მნიშვნელოვანი ინფორმაცია
27
ივნისიდღის ზოგადი ასტროლოგიური პროგნოზი
პარასკევი, მთვარის მესამე დღე დაიწყება 06:24-ზე, მთვარე ლომში გადავა 10:09-ზე – ენერგიული დღეა. მოქმედების დროა, ხელსაყრელია ფიზიკური დატვირთვა. მოერიდეთ აგრესიის ნებისმიერ გამოვლინებას. გამოიჩინეთ მონდომება და გამძლეობა. არ არის რეკომენდებული ფინანსური საკითხების მოგვარება, შესაძლებელია ფულადი დანაკარგები. აქტიური ორგანოებია გული, სისხლის მიმოქცევის სისტემა, არტერიები, ზურგი, დიაფრაგმა. ცილები და ხილი კარგად შეიწოვება. კარგია ოთახების მოლამაზება. ინტერიერის განახლება. აგრეთვე სადილის მომზადება და ცხობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
გელა ბაბლუანი, ლევან გიგინეიშვილი, პაპუნა ტოლიაშვილი და სტუდენტები - "წიგნების თაროს“ პირველი ახალგაზრდული კონფერენცია წარმატებით დასრულდა
12:56 / 30-07-2020
26 ივლისს თელავში „წიგნების თაროს“ პირველი ახალგაზრდული კონფერენცია „საოცარი ახალი სამყარო“ გაიმართა. თანამედროვეობის აქტუალურ საკითხებზე, მომავლის ხედვებსა და ტენდენციებზე სტუდენტებმა და ქვეყნის გამორჩეულმა პროფესიონალებმა ისაუბრეს.
"წიგნების თაროს“ გუნდისთვის მთავარი მიზანი ისევ და ისევ ახალგაზრდებში ცოდნისა და განათლების პოპულარიზაციაა. ჩვენ არაერთხელ გვქონია რეგიონებში ღონისძიებები, თუმცა კონფერენციის ფორმატი ჩვენთვის პირველია, მაგრამ არა უკანასკნელი, ვინაიდან საოცრად დადებითი გამოხმაურებები მოჰყვა ღონისძიებას, როგორც მსმენელის, ისე მომხსენებლების მხრიდან. ჩვენ ყოველთვის ვიზრუნებთ, რომ შევქმნათ სივრცე, სადაც ახალგაზრდები და უკვე წარმატებული ადამიანები შეძლებენ, გააზიარონ თავიანთი გამოცდილება და ყველასთვის საინტერესო მოსაზრებები.“ - ნინო კელაურიძე, „წიგნების თაროს“ ხელმძღვანელი.
კონფერენცია ყველასთვის საყვარელი „წიგნების თაროს“ თამაშით დაიწყო. არსებული ეპიდსიტუაციის გამო ღონისძიება დახურული იყო და ყველა წესის დაცვით გაიმართა. ამიტომ დამსწრე აუდიტორია, ძირითადად, კახეთის რეგიონიდან და თბილისიდან ჩამოსული მოსწავლეები და სტუდენტები იყვნენ. ყველა გამოცნობილი შეკითხვისთვის დასაჩუქრებული ახალგაზრდები თამაშის შემდეგ თავიანთი თანატოლების მოხსენებების მოსასმენად გაემზადნენ.
თორნიკე კობალაძემ თემით - „რატომ არ გვიხსნიან შეცდომებს?“ ისაუბრა იმაზე, თუ რამდენად მნიშვნელოვანი და შემაფერხებელი შეიძლება იყოს შეცდომის აუხსნელობა პროგრესისკენ მიმავალ გზაზე.
შაკო ბრეგაძე შეეცადა, გაეცა პასუხი კითხვაზე - „შეძლებენ თუ არა რობოტები ლექსების წერას?“, ვინაიდან ტექნოლოგიების განვითარებასთან ერთად სულ უფრო და უფრო აქტუალური ხდება შეკითხვა, შეძლებს თუ არა ხელოვნური ინტელექტი იმის შექმნას, რისი გაკეთებაც ჯერ-ჯერობით მხოლოდ ადამიანს შეუძლია.
ანასტასია იოსებაძემ კი თავის მოხსენებაში ისაუბრა თემაზე „პროგრამისტი - თანამედროვე ფილოსოფოსი“. ერთი შეხედვით, თითქოს წარმოუდგენელია, როგორ შეიძლება იყოს ერთმანეთთან დაკავშირებული პროგრამირება და ფილოსოფია, თუმცა ანასტასიამ აუდიტორიას პროგრამირების უახლესი გამოწვევებისა და პლატონის ფორმების თეორიის მჭიდრო კავშირი ნათლად დაანახა.
„წიგნების თაროს“ გუნდის წევრმა სტუდენტებმა ამ აქტუალურ თემებზე საუბრით ყველას მოწონება დაიმსახურეს და ახალი ფიქრის საბაბიც გააჩინეს. მათი მოხსენებების ნახვა და მოსმენა „წიგნების თაროს“ ფეისბუქის გვერდის საშუალებით ეტაპობრივად იქნება შესაძლებელი.
