ გამოიყენა და მას მრავლობითი დაზიანებები მიაყენეს.
დაკითხვის ჩანაწერების მიხედვით, ერთ-ერთი და ამბობს, რომ თავდაპირველად, სცადეს საკუთარი თავისთვის მიეყენებინათ ჭრილობები და ისე გამოჩენილიყო, რომ ეს ჭრილობები მათ მამამ მიაყენა.
როდესაც გოგონები დააკავეს, მათ აღიარეს მკვლელობა. დების თქმით, წლების განმავლობაში ისინი მამის მხრიდან სექსუალური, ფიზიკური და ემოციური ძალადობის მსხვერპლნი იყვნენ. გასულ ზაფხულს გოგონებს ბრალი წაუყენეს განზრახ მკვლელობის ბრალდებით, რამაც რუს აქტივისტთა აღშფოთება გამოიწვია.
ოჯახური ძალადობის მსხვერპლთა უფლებადამცვლები აცხადებენ, რომ გოგონები თავს იცავდნენ და მოძალადისგან თავის დასაცავად, სხვა გზა აღარ ჰქონდათ.
"ვფიქრობთ, მათ სხვა არჩევანი არ ჰქონდათ. მამამ შვილები სასოწარკვეთილებამდე მიიყვანა და მათი ცხოვრება ჯოჯოხეთური იყო. გოგონებს სერიოზული ფსიქიკური დაავადებები განუვითარდათ, პოსტტრავმული სტრესული აშლილობა, ეს დადასტურდა შესაბამისი კვლევებით“, - ამბობს გოგონების უფლებადამცველი ალექსეი პარსინი.
"ის ძალიან გვძულდა და მხოლოდ ერთი რამ გვინდოდა - დაკარგულიყო, თითქოს მას არასოდეს ვიცნობდით. გვსურდა ერთხელაც წასულიყო და სახლში აღარასოდეს დაბრუნებულიყო,“ - განუცხადა გამოძიებას ანგელინა ხაჩატურიანმა.
გოგონების თქმით, მიხაილმა ნარკოტიკული საშუალებების მოხმარება დაიწყო და სრულიად შეიცვალა. მზრუნველი მამა მონსტრად იქცა, რომელიც სცემდა შვილებს. გოგონების დაცვა არც დედას შეეძლო, რადგან ოჯახი მან დიდი ხნის წინ მიატოვა.
ოჯახის ახლობლები ამბობენ, რომ ქალი უბრალოდ გაიქცა, გოგონები კი ამტკიცებენ, რომ მიხაილმა მათი დედა სახლიდან გააგდო. ანგელინას, კრესტინას და მარიას ძმაც ჰყავთ, 20 წლის ხაჩიკი, რომელიც მოსკოვის სახელმწიფო უნივერსიტეტის სტუდენტია. ის დიდი ხანია, ოჯახისგან დამოუკიდებლად სხვა სახლში ცხოვრობს.
როგორც ცნობილია, მიხაილმა დერეფანში დააყენა კამერები და მიკროფონები, რათა შვილებისთვის ეთვალთვალა. შეშინებულ გოგონებს არ შეეძლოთ, მისი ნებართვის გარეშე გასულიყვნენ სახლიდან, ან დედა მოენახულებინათ. სექსუალური ძალადობის გამო მიხაილის შვილმა თავის მოკვლაც სცადა და ბევრი აბი მიიღო. ექიმებს მამამ განუცხადა, რომ გოგონას წამლები აერია.
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საქართველოში ყოველთვიურ ხელფასს დაახლოებით მილიონი ადამიანი იღებს, აქედან უმეტესობას ხელფასი თვეში 1200 დან 2400 ლარამდე აქვს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მამა საერთოდ არ მეცოდება. არაადამიანი და სადისტი იყო. თუმცა დიდი ღვთისმოსავივით სახლი ხატებით ჰქონდა გამოტენილი და კისერზე დიდი ჯვარიც ეკიდა.
რა გააჩმახეთ საქმე ასეთი ისტორიებით, მათთან ერთად ,თქვენც სულ დაკარგეთ სინდის-ნამუსი.