მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ეს იყო ჩხვლეტა, გამჭოლი ჭრილობა, თუ რის გამო დადგა სიკვდილი ძალიან მაინტერესებს" - თამარ ბაჩალიაშვილის ბიძა
20:51 / 28-07-2020
გარდაცვლილი თამარ ბაჩალიაშვილის ბიძის კობა თამაზაშვილის განცხადებით, ოჯახის თხოვნაა, რომ პროგრამისტის გარდაცვალების საქმე ობიექტურად იყოს გამოძიებული.
როგორც მან ჟურნალისტებს განუცხადა, ოჯახი ითხოვს, რომ საქმის გამოძიება უშუალოდ შინაგან საქმეთა სამინისტროს დაქვემდებარებაში გადავიდეს, იმ მიზეზით, რომ ძალიან ბევრი პასუხგაუცემელი კითხვა არსებობს.
„ობიექტურად გამოძიებას ვითხოვთ. უბრალოდ, არ გვინდა, რომ თამარის უმანკო სული ლაფში იყოს გასვრილი. რამ გამოიწვია სიკვდილი?! ეს იყო ჩხვლეტა, გამჭოლი ჭრილობა, თუ რის გამო დადგა სიკვდილი ძალიან მაინტერესებს“, - განაცხადა კობა თამაზაშვილმა.
მისივე განმარტებით, საქმესთან დაკავშირებით, ძალიან ბევრი ექსპერტიზა დარჩა ჩასატარებელი, ასევე ამოსაღებია დრონის ჩანაწერები, ჯერ კიდევ არ არის გახსნილი თამარ ბაჩალიაშვილის სამუშაო კომპიუტერი, რაც ოჯახს გარკვეულ კითხვებს უჩენს.
„ჩემში იწვევს, რომ ეს ამბავი ან ძალიან არის ჩახლართული, რადგან გამოძიებას სურს ყველაფერში ობიექტურად გაერკვეს და მერე გვითხრას საბოლოო პასუხი, ან შეიძლება თავს ვერ ართმევდეს“, - განაცხადა კობა თამაზაშვილმა.
რაც შეეხება საქმეში აშშ-ის ფედერალური ბიუროს ჩართვას, რათა გაიხსნას ბაჩალიაშვილის სამუშაო კომპიუტერი, გარდაცვლილი გოგოს ბიძა ამბობს, რომ ამის შესახებ ოჯახის ადვოკატმა შესაბამისი მიზეზის საფუძველზე ისაუბრა.
„რამდენადაც ვიცი, ამ დრომდე ვერ მოხდა კომპიუტერის გახსნა. ეს არის ჩვეულებრივი, საოფისე სამუშაო კომპიუტერი და ძალიან მიკვირს, რომ არ არიან შესაბამისი სპეციალისტები, მოახერხონ მისი გახსნა. რადგანაც ადვოკატმა ეს ყველაფერი მიზანშეწონილად ჩათვალა, ალბათ რეალურად მიაჩნია, რომ ეს ასე უნდა იყოს, ვინაიდან, თამარი მუშაობდა იმ კომპანიაში, რომელიც ამერიკიდან იმართება“, - განაცხადა კობა თამაზაშვილმა.
ცნობისთვის, თამარ ბაჩალიაშვილი 18 ივლისს გაუჩინარდა. ახალგაზრდა პროგრამისტი სათვალთვალო კამერებმა ბოლოს თეთრიწყაროს რაიონში დააფიქსირეს. ის 5-დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს.
ბაჩალიაშვილის საქმეზე გამოძიება თავისუფლების უკანონო აღკვეთის მუხლით დაიწყო, შემდეგ კი ბრალდების კვალიფიკაციას თვითმკვლელობამდე მიყვანის მუხლი დაემატა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