„სტუდენტები ფიქრობენ“ – „წიგნების თაროს“ ახალი ინიციატივაა. ზუსტად ამ ფორმატში მოვისმინეთ სტუდენტების მოხსენებები. ჩვენ ყოველდღიურად გვაქვს შეხება ქვეყნის ყველაზე ჭკვიან და გონებაგახსნილ ახალგაზრდებთან და ზუსტად აქედან წამოვიდა იდეაც. ისინი ყველაზე კარგად ხვდებიან თანამედროვე გამოწვევებს და ტენდენციებს და ვფიქრობთ, ყველას უნდა ჰქონდეს საშუალება, მოისმინოს მათი ხედვები. სწორედ ამიტომ, მომავალი კონფერენციების გარდა, „სტუდენტები ფიქრობენ“ იქნება ჩვენი ახალი მიმართულება, რომლის ფარგლებში ახალგაზრდები ფართო აუდიტორიას მიაწვდენენ თავიანთ ხმას.“ - ალექსანდრე ლორთქიფანიძე, „წიგნების თაროს“ კრეატიული დირექტორი.
სტუდენტების მოხსენებების შემდეგ ახალგაზრდების წინაშე საკუთარ სფეროში წარმატებული პროფესიონალები წარდგნენ - ლევან გიგინეიშვილი ფილოსოფიისა და ფილოლოგიის დარგიდან და პაპუნა ტოლიაშვილი ბიზნესის და მენეჯმენტის სფეროდან.
ლევან გიგინეიშვილი ახალგაზრდებს ფილოსოფიაზე, როგორც ადამიანის განუყოფელ ვნებაზე, ესაუბრა. პაპუნა ტოლიაშვილმა კი, რომელიც „სინერჯი კაპიტალის“ დამფუძნებელია, ორგანიზაციული კრიზისის გამომწვევ მიზეზებსა და ორგანიზაციის კრიზისიდან გამოყვანის გზებზე ჩაატარა მასტერკლასი.
„მიუხედავად იმისა, რომ სულ სხვა სფეროში ვარ, პაპუნა ტოლიაშვილის გამოსვლის შემდეგ, იმდენი პარალელის გავლება შევძელი ორგანიზაციის მენეჯმენტსა და ჩემს სფეროს შორის, რომ მისი რჩევები ძალიან საჭირო და გამოსადეგი აღმოჩნდა.
ვინ ვართ ჩვენ? რატომ მოვდივართ ამ სამყაროში? რა არის ჩვენი ცხოვრების დანიშნულება? ეს კითხვები ალბათ ყველა ადამიანს გვაწუხებს, უფრო მძაფრად კი ახალგაზრდებს გვსურს მასზე პასუხები. სწორედ ამ თემას ეხებოდა ლევან გიგინეიშვილის ლექცია, რომელმაც დაგვანახა, თუ როგორ შეიძლება ვიპოვოთ ყოფიერების საზრისი ფილოსოფიის, ანუ შემეცნების გზით.
კონფერენციის ბოლო ნაწილი კი ჩემთვის ყველაზე საყვარელი აღმოჩნდა. მომეცა საშუალება გელა ბაბლუანისთვის კითხვები დამესვა კინემატოგრაფიაზე და მისგან ძალიან ამაღელვებელი, საინტერესო და ამომწურავი პასუხები მიმეღო.“ - ნინანო გუგუნავა, მოსწავლე და კონფერენციის მსმენელი.
ღონისძიების კულმინაცია - „წიგნების თაროს“ კონფერენცია ერთ-ერთ ყველაზე წარმატებულ ქართველ რეჟისორთან, გელა ბაბლუანთან, შეხვედრით დასრულდა. რეჟისორი პირველად შეხვდა ქართველ ახალგაზრდებს თავისუფალი კითხვა-პასუხის რეჟიმში. როგორც გელა ბაბლუანი ამბობს, შეკითხვები მრავალფეროვანი და საინტერესო იყო.
„ვფიქრობ, რომ არა მარტო რეჟისურის, არამედ ყველა სფეროს მიმართ აქვთ ამ ბავშვებს განსაკუთრებული ინტერესი და უნდათ, რომ ყველა პროფესიის სპეციფიკაში კარგად გაერკვნენ. მოტივირებული და განვითარებული თაობაა, რომელსაც საქმის და განათლების მიმართ პოზიტიური მიდგომა აქვს, ამიტომ მგონია, რომ ძალიან დადებითი შედეგები ექნებათ ცხოვრებაში.“- გელა ბაბლუანი, რეჟისორი.
ისევე როგორც სტუდენტების, ასევე თითოეული მოხსენებლის გამოსვლების სრული ვერსიები დაიდება „წიგნების თაროს“ ფეისბუქ გვერდზე ეტაპობრივად და ყველას შეეძლება მოისმინოს განსაკუთრებულად საინტერესო შემეცნებითი ღონისძიების ეპიზოდები.
კონფერენცია „საოცარი ახალი სამყარო“ საქართველოს ბანკის მხარდაჭერით გაიმართა. ღონისძიებას მასპინძლობდა „Holiday Inn Telavi”.
კომპანია "წიგნების თარო” ქართული ბრენდია, რომელიც საბავშვო და ახალგაზრდულ, შემეცნებით-გასართობ პროექტებს ახორციელებს. ამავე სახელწოდების სატელევიზიო შოუ, რომელიც 2016 წლიდან საზოგადოებრივი მაუწყებლის პირველი არხის ეთერში გადაიცემა, კომპანიის საავტორო პროექტია. 2020 წელს კომპანია საქართველოს წიგნის გამომცემელთა და გამავრცელებელთა ასოციაციამ წლის მთავარი პრიზით, „წიგნის ქომაგი 2020“-ით დააჯილდოვა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ირანის შეტევის შედეგად ისრაელის 6 კვლევითი ლაბორატორია განადგურდა და 9 დაზიანდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
